Nahum 2:4 - Tedim Bible

⁴ Sakol leengte kongzing lakah, kisuk leh kito leh uh a, lamkabom khempeuh nawkin leeng kawikawi uh hi. Meikuang bangin kikhawh uh a, khuaphia bangin leeng uh hi.

Tedim Bible Revision 2017

⁴ Sakol leengte kongzing lakah kileh suk kileh to uh a, lamka bom khempeuh nawkin leeng kawikawi uh hi. Meikuang bangin kikhawh uh a, khuaphia bangin leeng uh hi.

Nahum 2:4 Referans Kwoze

Jeremiah 4:13

En un, i galpa meii bangin hong pai a, a sakol leengte pingpei tawh kibangin, a sakolte muvanlaite sangin manlang zaw hi. Gimna i thuak ding hi, bang hang hiam cih leh gallel ding i hi ta hi.

Ezekiel 26:10

A sakolte’ paina leivui khute in khuapi tuamcip ding hi. Van pua leeng leh leeng galkapte’ gin’na in khuapi kulhte cimsak ding a, a kisusiasa kulh kongpi-a pai bangin hong lut lel ding uh hi.

Isaiah 66:15

Bang hang hiam cih leh en un, heh mahmahna tawh ama sin sona leh meikuang tawh daan a pia dingin meikuang sungah Topa hong pai ding a, huihpi bangin a leengte hong pai ding hi.

Daniel 11:40

Siria kumpipa hun a bei dektak ciangin, Izipt kumpipa in amah a sim ding hi. Siria kumpipa in a tha neih teng siit loin tuikhang bangin, sakol tawh, sakol galkapte tawh, teembaw tampi tawh Izipt a do ding hi.

Isaiah 37:24

Nangmah in na nasempa zangin, Topa na zahko a, Lebanon mual dong pek, mual sangte tungah ka leeng tampite tawh ka pai khin hi; taamtak sing a sang pente, taksing hoih pente ka phuk khin hi; a sang pen mun, tulak a thuk penna munah ka paikhin hi.

Jeremiah 46:9

Sakolte aw, mai nawt un, sakol leengte aw, hat un! Lum tawi Ethiopia mite leh Put mite aw, thal tawisiam Lud mite aw, na galkapte uh kuan sak un.

Ezekiel 23:24

Amaute in leilu lam panin nang hong sim ding a, leeng galkap leh vanpua leeng tampi hong kengin galkap tampi tak tawh hong kuan ding uh hi. Lumte leh siklukhute tawh kidalin amaute in nang hong umcih ding uh hi. Amaute’ khut sungah nang kong ap ding a, amaute’ ngeina om bangin nangma tungah thu hong khen ding uh hi.

Ezekiel 26:7

“Tua ciangin kumpi khempeuh lak panin a lianpen ahi Babilon kumpipa Nebukhadnezzar, nang Tai-ar khuapi a sim dingin kong paipih ding hi. Amah leilu lam gam pan hong kipanin galkap honpi, sakolte leh a leengte, leh sakol galkap honte hong tonpih ding hi.

Paunak 31:21

A innkuan bup-un puanlum guan’ zo ahih manin, phalbi tun’ ding lunghimawh lo hi.