Nahum 2:2 - Tedim Bible

² (Israel mite, a galte’ sukgawp ma, a nidang ngeina bangun, Topa in a om sakkik ding a kipan ahi hi).

Tedim Bible Revision 2017

² (Israel mite, a galteʼ suk gawp ma, a nidang ngeina bangun Topa in a omsakkik ding a kipan ahi hi.)

Nahum 2:2 Referans Kwoze

Zefaniah 3:11

Tua hun ciangin, ka mite in kei nong lehdona hangun, maizumna ding bangmah om nawn lo ding hi. Note’ lak panin a kiphasak a kihisak mite ka hawlkhia ding a, Jerusalem khua a, ka mual siangtho tungah kei nong lehdo nawn kei ding uh hi.

Ezekiel 37:23

Amaute pen a muhdahhuai milimte tawh kininsak nawn lo ding uh a, mawhnate tawh zong kisiasak nawn lo ding uh hi. Amaute’ mawhna leh kei hong lehheknate panin ka suakta sak ding hi. Amaute a siangtho mi-in ka bawl ding a, amaute in keima mi hi-in, kei in amaute’ Pasian ka hi ding hi.

Isaiah 60:15

Hong kinusia, hong kimudah, kuama hong nawk loh nang pen, a tawntungin kisak theihna leh khang khat pan khang khat lungdamna ahi dingin kong bawl ding hi.

Hosea 10:1

Israel mite ahih leh a gah pha mahmah leenggui tawh kibang hi. Cithei semsem leh biakna tau tam semsem lam uh hi. A gam sung uh cithei semsem leh biakna khuampi hoih bawl semsem uh hi.

Jeremiah 49:9

Mite in leenggah a lawh uh ciangin a gui tungah tawm a nusia lai uh hi. Zan-in gutate in na a guk uh ciangin a deih teng bek uh a gu uh hi.’

Jeremiah 25:29

Bang hang hiam cih leh, en un, ka min tawh a kilo khuapi sungah suksiatna ka pan ding hi. Note in bangmah a thuak lo ding kisa na hi uh hiam? Daan thuak loin na om kei ding uh hi, bang hang hiam cih leh a vanglian Topa in kong cih-inah, leitung-a teeng mi khempeuh that dingin namsau khat ka sawl hi,’ ci in.

Late 47:4

Ama itpa Jakob’ angtan’pih ahi, eima luah ding amah in hong teelsak hi.

Jeremiah 48:11

“Moab gam in a neu lai-a kipanin nuam takin a om den hi. Gam dangah kipaikhiatpih ngei lo a, thawl khat pan thawl khat-a tei kawikawi lenggahzu tawh kibang lo hi. A limna kilamdang ngei loin a gimnam zong kikhel ngei lo hi.

Ezekiel 37:21

amaute kiangah, Topa Pasian in hih bangin ci hi, ci-in gen in: Amaute’ omna minam dangte lak panin Israel mite la-in ka kaikhawm ding a, amaute’ gamah ka paipih kik ding hi.

Nahum 2:10

Nineveh khuapi kisusia-in kinusiacip a, gamkhing suak hi. Launa lungsim tawh kidimin khukte liing kelkel a, mi khempeuh lunggimin a mai-ah si teeng lo hi.

Nahum 3:14

Hong ki-umcihna na nan’ nadingin tui tawi-in, na kulhte cian’beh in la, Leiseek seek dingin buan cilin, leiseekna kuang a baihsa-in nei ta lecin zong,