Nahum 2:11 - Tedim Bible

¹¹ Humpinelkai note an a kivakna mun, humpinelkai leh a note lung muanga a omna mun, humpinelkaite’ kua koi-ah om ta ahi hiam?

Tedim Bible Revision 2017

¹¹ Humpinelkai note an a kivakna mun, humpinelkai le a note lungmuang a a omna mun, humpi-nelkaiteʼ kua tawh a kibang koi ah om ta ahi hiam?

Nahum 2:11 Referans Kwoze

Isaiah 5:29

Amaute’ kikona pen humpinelkai hawk tawh kibang a, humpinelkai khanglaite bangin amaute hawk uh hi; amaute humhamin a sa nek ding uh man uh a, amaute in puakhia-in kuamah in honkhia zo lo hi.

Jeremiah 2:15

Humpite bangin a galte in amah hawk uh a, nakpi takin a hawkgawp uh hi. A gam uh gam simtham a suah uh a, a khuapite cim-in kuamah teeng lo hi.

Zefaniah 3:3

A uliante, a hawk thei humpinelkai gilkial bang a, a thukhente, keivom gilkial bang uh hi. Zing khuavak mateng a saguh nek a nusia nuam lo, a huaiham gamsate tawh kibang uh hi.

Nahum 3:1

Zuauna leh mithahna tawh a kidim khuapi, van top ding tampi a omna khuapi, tu-in a siacip ding hi ta hi.

Jeremiah 50:44

“En un, lo nona-a nuam taka om tuute, Jordan gam tuulak pana hong paito humpi in a delh mang bangin keimah in amaute, a gam uh nusia-in thakhat thu-in ka taimang sak ding a, a gam uh a uk dingin ka deih peuhpeuh ka seh ding hi. Bang hang hiam cih leh kei bang mi kua om ahi hiam? Ka to ding kua om lai ahi hiam? Ka mai-ah kua kumpi hong ding ngam ding ahi hiam?

Jeremiah 50:17

“Israel mite humpi in a delhmang tuu tawh a kibang uh hi. A masa-in Assiria kumpipa in a ne a, tu-in a tawpna ah Babilon kumpipa Nebukhadnezzar in a guh dongin a teep tum hi.

Jeremiah 4:7

Humpi khat a bukna sawl kawm lak pan hong kuankhia zo a, gamte susia dingpa hong paikhia khin zo hi. Na gam uh a kisia sak ding leh na khuapite uhah kuamah a teen’ loh nadingin a susia dingin ama’ omna panin hong kuankhia khin zo hi.

Isaiah 31:4

Bang hang hiam cih leh Topa in keima tungah hih bangin hong ci a, humpinelkai ahi a, humpinelkai khanglai in ahi zongin a sa nek ding a ngik ciangin, amah do dingin tuucingte honpi khat kisamkhia-in, amaute’ otna hangin lau tuan loin , amaute’ gamlumna hangin a sin a dawilok tuan loh mah bangin, Vanglianpen Topa zong Zion Mual tungah galdo dingin hong kuansuk ding hi.

Piancilna 49:9

Judah in humpinelkai tawh kibang hi; ka ta aw, na matsa ganhing na nekna panin na paito hi. Amah kun suk a, humpinelkai-pa leh humpinelkai-nu bangin lum hi; kua in amah phong ngam ding ahi hiam?

Gamlak-vakna 23:24

En un, hua mite! Humpinelkaipi bangin tho toin, humpinelkaipa bangin kaang to hi; a an a nek mateng, a matte’ si a dawn mateng, lumsuk lo hi,” a ci hi.

Ezekiel 32:2

“Ezekiel aw, Izipt kumpipa Faro tamlawh in la, hih bangin ci in: Minam dangte lakah, humpinelkai bangin na kingaihsun a, ahi zongin nangmah in gun sung tok gawpin gun a ninsak, awle tawh na kibang zaw hi.

Micah 5:6

A namsau uh tawh Assiria gam zo-in Nimrod gam zo ding uh a, Assiria mite in i gamgi dong hong sim ciangin amaute’ kiang panin eite hong honkhia ding uh hi.

Nahum 2:12

Humpinelkai in sa manin, a zi leh a tate’ adingin balnensak a, a kua sung, sa kibalnen tawh kidimsak ngei hi.

Isaiah 13:7

Tua ahih ciangin khut khempeuh zaw-in, mi khempeuh’ lungsim tui suak ding a,

Joel 2:6

Amaute hong nai ciangin mi khempeuh lau uh a, a maitangah si teeng kuamah om nawn lo hi.