Nahum 2:10 - Tedim Bible

¹⁰ Nineveh khuapi kisusia-in kinusiacip a, gamkhing suak hi. Launa lungsim tawh kidimin khukte liing kelkel a, mi khempeuh lunggimin a mai-ah si teeng lo hi.

Tedim Bible Revision 2017

¹⁰ Nineveh khuapi kisusia a, kinusiacipin gamkhing suak hi. Launa lungsim tawh kidimin khukte liing kelkel a, mi khempeuh lunggimin a mai ah sisan teeng lo hi.

Nahum 2:10 Referans Kwoze

Late 22:14

Tui bangin kei hong kibua khia a, ka guh ka tang khempeuh kilawi khin hi; ka lungtang khuainun bang a, ka awm sungah tui suak hi;

Joel 2:6

Amaute hong nai ciangin mi khempeuh lau uh a, a maitangah si teeng kuamah om nawn lo hi.

Daniel 5:6

Tua ciangin kumpipa lau lua mahmah a, a mai daang gawpin a khut a liing kauhkauh hi.

Jeremiah 30:6

Tu-in ngaihsun dih un. Pasalte nau a suak ngei uh hiam? Tua ahih leh bang hangin pasal khempeuh in numei nausuak dingte bangin, a taai uh hum ahi hiam? Bang hangin a mai uhah si teeng lo ahi hiam?

Isaiah 24:1

En un, Topa in leitung hawmsuak sakin gamkhing suaksak ding a, amah in lei maitang huiheek gawpin, a tunga teeng mite thehthang ding hi.

Isaiah 21:3

Tua ahih ciangin ka pumpi na hi; nausuak numei in na a sak bangin na ka sa hi; khuaza thei lo zah dongin a kuncip-in ka om a, ka muh nate hangin lamdang sa in ka om hi. khua mu thei lo zah dongin lungkia-in ka om hi.

Zefaniah 3:6

Topa in hih bangin thu gen a, “A kiphasak mite ka nilkhia a, a gal panmunte uh ka susia hi. A kongzing lampite uh ka kinusiacip sak a, kuamah in tua lampi tawn nawn lo hi. A khuapi uh kisia gawpin kinusia a, a sungah kuamah om nawn lo hi.

Nahum 3:7

Nang hong mu khempeuh nungkik gaih-in, ‘Nineveh khuapi siacip ta hi; kua in khasiat ding hiam?’ ci ding uh hi. Ahi zongin nang hong hehnem nuam kuamah om lo ding hi,” ci hi.

Jeremiah 51:62

tua ciangin, ‘Topa aw, hih munah mihing hi taleh, ganhing hi taleh bangmah teeng lo a, a tawntunga a kinusia gam a suah nadingin na suksiat nading na genkhia khin zo hi,’ ci-in thu gen in.

Isaiah 14:23

Simbute’ om nadingin tua khuapi bawlin, bualtui ka suaksak ding a, siatna munphiah tawh ka phiat khia siang ding hi,” Vanglianpen Topa in ci hi.

Joshua 2:11

Tua thu ka zak phetun lungsim kitam zanin, ka lungsim uh bei a, note’ hangin mite’ lungsimah han’na bei hi; bang hang hiam cih leh Topa na Pasian un tunga om vantung leh nuai-a om leitungah Pasian ahi hi.

Piancilna 1:2

Leitung in lim leh meel nei loin a awngthawlpi ahi hi. A thuk tuipi tung tengah khuamialna om a, tua tuitung teng ah Pasian’ Kha a gamtang hi.

Joshua 7:5

Ai mite in amaute mi sawmthum-le-guk khawng thatin, a kulh kongpi mai Shebarim ciang dong delh uh a, tuahsukna mun-ah amaute that uh hi. Hih thu hangin Israel mite’ han’na bei-in, lau mahmah uh hi.

Jeremiah 8:21

Ka mite’ thuakna hangin ka lungsim kisia hi. Lung kham lua-in ka kap hi.

Jeremiah 49:23

Damaskas khua tawh kisai-in, “Hamath khua leh Arpad khuate in thusia za uh ahih manin lung mangin a om uh hi. Tuipi dai thei lo bangin a launa uh dai thei lo hi.

Ezekiel 21:7

Tua bangin na omna thu mite in hong dot ciangin mai lama thupiang ding hangin a tuaci om na hihna gen in. Tua hun ciangin a lungsim uh launa tawh kidimin, launa hangin a khut uh liingcipin, a han’na lungsim uh bei-in, lau-in a khuk uh a liin’ kelkel nading thu leh, tua hun ding pen tu-in a hong tung ta, ahihna thu gen in,” Topa Pasian in hong ci hi.

Ezekiel 31:15

“Topa Pasian in ka cihin ah: Tua singkung in misite khua Leinuai a zuat ciangin, lei nuai-a tuite tuumsakin ka thuumsak ding hi. Gun tuite leh lui tuite ka luangsak nawn kei ding a, Lebanon Mual maikhingin, gamlak sing khempeuh keutum ding hi.

Nahum 2:2

(Israel mite, a galte’ sukgawp ma, a nidang ngeina bangun, Topa in a om sakkik ding a kipan ahi hi).