Nahum 2:1 - Tedim Bible

¹ Nineveh khuapi aw, nang hong kisim ta a, nang hong sugawp dingpa hong tung ta hi. Na kan uhah pang un la, lampi vil un. Kithawi un la, galdo dingin kiging un.

Tedim Bible Revision 2017

¹ Nineveh khuapi aw, nang hong kisim ta a, nang hong su gawp ding pa hong tung ta hi. Na kan uh ah pang unla, lampi vil un. Kithawi unla, galdo dingin kiging un.

Nahum 2:1 Referans Kwoze

2 KHANG TANGTHU NIHNATE 25:8

Ahih hangin hih bang lam-a hihna tawh galdona ah thahat dingin kingaihsun kha na hih leh, Pasian in galte mai-ah nang hong paai ding hi; bang hang hiam cih leh Pasian in huh nading ahi a, paihna ding ahi zongin vangliatna nei hi,” a ci hi.

Jeremiah 50:23

Leitung khempeuh sekpi bang a, a khen Babilon khuapi, tu-in tua sekpi kitanin kitam ta hi! Gamdangte’ lakah Babilon khuapi tu-in a mulkimhuai suak ta hi!

Jeremiah 25:9

en un, leilu lam-a om minam khempeuhte leh ka nasempa ahi Babilon kumpipa Nebukhadzezzar ka vaikhak ding a, hih gam leh a sunga teeng mi khempeuh leh hih kim-a om gam khempeuh a sim dingin ka va la ding hi. Keimah in amaute ka susia khin mang ding a, amaute a tawntungin siacip-in simmawhna ka thuaksak ding hi, ci-in Topa in kong gen hi.

Late 50:14

Lungdam biakpiakna Pasian’ tungah pia un la, Sang Penpa tungah na thuciamnate uh bawl un;

Late 65:2

Nangmah in thungetna a za-pa na hi hi! Mawhna thu hangin nangma kiangah mi khempeuh hong pai ding uh hi.

Isaiah 29:7

Tua ciangin Pasian’ biakna tau a do minam honpite khempeuh, tua khuapi leh a kulhpi simin a lungkham sakte khempeuh, zan-a mangmat tawh kibangin maimang ding uh hi.

Isaiah 29:8

A gilkial mipa in a mangin an ne a, a khan’ lawh ciangin a gil a vah tuan lo, a dangtak mipa in a mangin tui dawn a, a dangtak pha tuan loin a gim mahin a khan’ lawh mah bangin, Jerusalem a do minam honpite khempeuh zong tua ci ding uh hi.

Isaiah 52:7

Thu hoih hong puak, kilemna thu a genzaak, thu hoih thupha hong puak, hotkhiatna thu a genzaak, Zion tungah, ‘Na Pasian in uk hi,’ ci-in mualte kantanin thu hong gente’ khe bangzahin hoih ahi hiam?