Nahum 1:8 - Tedim Bible

⁸ Tuikhang in a suksiat bangin a langte susiagawp a, a galte, khuamial sungah nawhkhia hi.

Tedim Bible Revision 2017

⁸ Tuikhang in a suksiat bangin a langte susia gawp a, a galte khempeuh khuamial sungah a nawt khia hi.

Nahum 1:8 Referans Kwoze

Ezekiel 13:13

Tua ahih manin Topa Pasian ahi keima thugen in: Ka hehna tawh huihpi nungsakin, guahpi zusakin, gialpi kiasak in, tua kulhpi ka susia ding hi.

Isaiah 28:17

Keimah in thutan’na pen khau khai bangin ka bawl ding a, thuman’na pen khaukhai sikbawk bangin ka bawl ding hi; gial in na zuau buk uh dengkhia ding a, tui in na bukna mun uh susia ding hi,” ci hi.

Isaiah 8:22

amaute in lei lak a et suk hangun, lungkhamna leh khumialna, lungzing-a gimna bek om hi; khuamial ngeungau sungah amaute kihawlkhia ding hi.

Zefaniah 2:13

Topa in leilu lamah a khut hong zanin, Assiria gam susia ding a, Nineveh khuapi susia gawpin, sehnel gamlak suaksak ding hi.

Amos 8:8

Tua ahih manin ziin hong liing ding a, leitunga om mi khempeuh kap ding uh hi. Nail Gunpi bangin leitung khempeuh khang toin kiamsuk ding hi.

Mattiu 8:12

Gamsung mite ahih uh leh, pualam khuamial lakah a hawlkhia ding hi. Kahna leh ha gawina a om ding hi,” ci-in a nungzuite kiangah a gen hi.

Mattiu 7:27

Guah tampi zu a, tui luang a, huihpi nung a, tua inn a mut ciangin, sehnel tungah kilam ahih maninah a puk hi. Tua pukna in pukna lian ahi hi,” ci-in Zeisu in a hilh hi.

Nahum 2:8

Tuibeem kitam pan-a tui luang khia bangin, Nineveh khuapi panin mite taikhia uh hi. “Khawl un, khawl un,” a kicih hangin, khat beek nunghei lo uh hi.

Nahum 1:1

Hih in Nineveh khua tawh kisai thugenna hi a, Elkosh khuami Nahum’ mangmuhna a kiciamtehna lai ahi hi.

Daniel 11:40

Siria kumpipa hun a bei dektak ciangin, Izipt kumpipa in amah a sim ding hi. Siria kumpipa in a tha neih teng siit loin tuikhang bangin, sakol tawh, sakol galkapte tawh, teembaw tampi tawh Izipt a do ding hi.

Daniel 11:22

Ama mai-ah galkap honpite kisiak khia ding a, thuciamna tawh kipawl kumpipa zong a kisia mang ding hi.

Daniel 9:26

Nipi kal sawmguk leh nih a bei khit ciangin sathau kinilhpa thuman lopi-in kithat ding hi. Hong pai ding mite a ukpa in khuapi le biakinnpi a susia ding hi. A beina in tuiciin tung bang hi ding a, a tawp dongin galdona leh kisiatna vive hi dingin Pasian in thu a khen zo hi.

Jeremiah 13:16

Topa in khua mialsak a, khuamialna mual tungah na tuk ma-un na lamet uh khuavak pen khua mial bikbek a suah ma-in, Topa na Pasian uh pahtawi un.

Paunak 4:19

Migilote’ lampi ahih leh zan khuamial bangin mial a, amaute a tuksak, a suihkhak nate nangawn mu thei lo uh hi.

JOB (Job) 30:15

Launa tawh ka kidim a, ka thupina teng huih letkhiat bangin beimang a, ka cihtheihna teng meii bangin theng ta hi.

Daniel 11:10

“Siria kumpipa’ tate in galdo dingin kithawi-in galkap ding mi tampi a kaikhawm ding uh hi. Tua galkap mangte khat thahat diakin tuikhang bang dinga galte’ kulhpi a luh zo ding hi.

JOB (Job) 40:11

A kiphasak mite en in la, na hehna tawh amaute niamkhiat gawp in.

Isaiah 13:9

En un, leitung gamkhing suaksakin, leitung mawh neite a susia dingin gitlohna, hehna leh sinso-na tawh Topa’ ni nasia takin hong tung hi.

Isaiah 13:10

Bang hang hiam cih leh vantung aksite leh amau’ aksi honpite in khuavakna piakhia lo ding hi; ni a suah tung akipan mial ding a, kha in khuavak taangkhia sak lo ding hi.

Isaiah 28:2

En un, Topa in vanglian-in a hat mahmah mi khat nei hi; a susia huihpi gialpi, tuikhanglet leh a thahat huihpi bangin amah in leilak den’ gawp nading hi.

Jeremiah 51:64

‘Babilon khuapi’ gitlohna hangin a tungah gimna ka tung sak ding a, tu-a bangin Babilon khuapi zong tum sukin a hong dawkto kik nawn kei ding hi,’ ci-in gen in” a ci hi. Jeremiah’ thugenna tu-a ciang ahi hi.

1 SAMUEL MASA 2:9

“Amah in a thuman ama mite kalsuanna cing ding a, ahih hangin migilote khuamialna sungah kikhiasuk ding hi; bang hang hiam cih leh thatang hatna tawh mi gualzo lo ding hi.

Isaiah 28:18

Tua ciangin sihna tawh na thuciamna uh kiphiat ding a, Leinuai tawh na thukimna uh kip lo ding hi; a tuumcip ding tuiciin in hong nawk ciangin note hong sugawp ding hi.