Nahum 1:7 - Tedim Bible

⁷ Topa hoih hi; lungkham hunin a mite huh a, amah a bel mite lim takin kem hi.

Tedim Bible Revision 2017

⁷ Topa hoih hi; lungkham hunin a mite huh a, amah a beel mite limtakin a kem hi.

Nahum 1:7 Referans Kwoze

2 TIMOTI NIHNA 2:19

Ahih hangin, “Topa in ama mite a thei hi,” ci-in ahi zongin, “Topa’ min a muangte in dik lohna pan paikhia hen,” ci-in ahi zongin ciamtehna a om, a to mahmah Pasian’ bulpi in, kipin a om hi.

Johan 10:27

Ka tuute in keima aw a ngai uh a, ka tuute ka thei a, keima nung hong zui uh hi.

Kah la 3:25

Amah a muang khempeuh adingin Topa in a hoih hi.

Johan 10:14

Migi tuucing ka hi hi. Pa in kei hong thei-a kei in Pa ka theih bangin,

Late 100:5

Bang hang hiam cih leh Topa hoih hi; ama itna kip-in kho tawntung a, ama thumanna a khang a khangin a kip hi.

Late 27:5

Bang hang hiam cih leh haksat hun ciangin a buk sungah kei hong seel ding hi; a puanbuk khuhna nuai-ah kei hong seel ding-a, a san’na suang tungah hong koih ding hi.

Paunak 18:10

Topa’ min in tausang muanhuai tawh kibang a, thuman mite in beelin lungmuangin om thei uh hi.

Late 1:6

bang hang hiam cih leh Topa in midikte’ lampi kem a, migilote’ lampi ahi leh siamang ding hi.

Galati 4:9

Tu-in ahih leh, note in Pasian na thei khin uh tham loin, Pasian in note hong theih khit ciangin, thahat lo, nopna hong pia thei lo thungeek lamah, a bang hangin kihei kikin sila kaikik nuam na hi uh hiam?

Isaiah 25:4

Bang hang hiam cih leh nang pen mizawngte’ adingin mun muanhuai, a cimawh mi’ adingin a lungkhamna ah mun muanhuai, huihpi panin bukna leh nisa panin nilim na hi hi; bang hang hiam cih leh thukhual lo mite’ hihna pen huihpi in kulh a nawk tawh kibang a,

1 KHANG TANGTHU MASATE 16:34

Amah hoih ahih manin Topa tungah lungdamna ko un; bang hang hiam cih leh a itna kip a tawntungin a kho hi!

Jeremiah 33:11

Ahih hangin lungdamna aw leh kipahna awte, zi nei thakte leh mothakte’ awte kiza kik ding hi. Mite in Topa’ biakinn ah hong pai-in lungdam biakna pia-in: ‘A vanglian Topa tungah lungdamna pia un. Bang hang hiam cih leh Topa hoih a, ama’ itna kip kho tawntung hi!’ ci-a a lasakna awte uh a kiza kik ding hi. Bang hang hiam cih leh Topa in kong cih-inah a masa-a mah bangin hih gam ka hausak kik ding hi.

Late 86:7

Nangmah in kei hong dawng na hih manin ka haksat hun ciangin nangma tungah kong ngen hi.

Isaiah 32:2

Amaute pen, huihpi panin belhna, guahpi panin bukna bang ding uh a, sehnel gam sunga tui luang bangin, nisa gam sunga om suangpi liim bang ding uh hi.

Late 25:8

Topa hoihin thutang hi; tua ahih manin mimawhte lam hilh hi.

Daniel 3:28

Tua ciangin kumpipa in “Shadrak,’ Meshak,’ Abednego’ Pasian phat un. Amah in a vantungmite sawl a, amah a muang ama nasem hih mite a honkhia hi. Amaute in ka thupiakna mang loin, amau’ Pasian longal pasian dang mai-ah kunin bia nuam lo uh ahih manin mei phualpi sunga khul ding a ut zaw uh hi,” a ci hi.

Late 71:3

Nangmah in hong hon dingin ka belh suangpi, ka kulh muan’huai hong hi ta in, bang hang hiam cih leh nangmah in keima suangpi leh ka kulhpi na hi hi.

Late 91:15

Amah in kei hong sap ciangin keimah in amah ka dawng ding hi; haksatna sungah amah ka ompih ding a, amah honkhia-in ka pahtawi ding hi.

Late 59:16

Ahih hangin keimah in nangma vangliatna la ka sa ding a, zingsangin na itna kip phatna la nakpi-in ka sa ding hi. Bang hang hiam cih leh nangmah in keima munkip muan’huai na hi a, ka gentheih hunin keima belh na hi hi.

Late 50:15

haksat hun ciangin kei tungah hong ko un; note kong honkhia ding a, note in kei nong thangsak ding uh hi.”

Daniel 6:23

Kumpipa a lungdam mahmah a, humpinelkai koihna khuk sung pan Daniel kaihkhiat dingin thu a pia hi. Tua ahih ciangin Daniel kaikhiato uh a, liamna themcik zong a neih loh lam a mu uh hi. Bang hang hiam cih leh amah in Pasian a muang hi.

ROM (Romans) 11:22

Tua ahih ciangin a puk mite tungah a thukhenna ahi zongin, ama hehpihna sungah na kip leh, nangmah tungah Pasian’ hehpihna ahi zongin, hih thu nih na ngaihsun in. Ama hehpihna sungah na kip kei leh, phuk tanna na thuak ding hi.

2 KHANG TANGTHU NIHNATE 32:21

Tua ciangin Topa in Assiria kumpipa’ giahphual ah a thahat galhang khempeuh leh galkap ukte leh uliante a susia vantung mi khat sawl hi. Tua ahih ciangin ama gamah maizumna tawh ciahkik hi. Ama pasian’ inn sungah amah a tun’ ciangin ama tapate pawlkhat in namsau tawh amah satlum uh hi.

Mattiu 27:43

Amah in Pasian a muang hi. Pasian in amah a deih leh, tu mahmahin amah hong gum ta hen. Bang hang hiam i cih leh, amah in, ‘Pasian’ Tapa ka hi hi,’ a ci hi,” ci-in a zahko uh hi.

Mattiu 7:23

Tua bang a hong gen uh ciangin, ‘Note cikmahin kong thei ngei kei hi. Mawhna a hihte aw, kei kiang panin taikhia un,’ ka ci ding hi.”

Ezra 3:11

tua ciangin amaute in Topa phatna leh lungdam kohna a kidawngin sa uh a, “Topa tungah lungdam koh ding hoih hi, bang hang hiam cih leh Israelte hong itna kip tawntung hi,” a ci uh hi. Topa’ inn bulpi kiphut khin ahih manin mi khempeuh in nakpi takin Topa phat uh hi.

2 KHANG TANGTHU NIHNATE 32:11

Hezekiah in note kiangah, “Assiria kumpipa khut panin Topa i Pasian in eite hong honkhia ding hi,” hong cih ciangin, note gilkial dangtakin a hong si sak dingin amah in note hong makai khial hilo ahi hiam?

2 KHANG TANGTHU NIHNATE 32:8

Amah tawh mihing thatang om hi; ahih hangin eite hong huhin i gal hong dosak dingin Topa i Pasian in eite tawh hong om hi,” a ci hi. Tua ciangin mite in Judah kumpipa Hezekiah’ kammalte muang uh hi.

1 KHANG TANGTHU MASATE 5:20

amaute a do dingin huhna a ngah uh ciangin Hagri mite leh amau tawh a pawl khempeuhte amaute’ khut sungah kipia hi; bang hang hiam cih leh gal kidona sungah amaute in Pasian’ tungah ko uh a, amaute in amah muang ahih manin amah in amaute’ thuumna pia hi.

Late 20:1

Gimna hunah Topa in nangmah hong en! Jakob Pasian min in nangmah hong dal!

Late 37:39

Thumante’ kihotkhiatna in Topa’ kiang pan hi a, amah in haksat hun ciangin amau bukna ahi hi.

Late 37:40

Amaute in Topa bel ahih manin amah in amaute huhin honkhia hi; migilote kiang panin amaute honin suaktasak hi.

Jeremiah 16:19

Aw Topa, ka hatna leh ka kulhpi, lungkham hun cianga ka bukna aw, leitung mong panin gamdang mite nang’ kiangah hong pai ding uh a, “Ka pu ka pate un zuauthu leh bangmah a, kimang lo milimte longal bangmah a luah kei uh hi.

Jeremiah 17:17

Kei hong lausak kei in; gimna hong tun’ cianga kong belhpa na hi hi.

Jeremiah 24:5

Hih mun panin Khaldea mite’ gam a, ka puakkhiat Judah mi sal tangte hih theigah hoihte bangin a hoih-in ka ngaihsun ding hi.

Joel 3:16

Zion Mual panin Topa hong hawk suk a, Jerusalem panin hong awngkeek a, vanpi leh leipi liing damdam hi. Ahi zongin Topa in, ama mite’ belhpa hi a, Israel mite’ munmuanhuai ahi hi.

Zefaniah 3:12

Note lakah a kiniamkhiat, mi lungnemte bek, ka suakta sak lai ding a, keima min suangin thu hong ngen ding uh hi.

2 KHANG TANGTHU NIHNATE 13:18

Judah mite in a pu a pate uh Pasian, Topa suang uh ahih manin gualzo uh a, tua hunin Israel mite kizo hi.

Late 9:10

Topa aw, nangmah hong zongte nusia lo na hih manin, na min a theite in nang hong muang hi.

Late 46:2

Tua ahih ciangin, leitung kikhin-in, mualte tuipi sung a kiden’na zongin, a tuite ging zuazua-in phuan zuazua a, hih gin’na hangin mual liante a liing zongin, i lau kei ding hi.

Isaiah 50:10

Topa kihta a, a nasempa’ thu a mangte khempeuh in, khuamial sungah khuavak nei loin na pai hangun, Topa muang un la, Pasian suan’ in nei un.