Nahum 1:5 - Tedim Bible

⁵ Ama mai-ah mualliante liing a, Mualneute tuisuak hi. Ama mai-ah leitang kicim a, leitung leh a tunga om khempeuh liing uh hi.

Tedim Bible Revision 2017

⁵ Ama mai ah mual liante liing a, mual neute a tui suak hi. Ama mai ah leitang kicim a, leitung le a tunga om khempeuh a liing uh hi.

Nahum 1:5 Referans Kwoze

Micah 1:4

Meikhuk sunga khuainun kikoih bangin, ama khe nuai-ah mual liante tuisuak ding a, mual tung panin tui a luan’sak bangin, guam sungah tua mualte luang suk ding hi.

Jeremiah 4:24

Mualte ka et leh kiliing damdam uh a, mualneute kileh kawikawi uh hi.

2 SAMUEL NIHNA 22:8

“Tua ciangin leitung kisingin kilok a, vantung bulpite liingin taang hi; bang hang hiam cih leh amah heh hi.

Habakkuk 3:10

Mualliante in nang hong muh ciangin liing uh a, van panin guah tampi hong zu hi. Lei nuai-a om tuite ging zuazua a, a tuihualte in sangpipi banto hi.

Late 68:8

nangmah Pasian na om manin lei lingin, vantungte in guah zusak hi; Pasian ahi, Israelte’ Pasian’ omna-ah Sinai mual nangawn ling hi.

Thukhente 5:5

Topa mai-ah mualte kiliing hi, Israelte’ Pasian, Topa’ mai Sinai gal khatah.

Late 114:6

Mualliante aw, tuutal bangin, mualneute aw, tuuno bangin na dian’ nading uh bang in hong nasak ahi hiam?

Late 114:4

Mualliante tuutal bangin diang uh a, mualneute tuuno bangin a diang uh hi.

Late 98:7

Tuipi leh a sunga omte khempeuh aw, awng un la, leitung leh a tunga teeng khempeuh aw, la sa un.

Late 46:6

Minamte heh mahmah uh a, kumpi gam kiliing hi; ama aw ging khiasak a, leitung kicimgawp hi.

Paikhiatna 19:18

Sinai Mual meikhu in tuamcip hi, bang hang hiam cih leh Topa in mei sungah tua mual tungah kum hi; a khu in meiphualpikhu bangin kahto a, a mual buppi nakpi takin liing hi.

Mangmuhna 20:11

Tua nung ciangin kumpi tokhom a kaang a lian khat ahi zongin, tua tokhom a, a tu Topa ahi zongin ka mu hi. Tua Topa maitang pan lei leh van in a taikhia uh a, amau adingin omna a om nawn kei hi.

Mattiu 28:2

Tua lai takin lei nakpi-in a liing hi. Bang hang hiam i cih leh, Pasian’ vantungmi khat in vantung panin hong kumsuk a, han kong khakna suangpi a likkhiat khit ciangin a tungah a tu hi.

Mattiu 27:51

Tua lai takin Pasian biakna innpi’ dalna puan a tung lam pan a nuai lam dongin phel nih kisuah hi. Ziin liinga suangpite zong a kitam hi.

Mangmuhna 6:14

Van in laidal zial bangin kizial mang hi. Mualte leh tuikulhte khempeuh in a omna uh pan a kinkhia uh hi.

Late 18:7

Ama hehna hangin leitung kipumpei in, kiveei a, mual bulpite zong lingin kising damdam hi.

Isaiah 5:25

Tua ahih ciangin, Topa’ hehna ama mite’ tungah hong khangin, a khut zanin amaute vat gawp a, mualte liing hi; amaute’ luang hawmte pen kongzing lampite ah nin bangin om hi. Hih bang teng hangin zong a hehna dam nai lo a, ama khut kizan lai hi.

Isaiah 24:1

En un, Topa in leitung hawmsuak sakin gamkhing suaksak ding a, amah in lei maitang huiheek gawpin, a tunga teeng mite thehthang ding hi.

Isaiah 24:20

Leitung pumpi zukham bangin hoi ding a, huihpi in a mut buk bangin awn ding hi. Ama mawhnate in nengcip gawp ding a, amah pukin thokik zo nawn ngei lo ding hi.

Joel 2:10

Amau’ mai-ah leipi liing a, vanpi nangawn liing damdam hi. Ni leh kha zong mial ta a, aksite zong taang nawn lo hi.

Zekhariah 4:7

Thu haksa pente nangawn in na ma hong khaktan zo lo ding hi. Biakinn na lamkik ding a, mite in, ‘Hoih mahmah hi,’ ci-in a ot ngeii-ngai lai takin a khupna suang na ciang ding hi, hong ci hi,” a ci hi.

Malakhi 4:1

Vanglianpen Topa in hih bangin ci hi: “En un, mi kiphasak khempeuh leh migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

JOB (Job) 9:5

Pasian in mualte liingsak a, tawlnga sak lo hi; a hehna tawh mualte lumlet hi.

JOB (Job) 26:11

Amah in vanpi a pua khuampite a tai ciangin, tua khuampite lau-in ling uh hi.

Late 18:8

Ama nakvangte panin meikhu pusuak a, a kam panin mei husia pusuak hi; ama tung panin mei-am san kuangkhia hi.

Jeremiah 10:10

Ahih hangin Topa in Pasian man hi a, amah in a nungta Pasian leh tawntung Kumpipa ahi hi. A heh ciangin lei ki-liing-a, gamte in a hehna nang zo lo hi.

Ezekiel 38:20

Ngasate leh vasate, ganhing a neu a lian, leh leitunga om mi khempeuh, keimah kihtakna hangin lau-in liing ding uh hi. Mualte pukin, keente cimin, kulh leh phung khempeuh kicim mang ding hi.

Amos 9:5

Mihonpite’ Topa Pasian in, leitung lawngin leitung in tuisuak a, leitunga teeng mi khempeuh kap uh hi. Nail Gunpi bangin leitung buppi khang toin kiamsuk ding hi.