Nahum 1:4 - Tedim Bible

⁴ Amah in tuipi a taii ciangin tuipi kangcip pah a, gunpite zong kangcip sak hi. Bashan gam keu gawpin, Karmel Mual kausan a, Lebanon Mual-a pakpalhte vul hi.

Tedim Bible Revision 2017

⁴ Amah in tuipi a tai ciangin tuipi kangcip pah a, gunpite zong kangcipsak hi. Bashan gam keu gawpin Karmel Mual kausan a, Lebanon Mual a om pakpalhte a vul hi.

Nahum 1:4 Referans Kwoze

Isaiah 33:9

Leitang kinusia cipin ommawk hi. Lebanon mual-a tulak singte vulgawp a, Sharon gam leihoih pen sehnel gam bang ta hi; Bashan mual leh Karmel mual-a singtehte pulh mang khin ta uh hi.

Late 106:9

Amah in San Tuipi thuhilh a, tua tuipi kang hi; amah in gamlak kantan bangin tuithuk kantanin amaute paipih hi.

Isaiah 51:10

Tuipi, tui thukpite a keusak; a kitankhia mite’ kantan dingin tuipi thukte lampi-in a bawlpa nangmah hilo na hi hiam?

Isaiah 44:27

tui thukpi kiangah, ‘Keu in, na gunte ka keusak ding hi’;

Late 114:5

Tuipi aw, na taikhiat nading, Jordan gun aw, na nungkik nading,

Late 114:3

Tuipi in mu-in taikhia a, Jordan gun a nung kik hi.

Late 104:7

Na thuhilhna hangin tua tuite taikhia uh a, na thupiakna awging a zak uh ciangin kikhawhkhia uh hi.

Late 74:15

Nangmah in ciktuite leh luite na phulsak a, guntui luangte na kangsak hi.

Mattiu 8:26

Zeisu in, “Upna neute aw, bang dinga lau na hi uh hiam?” a cih khit ciangin, tho a, huih leh tuihual a taai khit ciangin a dai ta hi.

Amos 5:8

Van-a aksi Seguk leh Zawlzawngte bawlin, khuamial pen khuavak suaksak a, sun pen zan suaksakin, tuipi panin tuite samkhia a, leitungah tui a bua khiapa a min in, Topa ahi hi.

Amos 1:2

Amos in, “Zion Mual panin Topa hong hawksuk a, Jerusalem khua panin hong awngkek hi. Tua ahih manin, lonona gam teng keugawp a, Karmel mual dawn dum dide teng kausan ta hi,” a ci hi.

Ezekiel 30:12

Nail Gun a tui ka kangsak ding a, mi gilote khut sungah Izipt ka koih ding hi. Gamdang mite in susia gawpin, gamkhing suaksak ding uh hi. Topa ahi keimah in ka ci khin hi.

JOB (Job) 38:11

Tuipi kiangah, ‘Hih ciang bek na pai ding a, a ban na kin nawn kei ding hi; na tuihualte, hih ciang bek pai ding hi,’ ka ci hi.

Piancilna 8:1

Ahih hangin Pasian in Noah leh amah tawh teembaw sungah a om gamsate leh innsate khempeuh phawk hi. Pasian in leitungah huih nungsak a, tui kiam hi;

Joshua 3:16

a sak lam panin hong luangsuk tuite khawlin khangto a, a gamlapi, Zerethan gei-a khuapi Adam-ah a lomin kikhol a, Ci Tuipi a kici Arabah tuipi-ah a luang sukte kikhen tat siang hi; tua ciangin Jerikho galah mite galkah uh hi.

2 SAMUEL NIHNA 22:16

Tua ciangin tuipi tawte kimu a, lei bulpite a guakin om hi, Topa’ mawhsakna, ama nakging tawh.

Isaiah 42:15

Mual liante leh mual neute ka susia ding a, a po kungte khempeuh ka keusak ding hi; gunte pen tuikulh ka suaksak ding a, bualtuite ka kangsak ding hi.

Ezekiel 38:20

Ngasate leh vasate, ganhing a neu a lian, leh leitunga om mi khempeuh, keimah kihtakna hangin lau-in liing ding uh hi. Mualte pukin, keente cimin, kulh leh phung khempeuh kicim mang ding hi.

Late 18:16

Amah in a sang panin a khut tawh zam-in hong la a, tui thukpi panin keimah hong kaikhia hi.