Nahum 1:3 - Tedim Bible

³ Topa a lungduai mahmah a, a vang zong lian a, ahih hangin mimawhte khahkhong ngei lo hi. A paina peuhpeuh ah huihpi nungin, pingpei kipei a, ama paina hanga leivui leeng in meiipite ahi hi.

Tedim Bible Revision 2017

³ Topa lungduai mahmah a, a vang zong lian mahmah a, ahih hangin mimawhte khah khong ngei lo hi. A paina peuhpeuh ah huihpi nungin pingpei kipei a, ama paina hanga leivui leeng meiipi kai tawh kibang hi.

Nahum 1:3 Referans Kwoze

Late 147:5

I Topa lian hi, ama vangliatna lian mahmah a, amah in thu a theihtelna pen ngaihsut zawh ding hi lo hi.

Nehemiah 9:17

Amaute in thu mang nuam lo uh a, amaute lakah na bawl nalamdangte ngaihsun kha lo uh hi; amaute lung khauh niloh uh a, a salsuahna uh Izipt-ah a paipih kik dingin makai khat seh uh hi. Ahi zongin nang in mawhna a maisak nuam, dikin hehpihna a nei, lungduai-in itna kip a nei Pasian na hi a, amaute na nusia tuan kei hi.

Late 145:8

Topa dikin hehpihna nei a, hehhakin itna kip lianpi nei hi.

Late 104:3

Van-a om tui tungah na inn na lam a, meiipite, na leeng dingin na bawl a, huih khate' tungah na tuang hi.

Late 103:8

Topa dik-in hehpihna tawh kidim a, heh hak-in, a lian mahmah itna kip tawh kidim hi.

Jeim 1:19

Ka it ka u ka naute aw, hih thu na thei uh hi. Ahih hangin mi khempeuh in khuazak nading manlang hen, kampau nading ahi zongin, heh nading ahi zongin, manlang kei hen.

Zekhariah 9:14

Ama mite tungah Topa kilang ding a, a thaltang lot khuaphia bang ding hi. Topa Pasian in peengkul tum ding a, leitaw lam pan-a hong nung huihpi tawh va kuankhia ding hi.

Isaiah 66:15

Bang hang hiam cih leh en un, heh mahmahna tawh ama sin sona leh meikuang tawh daan a pia dingin meikuang sungah Topa hong pai ding a, huihpi bangin a leengte hong pai ding hi.

JOB (Job) 9:4

Ama pilna thukin, ama vangliatna zai hi; kua in khauh takin nial a, nial pai suak zo ahi hiam?

Gamlak-vakna 14:18

Tu-in, nang tungah hong thuum ing, nangmah in thuciamin, ‘Topa heh hak a, a itna kip lianin, mawhna leh thu palsatna maisak a, ahih hangin a mawhte siangsak ngei loin, pate’ mawhna tate tungah, khang thum khang lina dongin thuk hi,’ na cih mah bangin Topa’ vangliatna liansak in.

Mangmuhna 1:7

En un, Topa in meiite tawh hong kumsuk ding a, mittang khempeuh a, kipan amah a sun mite in amah hong mu ding uh hi. Leitung mipawl khempeuh in zong amah hangin a kap ding uh hi. Tua bang a man hi. Amen.

Mattiu 26:64

Zeisu in, “Nang gen bangin ka hi hi. Tua tham loin, ke’n kong cih-inah, tunung ciangin Mihing Tapa in Vanglian Pa’ ziat lamah tu a, meii tungah hong tuangsuk note in na mu ding uh hi,” a ci hi.

Jonah 4:2

Topa’ kiangah thungen a, “Kong ngen hi, Topa aw, ka gam sungah ka om lai pekin hi ci mah in teh, ci hilo ka hi hiam? Tarshish khua-ah hanciam-a ka tai simna zong tua hang mah ahi hi; bang hang hiam cih leh nangmah in a hehpih thei Pasian, a heh hak, a migi mahmah, siatna tun’ sak nading a kisik kik nuam Pasian na hihna kong thei hi.

Daniel 7:13

Zan ka mangmuh hun sungin ka khuadak leh mihing tapa tawh a kibang mi khat meii tunga hong pai ka mu hi. A nungta tawnung mipa’ kiangah pai-in, ama kiangah a kipia hi.

Isaiah 19:1

Izipt gam tawh kisai thu: A manlang mahmah meii tungah Topa tuangin Izipt gamah pai hi; ama mai-ah Izipt gam milimte liing ding a, Izipt mite’ han’na bei ding hi.

Late 66:3

Pasian’ tungah hih bang ci un, “Nangma bawlnate bangzah takin dipkuat huai! Na vanglian mahmah ahih manin na mai-ah na galte in nang hong mai-et uh hi.

Late 62:11

Pasian in khatvei thu gen khin hi, ke’n hih thu nihvei za khin ing; vangliatna in Pasian’ neihsa ahi hi;

JOB (Job) 38:1

Tua ciangin huihpi lak panin Topa in Job tungah thu gen a,

JOB (Job) 10:14

Ka khialh khakna hong ensim niloh na hih manin ka mawhna nong maisak nuam kei hi.

Joel 2:13

Na dah taktakna uh lungkhamna tawh langsak un la, na puan uh a balkeek bek hi kei un,” hong ci hi. Topa, note’ Pasian kiangah ciahkik un. Amah migi-in hehpihna a nei hi a, a lung duai-in hong huh nuam tawntung a, daan hong tat loin hong maisak nuam tawntung hi.

Late 50:3

Pasian hong pai hi, amah dai om lo hi, ama mai-ah mei husia om a, a kimkotah huihpi om hi.

2 SAMUEL NIHNA 22:10

Amah in vantungte niamsakin hong paisuk a, ama khe nuai-ah khuamial sahpi om hi.

Isaiah 29:6

Vanglianpen Topa in vanging, zinliing, a ging lianpi, pingpei leh huihpi, leh a kangtum thei meikuang tawh hong pai ding hi.

Jeremiah 4:13

En un, i galpa meii bangin hong pai a, a sakol leengte pingpei tawh kibangin, a sakolte muvanlaite sangin manlang zaw hi. Gimna i thuak ding hi, bang hang hiam cih leh gallel ding i hi ta hi.

Hosea 8:7

Paunak-ah, Huih a tuhte in huihpi ngah kik ding a, a vui om lo an kung in an nek ding piang sak lo hi, kici hi. A vui om lo an kung panin an kingah mah taleh zong gamdang mite in a netum ding hi.