Nahum 1:2 - Tedim Bible

² Topa Pasian in amah a demte koihkhong lo a, amah a langpangte daantatin, a galte thukkik hi.

Tedim Bible Revision 2017

² Topa Pasian in amah a demte koihkhong lo a, amah a langpangte gim pia-in a galte thukkik hi.

Nahum 1:2 Referans Kwoze

Zekhariah 8:2

amah in, “Jerusalem mite ka it luatna hangin Jerusalem khuapi ka huh nuam mahmah a, hih ka it luatna in a galte tungah ka heh hong suaksak hi.

Paikhiatna 20:5

amaute' mai-ah kun loin, amaute na bia kei ding hi; bang hang hiam cih leh keimah Topa na Pasian in a aam Pasian ka hi a, kei hong mudahte' tungah pate’ mawhna tate tungah khang thum khang lina dongin thukin,

Late 94:1

A thukkik Pasian, a thukkik Pasian, Topa aw, na hehna hong lakkhia in.

Paikhiatna 34:14

(bang hang hiam cih leh pasian dang na bia kei ding hi, bang hang hiam cih leh Topa ama' min Aam a hipa in a aam Pasian ahi hi),

Joshua 24:19

Ahih hangin Joshua in mite kiangah, “Topa’ na nasem zo kei ding uh hi; bang hang hiam cih leh amah in a siangtho Pasian ahi hi; amah in a aam Pasian ahi hi; note’ thupalsatna ahi a, na khialhna uh ahi zongin hong maisak lo ding hi.

Hebru 10:30

“Phulakna in keima thu ahi hi, A mawhna tawh kituakin ka thukkik ding hi,” cih leh, “Pasian in ama mite thu a khen ding hi,” cih thu a piapa i thei hi.

Isaiah 42:13

Mi thahatpa bangin Topa kuankhia a, gal a do mipa bangin ama hanciamna so sak hi; amah kiko-in nakpi takin awng khia a, ama hatna a galte tungah a lak hi.

Thu-hilhkikna 4:24

Bang hang hiam cih leh Topa na Pasian un hong kangtum thei mei tawh kibang a, a haza Pasian ahi hi.

2 PETER NIHNA 2:9

Tua ahih ciangin Topa in Pasian a biate ze-etna sung pan gumkhia ding ahi zongin,

ROM (Romans) 12:19

Ka itte aw, midangte in note tungah hong khialh leh, a mawhna na thuk kei un. Pasian’ hehpihna na pia un. Bang hang hiam na cih uh leh, “Thukkikna in keima aa ahi hi. A mawhna tawh kituakin ka thuk ding hi, Topa in a ci hi,” ci-in Lai Siangtho in a gen hi.

Micah 5:15

Ka thu hong mang lo minamte tungah hehna tawh phu ka la ding hi.

Joel 2:18

Tua ciangin Topa in ama leitang donin, ama mite hehpih hi.

Ezekiel 39:25

Topa Pasian in kei kiangah, “Tu-in Jakob suan leh khakte saltan’na panin ka pikhia kik ding a, Israelte khempeuh ka hehpih ding a, amaute a cithei-in ka bawl kik ding hi. Keima min siangtho ka hu ta ding hi.

Ezekiel 6:12

A gamla-a omte cina-in si ding uh a, a nai-a omte gal sungah si ding uh hi. A om lai sunte gilkialin puksi ding uh hi. Amaute in keima hehna thuak ding uh hi.

Jeremiah 4:4

Judah mite leh Jerusalem khua mite aw, Topa’ tungah vun at un la, na lungtang uh vun at un. Na tua cih kei leh na bawl uh mawhnate hangin, ka hehna mei bangin hong kuangkhia ding a, a phelh zo kuamah om lo ding hi,” a ci hi.

Isaiah 51:20

Na mite gim khin a, ngenthang sunga sanang a awk bangin lamlian kiu khempeuh ah amaute lum uh hi; Topa’ hehna, na Pasian’ taiina amaute in thuak uh hi.

Isaiah 51:17

Topa’ khut sung panin ama hehna hai a dawn khin, hoina haipi a tawdat dongin a dawn khin Jerusalem aw, nangmah khanglo in nangmah khanglo in la, dingto in.

JOB (Job) 20:23

Amah in a duh duh ne mai hen! Pasian in hehna tawh daantat ngawn ding hi.

Siampi Laibu 26:28

note tawh a kilehngatin ka heh ngawh pah ding a, note’ khialhna hangin keimahmah in a zah sagih vei-in kong thuhilh ding hi.

ROM (Romans) 13:4

Amah in nang noptuam nadinga Pasian’ na sem ahi hi. A hoih lo a gamta mi na hih leh, na kihta in. Bang hang hiam na cih leh, amah in a valkhong a, namsau tawi ahi kei hi. Gamtat hoih lo ahihte a mawhna daan pia ding Pasian’ sawltak ahi hi.

Zekhariah 1:14

Vanglianpen Topa in ama tungah a gensa thute keimah in ka taangko sawn nadingin tua vantungmi in kei hong sawl a, “Ka khuapi siangtho Jerusalem, nakpi takin itin ka lunghimawh hi.

Micah 7:18

Topa aw, nang tawh a kibang Pasian dang om lo a, a om lai na gamluah mite’ mawhna na maisak hi. Nang na heh paisuak kei a, na itna kip nong lak hi.

Ezekiel 38:18

Topa Pasian in: Ahi zongin Gog in Israel gam a sim ni ciangin ka heh suak mahmah ding hi.

Ezekiel 36:6

Tua ahih ciangin Israel gam tawh kisai-in mailam thu genkhol in la, a kimkot-a om minam dangte in a simmawh bawlna hangin Topa Pasian ahi keimah in hehna tawh ka thugente, mual lian, mual neu, lui leh guamte’ tungah gen in.

Ezekiel 8:18

Tua ahih manin amaute in ka heh mahmahna thuak ding uh a, amaute ka zah kei ding a, zong ka khasiat kei ding hi. Amaute in a tha neih tawpun kei tungah thu hong nget uh hangin amaute’ thungetna ka ngai kei ding hi,” hong ci hi.

Ezekiel 5:13

“Ka lung a kim dongin kong hih ding a, ka hehna leh ka sinsona teng na thuak ding uh hi. Note tungah hih thute hong tun’ ciangin, note cihtaklohna hangin deihsakluatna tawh a hong heh pau ka hihna na phawk ding uh hi.

Kah la 4:11

Topa in a hehna khempeuh siit nawn loin hong buakhia-a, meikuang tawh Jerusalem hong hal ahih manin a kangtum hi.

Jeremiah 36:7

Amaute in Topa tungah thuum-in a vekpi-un a hoihlohna uh panin a kihei kha thei ding uh hi. Bang hang hiam cih leh hih mite tungah Topa in tun’sak dinga a gensa a hehna leh a thangpaihna lian mahmah hi,” a ci hi.

Jeremiah 25:15

Topa, Israel mite’ Pasian in hih bangin kei hong hopih a, “Ka khut tung panin hehna tawh a kidim hih leenggah tui hai la in la, kong sawlna gamte khempeuh dawn sak in.

Jeremiah 3:5

nang heh tawntung ding na hi hiam, a tawp dongin lungham den ding na hi hiam?’ nong ci hi. En in, tua bang na cih hangin, na hih theih siatna khempeuh na hih khin zo hi,” a ci hi.

Isaiah 66:15

Bang hang hiam cih leh en un, heh mahmahna tawh ama sin sona leh meikuang tawh daan a pia dingin meikuang sungah Topa hong pai ding a, huihpi bangin a leengte hong pai ding hi.

Thu-hilhkikna 7:10

amah a mudah mite a maitang uhah suksiatna tawh a thukpahpa ahihna thei un; amah a mudah mi tungah zekai loin a maitang mah ah thuk ding hi.

Jeremiah 28:8

Nang leh kei’ ma-a a om, tang lai-a kamsangte in gam tampi leh gam liante tungah gal ahi zongin, kial ahi zongin, pulnatna ahi zongin hong tung ding hi, ci-in a gen khol zo uh hi.

Ezekiel 38:19

Tua ni ciangin ka heh luatna tawh Israel gamah nakpi takin ziin’ liing hen, ka ci ding hi.

Paikhiatna 34:7

mi tul tampite adingin itna kip a nei, mawhna, thupalsatna leh khialhna maisakin, ahih hangin bang bang hita leh mawhna a siangsak ngei lo, pate’ mawhna tate tung leh tute tung, khang thum, khang lina dongin a thukpa,” ci-in pulak hi.

Gamlak-vakna 25:11

“Siampi Aaron’ tapa Eleazar, Eleazar’ tapa Finehas in Israel mite tungah ka hehna damsak kik hi; keima pammaihsak bangin amah in pammaih sa a, tua ahih ciangin pammaih ka sakna tawh Israel mite ka beisak kei hi.

Jeremiah 50:15

Khuapi sim dingin a kimkotah awng un. Babilon khua in hong lel khin zo hi. A galdalte uh cim khin a, a kulhte uh puk khin hi. Hih in Topa’ phulakna ahih manin, amau’ tungah phu la un; mite’ tung-a ahih bangun amau tungah bawl un.