Nahum 1:14 - Tedim Bible

¹⁴ Topa in Assiria mite tawh kisai-in hih bangin thu pia hi: “Note na cimang ding uh a, note’ pasiante’ biakinn sunga om milimte ka susia ding hi. Note siahuai lua na hih manun, na hankhuk ding uh a bawlbawl ka hi ta hi,” ci hi.

Tedim Bible Revision 2017

¹⁴ Topa in Assiria mite tawh kisai-in hih bangin thu pia hi: “Note na cimang ding uh a, na pasian-te uh biakinn sunga om milimte ka susia ding hi. Note siahuai lua na hih manun na hankhuk ding uh a bawlbawl ka hi ta hi,” a ci hi.

Nahum 1:14 Referans Kwoze

Late 109:13

Ama suan-le-khakte bei hen la, khang khat sungin ama min maimang ta hen!

Micah 5:13

Note in na biak uh milimte leh na biakna songte ka susia gawp ding a, note’ bawlsa nate na bia nawn kei ding uh hi.

Paunak 10:7

Mihoihte kiphawkphawk a, migilote kimangngilh pah hi.

2 KUMPI NIHNATE 19:37

Tua ciangin amah in ama pasian Nisrok’ inn sungah bia-in a om lai takin, ama tapate Adrammelek leh Sharezer in namsau tawh amah thatin Ararat gamah tai uh hi. Tua ciangin ama tangin a tapa Esarhaddon in uk hi.

Daniel 11:21

A zom-a Siria kumpi ding pen mi gilo, kumpi dinga kilawm lo mi khat ahi ding hi. Ahih hangin amah in thakhat thu-in zuau siamna tawh kumpi a hong suak vat ding hi.

Jeremiah 50:2

“Gam khempeuh ah genin tangko un; dial khai un la, im kei un. ‘Babilon’ khuapi kila ta hi. Bel pasian maizum ta, a Merodak pasian kitangawp ta hi. A milimte uh maizum ta a, a pasiante uh kisiagawp ta hi,’ ci-in tangko un.

Isaiah 33:13

Gamlapi-a om mite aw, ka sepna thu za un; a nai-a om mite aw, ka vangliatna thei un.

Isaiah 19:1

Izipt gam tawh kisai thu: A manlang mahmah meii tungah Topa tuangin Izipt gamah pai hi; ama mai-ah Izipt gam milimte liing ding a, Izipt mite’ han’na bei ding hi.

Late 71:3

Nangmah in hong hon dingin ka belh suangpi, ka kulh muan’huai hong hi ta in, bang hang hiam cih leh nangmah in keima suangpi leh ka kulhpi na hi hi.

2 KHANG TANGTHU NIHNATE 32:21

Tua ciangin Topa in Assiria kumpipa’ giahphual ah a thahat galhang khempeuh leh galkap ukte leh uliante a susia vantung mi khat sawl hi. Tua ahih ciangin ama gamah maizumna tawh ciahkik hi. Ama pasian’ inn sungah amah a tun’ ciangin ama tapate pawlkhat in namsau tawh amah satlum uh hi.

1 SAMUEL MASA 3:13

A tapate in Pasian min daisak a, amah in a tate kham lo ahih manin, ama theih a mawhna hangin ama innkuan daan a pia tawntung ding ka hihna ama kiangah ka gen hi.

Siampi Laibu 26:30

Keimah in mual dawn-a na biaknate uh susia-in, na paknamtui biakna taute uh phukin, na milim’ siluang hawmte uh tungah na luanghawmte uh ka paii ding hi; keimah in note kong kih ding hi.

Paikhiatna 12:12

Bang hang hiam cih leh keimah in tua zanin Izipt gam ka nawk ding a, Izipt leitang tungah mihing hita leh ganhing hita leh tacil khempeuh ka vat gawp ding hi; Izipt pasiante khempeuh' tungah thu ka khen ding hi; keimah in Topa ka hi hi.

JOB (Job) 18:17

Inn leh gam-ah a minthan’na bei ta a, kuamah in amah phawk kha nawn lo hi.

Micah 5:14

Na gam sung uhah a om Asherah biakna songte botkhia-in na milimte uh ka susia ding hi.

Habakkuk 2:10

Note’ vaihawmna mah in na mite uh tungah maizumna hong tun’ a, minam dangte na suksiatna uh tawh, note mahmah siat nading a bawl na hi uh hi.

Daniel 5:27

TEKEL: nang a hong kitawikhai a, na leek zo kei hi.