Micah 7:6 - Tedim Bible

⁶ Tu hunin tapate in pate hai bawlin, tanute in nute langpan’ uh a, mote in a teeknu uh lang neih uh hi. Mi khat adingin ama innkuanpihte mah a gal suak mawk hi.

Tedim Bible Revision 2017

⁶ Tu hun ciangin tapate in a pate hai bawl a, tanute in a nute langpan uh a, mote in a teeknu uh langneih uh hi. Mi khat adingin ama innkuanpihte mah a gal a suak mawk hi.

Micah 7:6 Referans Kwoze

Luka 12:53

Pa leh tapa, tapa leh pa, nu leh tanu, tanu leh nu, teeknu leh monu, monu leh teeknu, khat leh khat a kikhen tek ding uh hi,” ci-in thu a hilh hi.

Mattiu 10:21

Unau khat leh khat ahi zongin, pa in a tapa ahi zongin, sih nadingin a kiheek ding uh hi. Tate in a nu leh a pate galin do ding uh hi. Tate in a nu leh a pate galin do ding uh a, thah dingin a pia ding uh hi.

Late 41:9

Ka muan’, ka lawm itpa, keima an a nepa nangawn in, a khetul tawh keimah hong peek hi.

Ezekiel 22:7

A nu a pa a zahtakbawl kuamah om lo hi. Peemtate kikhen gawp a, meigong leh tagahte zong kihih thothop hi.

Johan 13:18

Note khempeuh kong ci nuam kei hi. Ka teel mite ka thei hi. ‘Keima an a ne mi in a khetul tawh hong peek hi,” ci-a Lai Siangtho thu a tun’ nading ahi hi.

Paunak 30:11

A pate samsia-in a min a dai sak a, nute a phat lo mi pawlkhat om hi.

Luka 21:16

Na nute na pate, na sanggampate, na behte leh na lawmte nangawn in note hong pia ding uh a, note kimkhat zong hong sisak ding uh hi.

Mattiu 26:23

Zeisu in, “Kei tawh kuang sungah an ka sawk khawmpihpa in kei hong lehheek ding hi.

Obadiah 1:7

Na pawl teng in hong khem zo uh a, gamgi ciang dong a hong hawlkhia zo uh hi; na pawlte teng in a hong zo khin ta hi. Na ankuang umpihte in na nuai-ah thang siah khin uh a, “A pilna koi-ah a om hiam?” a hong ci uh hi.

Jeremiah 20:10

Mite’ kihuau simna tampi ka za a, mun khempeuh lauhuai hi. Ka lawm itte khempeuh in, ka cihmawh ding hong ngak gige uh a, “A mawhna pulak un! A mawhna pulak ni! Amah i khem zo kha ding hi. Tua hi leh i zo pah ding a, tua ciangin i thukkik ding hi,” a ci uh hi.

Jeremiah 12:6

Bang hang hiam cih leh na sanggamte leh na innkuanpihte nangawn in nang hong zuak uh a, nang hong do ding mi honpi a kaikhawm uh hi. Kamkhum tawh nang a hong zol uh hangin um kei in,” ci-in hong dawng kik hi.

Paunak 30:17

A pa a simmawh mipa, a nu’ thu a mang nuam lo mipa, va-ak in a mittang khel khiatsakin, musanete in a sa ne ding uh hi.

2 SAMUEL NIHNA 16:11

Tua ciangin David in Abishai leh a nasemte khempeuh kiangah, “En un, keima tapa mahmah in kei thah dingin hong zong hi; hih Benjamin mi in bangzahin tu-in hong zong zaw ding hiam! Ama thu-in omsak un, amah samsia sak un; bang hang hiam cih leh Topa in amah sawl hi.

Piancilna 49:4

Tui bangin kip loin, na tungtuang kei ding hi, bang hang hiam na cih leh na pa’ zi na luppih hi; tua ciangin na ninsak hi – ka lupna ah na paito hi.

Isaiah 9:19

Vanglianpen Topa’ hehna hangin meikuang bangin gamsung kang a, mite pen mei-a kicih sing tawh kibang uh hi; kuamah in a sanggampa zahtuan lo hi.

Jeremiah 9:4

Mi khempeuh in a inn vengte uh kidawm uh hen la, a sanggamte uh muang kei uh hen; bang hang hiam cih leh sanggamte khempeuh khemhat ciat uh a, innvengte khempeuh zong gensiat hat ciat uh hi.

Isaiah 3:5

Mite khat leh khat, mi khempeuh in a lawmte ciat, mi khempeuh in a veengte ciat, kinencip gawp ding uh hi; khangnote pen uhamte tungah, migina lote pen miliante tungah kiphasak ding uh hi.