Micah 7:5 - Tedim Bible

⁵ Na vengte’ thu up-in nei kei in la, na lawmte zong muan’in, nei kei in. Na ang-a lum na zi kiang nangawn ah thu na gen ding kidawm in.

Tedim Bible Revision 2017

⁵ Na veengteʼ thu upin nei kei inla, na lawmte zong muanin nei kei in. Na ang a lum na zi kiang nangawn ah thu na gen ding kidawm in.

Micah 7:5 Referans Kwoze

Jeremiah 9:4

Mi khempeuh in a inn vengte uh kidawm uh hen la, a sanggamte uh muang kei uh hen; bang hang hiam cih leh sanggamte khempeuh khemhat ciat uh a, innvengte khempeuh zong gensiat hat ciat uh hi.

Mattiu 10:16

“Ngia hon lakah tuute bangin no kong sawl hi. Tua ahih ciangin, note in gul bangin na pil un la, vakhu bangin gilo nei loin na om un.

Late 41:9

Ka muan’, ka lawm itpa, keima an a nepa nangawn in, a khetul tawh keimah hong peek hi.

Late 141:3

Topa aw, keima kam a cing ding khat koih in la, ka mukte’ kongkhak a vil ding khat koih in!

Kah la 1:2

Amah zan khuavakin kap a, a khitui a biang tungah a tak kauhkauh hi. Amah a it ngeite khempeuh a hehnem ding khat beek a om nawn kei hi. A kipawl pihte khempeuh in kheemin, tu in a langpan’ khin ta uh hi.

Thukhente 14:17

Tua nu a pawi ni sagih hun sung teng ama mai-ah kap hi; a ni sagih ni-in amah in tua nu kiangah gen hi; bang hang hiam cih leh amah in nakpi takin kunh hi. Tua ciangin tua nu in a gam mite kiangah tua thu-haksa gen hi.

Late 38:14

Hi hi, bil khua za lo, taina kam a zang lo mi khat tawh kei ka kibang hi.

Jeremiah 9:3

A leii uh thalpeu bangin zang uh a, zuauthu a lawnkhia khia uh hi; gam sungah thuman om loin zuauthu bekbek a dim hi. Siatna lam manawh tektek uh a, Kei hong thei lo uh hi, Topa in a ci hi.