Micah 7:4 - Tedim Bible

⁴ Amaute lakah a hoih pen a, kineite lingkung bang hi a, a thutang pen a, kineite, linghiam bang hi lel uh hi. Pasian in amaute a hilhkholh bangin, a daan piak ding hun hong tung ta a, a lungman’ ding hun uh hi ta hi.

Tedim Bible Revision 2017

⁴ Amaute lakah a hoih penin a kineite, lingkung bang hi a, a thutang pen a kineite, ling hiam bang hi lel uh hi. Pasian in amaute a hilhkholh bangin, gim a piak ding hun hong tung ta a, a lungmanʼ hun ding uh hong hi ta hi.

Micah 7:4 Referans Kwoze

Isaiah 22:5

Bang hang hiam cih leh Vanglianpen Topa Pasian in mangmuhna kuam sungah buaina leh tuatcil gawpna leh kitawhzauna, kulhte suksiat gawpna leh launa mualte tungah kikona ni hong tungsak hi.

Ezekiel 2:6

Ahi zongin Ezekiel aw, amaute ahi a, a thugente uh ahi zongin na kihta kei ding hi. Amaute in nang ling hong kaihnelh ding a, mom-ai laka om na bang ding hi. Tua bang hita se leh, hih a lehdo thei mite’ maipuakzia leh amaute’ kampaunate hangin lau tuan kei in.

Isaiah 10:3

Dan piak ni hun, gamlapi panin siatna hong pai ciangin note in bang cih ding na hi uh hiam! Huhna ngenin kua kiangah tai ding a, na neihsa uh koi-ah koih ding na hi uh hiam?

Hebru 6:8

Ahi zongin lingkung leh thangling a pian’sak leh, paihkhiatna thuakin hamsiat a thuak nadingin, a tawpna-ah meikhuk khulna a thuak ding hi.

Luka 21:25

“Tua lai takin ni, kha leh aksite tungah lim kilang ding a, leitungah mi a pawlpawlte in tuipi lian leh tui kilok ging hangin lungmangin, gimna a thuak ding uh hi.

Nahum 1:10

Amaute, linglom bangin om uh a, zu leh sa tawh kidiahin a om lai takun ham bangin kihaltum ding hi.

Amos 8:2

Topa in, “Amos aw, bang na mu hiam?” hong ci a, “Seeng sunga kikoih singgah min ka mu hi,” ci-in ken zong ka dawng hi. Tua ciangin Topa in, “Ka mi Israelte adingin a bei hun uh tung ta hi. Amaute daan ka piak ding ka khawl nawn peuhmah kei ding hi.

Jeremiah 10:15

Kiman’na nei lo, a haihuaipi hi a, a kidaantah ni ciangin a kisia ding uh hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh hi; kisuang thei beek lo uh hi. Tua ahih manin a site’ lak mahah amau zong a si ding uh a, ka daantah ni ciangin a kilawnkhia ding uh hi, Topa in kong ci hi.

Isaiah 55:13

Ling tangin taksing hong po ding a, lingkung tangin mui kung hong po ding hi; tua pen Topa’ adingin phawk tawntungna, a kilakhia lo ding a tawntunga om lim khat hi ding hi,” a ci hi.

Jeremiah 11:23

Anathoth khua mite tungah siatna tungsak a, ka daantah hun ciangin a nungta lai kuamah a om nawn kei ding hi,” a ci hi.

Jeremiah 46:21

A galkap cialte nangawn amau lakah bawngno dawng hat lote a bang lel uh hi. Pangin do tentan lo uh a, nungkikin a tai kek uh hi. Bang hang hiam cih leh amau’ kisiat ding ni, amau’ daan thuak ding ni hong tung zo hi.

Ezekiel 28:24

Tua ciangin Topa in kei kiangah, “A kimkot-a om Israel mi a simmawh minam dangte in tu-in simmawh nawn lo ding uh a, Israel mite sunin a na sak thei ding ling leh lingkung tawh kibang nawn lo ding uh hi. Tua ciangin Topa ka hihna hong thei ding uh hi,” hong ci hi.