Micah 7:20 - Tedim Bible

²⁰ Ka pu ka pate uh tungah nidang lai a, na ciamsa bangin, Abraham’ suan-le-khak ahi nangma mite tungah na cihtakna leh nong itna kip nong lak ding hi.

Tedim Bible Revision 2017

²⁰ Ka pu ka pate uh tungah na ciam sa bangin, Abrahamʼ suanlekhakte ahi nangma mite tungah na cihtakna le nong itna kip nong lak ding hi.

Micah 7:20 Referans Kwoze

Thu-hilhkikna 7:8

Topa in salsuahna Izipt kumpipa Faro khut sung panin note hong tankhia-in a vangliatna tawh hong paikhiatpihna in Topa in note hong itin, na pate uh tunga a kiciam thuciam a zuihna hang ahi hi.

Piancilna 24:27

“Ka topa’ tungah a itna kip leh a thumanna a pelh lo, ka topa Abraham’ Pasian, Topa in thupha ngah ta hen. Kei ka hih leh, ka topa’ behte’ inn zuatna lampi-ah Topa in hong paipih hi,” ci hi.

Piancilna 32:10

Keimah in na itna kip khempeuh lak pan a neu pen leh na nasempa' tunga nong lahsa na thumannate khempeuh tawh ka kilawm kei hi, bang hang hiam cih leh ka ciangkhut guak tawh hih Jordan ka kantan hi; tu-in pawl nih ka cing khin ta hi.

Thu-hilhkikna 7:12

“Note in hih ngeina kipte za-in, kemin tuate na zuihna hangun, Topa na Pasian un na pu na pate uh tungah a ciam thuciamna leh itna kip note tungah hong tung sak ding hi;

Jeremiah 33:6

Ahih hangin en in, keimah in hih khuapi ka damsak ding a, cidamin ka om sak ding hi. A mite cidam sakin nopna leh lungmuan’na a kicing ka lak ding hi.