Micah 7:18 - Tedim Bible

¹⁸ Topa aw, nang tawh a kibang Pasian dang om lo a, a om lai na gamluah mite’ mawhna na maisak hi. Nang na heh paisuak kei a, na itna kip nong lak hi.

Tedim Bible Revision 2017

¹⁸ Topa aw, nang tawh a kibang Pasian dang om lo a, a om lai na miteʼ mawhna nangmah in na maisak hi. Nang na heh paisuak kei a, na itna kip nong lak hi.

Micah 7:18 Referans Kwoze

Isaiah 43:25

“Na thupalsatnate hong phiatkhiatsakpa in keimah Pasian ka hi a, kei ka hih manin na khialhnate ka ciamteh kei ding hi.

Isaiah 44:22

Na thupalsatnate meiipi bangin, na khialhnate meiilum bangin ka phiatkhia khin zo hi; nang hong tan khin ka hih ciangin kei kiangah hong ciahkik in.

Jeremiah 50:20

Tua ni tua hun ciangin, Topa in kong cih-inah, Israel gamah khialhna kizong ding a, kimu lo ding hi. Judah gamah mawhna kizong ding a, kimu lo ding hi. Bang hang hiam cih leh ka nuntaksak, ka nusiat lai mite a mawhna uh ka maisak ding hi,”

Jeremiah 32:41

Amaute’ tungah hoihna ka bawl manin ka lungdam ding a, ka lungsim khempeuh leh ka kha khempeuh tawh thuman takin hih gamah amaute ka phut ding hi.

Jeremiah 3:12

Pai in la, leilu lam Israel gamah hih bangin va tangko in: ‘Hong kilehkik in, a zulhzau Israel aw, Topa in kong ci hi. Hehna tawh nang kong en kei ding hi, bang hang hiam cih leh a hehpih thei pa ka hi hi, Topa in kong ci hi; ka heh tawntung kei ding hi.

Paikhiatna 15:11

“Topa aw, pasiante' lakah kua in nang tawh kibang ahi hiam? Kua in nang tawh kibangin, siangthona-ah lianin, minthang nasepna-ah kihtakhuai-in, nalamdang sem ahi hiam?

Late 89:8

Mi honte Topa Pasian aw, na khempeuh ah na thutak a, nangmah banga vanglian kua om ahi hiam? Topa aw.

Late 86:15

Ahih hangin Topa aw, nangmah in a hehpih thei, a dik Pasian na hi a, heh hak-in, itna kip leh thumanna tawh a kidim na hi hi.

Late 65:3

Ka mawhnate un kote hong zawh ciangin, nangmah in tuate nong maisak hi.

Late 89:6

Bang hang hiam cih leh Topa pen vantung-a kua tawh kiteh thei ding ahi hiam? Misiangthote kikhopna sungah a kizahtak Pasian, ama kim-a omte khempeuh tungah lian-in a zahtakhuai Topa pen vanmite lakah kua pen tawh kibang ahi hiam?

Luka 24:47

ama min tawh kisikkikna thu leh mawhmaisakna thu Jerusalem khua pan akipan mi pawl khempeuhte’ kiangah a kigen ding hi ci-in kigelh hi.

Micah 4:7

Khebaite ka om sak lai ding a, a kipaikhia mite a thahat minamte ka hisak ding hi. Tua hun akipan a tawntungin, Zion Mual panin amaute ka uk paisuak ding hi.

Micah 2:12

Ahi zongin no Israel mi a om laite khempeuh pel loin kong kaikhawm kik taktak ding hi. Tuubuk sunga tuu khum bangin, gankhawk sunga tuuhon kaihkhop bangin, note kong kaikhawm kik ding a, na gam sung uh, mi tampite’ husa tawh kidim kik ding hi, ci hi.

Ezekiel 33:11

Amaute kiangah hih bangin gen in: Keimah in a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deihna hi zaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

1 KUMPI MASATE 8:23

amah in, Israel Pasian, Topa aw, tunga om vantungah ahi a, nuai-a om leitungah ahi zongin, nangma mai-ah a lungsim khempeuh uh tawh a pai, na nasemte tungah thuciamna lenin itna kip a lak, nang tawh a kibang Pasian om lo hi;

Thu-hilhkikna 33:26

“Israel aw, nangmah huh dingin vantungah a tuang, a liatna tawh vanpi-ah a om, Pasian tawh a kibang kuamah dang om lo hi.

Jeim 2:13

Bang hang hiam na cih uh leh, hehpihna a nei lo mi in, hehpihna ngah loin thukhenna a thuak ding hi. Hehpihna in thukhenna zoin a kisathei thei hi.

Zefaniah 3:17

Topa na Pasian un note hong ompih a, ama vangliatna in hong gualzo sak hi. Note tungah Topa lungkim ding a, ama itna tawh hong thak bawl ding hi. Note hangin Topa lungdamin la sa ding a,

Micah 7:14

Topa aw, nangma tuu ahi na mite na ciangkhut tawh hong cing in. Gamnuam lei hoihna sungah amau guakin om uh hi. Taanglai huna mah bangin, Bashan leh Gileah gam nuamah tasak in.

Jonah 4:2

Topa’ kiangah thungen a, “Kong ngen hi, Topa aw, ka gam sungah ka om lai pekin hi ci mah in teh, ci hilo ka hi hiam? Tarshish khua-ah hanciam-a ka tai simna zong tua hang mah ahi hi; bang hang hiam cih leh nangmah in a hehpih thei Pasian, a heh hak, a migi mahmah, siatna tun’ sak nading a kisik kik nuam Pasian na hihna kong thei hi.

Joel 2:32

Tua ciangin Topa’ min tawh thu a ngen khempeuh in, gupkhiatna ngah ding uh hi. Topa’ gensa mah bangin, Zion Mual leh Jerusalem khua sungah a suakta mi om ding uh hi. Topa in a sap mite suakta ding uh hi.

Isaiah 57:16

Ka mite tungah nuntakna hu ka pia hi. Amaute ka mawhsak paisuak kei ding a, amaute tungah ka heh tawntung kei ding hi.

Late 86:5

Bang hang hiam cih leh Topa aw, nangmah hoih-in mawhna na maisak a, nangma tunga hong ngente khempeuh tungah itna kip tampi na nei hi.

Daniel 9:9

Nangmah in hehpihna tawh kidimin mawhna maisak a, ahih hangin kote in nang ka hong langpan’ uh hi.

Jeremiah 3:5

nang heh tawntung ding na hi hiam, a tawp dongin lungham den ding na hi hiam?’ nong ci hi. En in, tua bang na cih hangin, na hih theih siatna khempeuh na hih khin zo hi,” a ci hi.

Isaiah 65:19

Jerusalem’ hangin ka lungdam ding a, ka mite hangin ka kipak ding hi; tua khua sungah kahna aw leh cimawh a, kikona aw om nawn lo ding hi.

Isaiah 55:7

mi gilopa ama gitlohna nusia sak un la, thuman lopa ama ngaihsutna nusia sak un; amah in a hehpih theih nadingin Topa tung leh i Pasian tungah amah paikik sak un, bang hang hiam cih leh a mawhna maisiangsak ding hi.

Isaiah 1:18

Topa in hih bangin ci hi: “Tu-in hong pai un la, thu kikum khawm ni; na mawhnate uh puansan a bat hangin vuuk bangin hong ngo ding hi; na mawhnate uh si bangin a san hangin tuumul bangin hong kaang ding hi.

Late 130:4

Ahih hangin nang hong kizahtak theih nadingin nangmah in mawhna na maisak hi.

Late 71:19

Pasian aw, na vangliatna leh na thumanna in van sangpite ban hi. Pasian aw, na lianpipi na sem khin zo hi, nang tawh a kibang kua om ahi hiam?

Nehemiah 9:17

Amaute in thu mang nuam lo uh a, amaute lakah na bawl nalamdangte ngaihsun kha lo uh hi; amaute lung khauh niloh uh a, a salsuahna uh Izipt-ah a paipih kik dingin makai khat seh uh hi. Ahi zongin nang in mawhna a maisak nuam, dikin hehpihna a nei, lungduai-in itna kip a nei Pasian na hi a, amaute na nusia tuan kei hi.

Paikhiatna 34:9

Amah in, “Tu-in na muhna-ah maipha ka muh leh, Topa aw, kong thum hi, lungkhauh mite ka hita zongun kote' kiangah Topa hong pai in; kote’ mawhna leh kote’ khialhna hong maisak in la, nangma' luah dingin kote hong la in,” a ci hi.

ROM (Romans) 11:4

Pasian in zong ama kiangah bang ci gen ahi hiam? “Baal mai-ah a khukdin’ lo mi tul sagih keimah ading ka om sak zo hi,” a ci hi.

Luka 15:32

Ahih hangin, na nau ahih leh tuma-in a si hi, tu-in a nungta kik hi. Tuma-in a mang hi, tu-in a kimu kik ahih man-inah nopna leh lungdamna bawl tuak hi,’ ci-in a gen hi,” ci-in a hilh hi.

Micah 5:3

Tua ahih ciangin, numei naupai nu, a nau a suah khit mateng, amau’ galte khut sungah Topa in amaute pia phot hi. Ama hong khan’ ciangin, sal-a om a gam mite, a mipihte uh tawh hong kigawm kik ding hi.

Amos 8:2

Topa in, “Amos aw, bang na mu hiam?” hong ci a, “Seeng sunga kikoih singgah min ka mu hi,” ci-in ken zong ka dawng hi. Tua ciangin Topa in, “Ka mi Israelte adingin a bei hun uh tung ta hi. Amaute daan ka piak ding ka khawl nawn peuhmah kei ding hi.

Amos 7:8

Tua ciangin Topa in kei kiangah, “Amos aw, bang na mu hiam?” hong ci hi. Kei zong dawngin, “Khaukhai khat mu ing,” ka ci hi. Tua ciangin Topa in, “En in, ka mi Israelte a khialhna uh a kitheih nadingin, hih khaukhai tawh ka en hi. Amaute daan ka piak ding ka khiamkik nawn kei ding hi.

Jeremiah 31:34

Kuamah in midangte leh a sanggamte uh’ kiangah, ‘Topa thei in,’ ci-in a kihilh nawn kei ding uh hi: bang hang hiam cih leh Topa in kong cih-inah, amaute a neupen panin a lianpen dongin, a vekpi-un kei a hong thei ding uh hi. Bang hang hiam cih leh amaute’ khialhnate ka maisak ding a, amaute’ mawhnate zong phawkin ka nei nawn kei ding hi,” a ci hi.

Isaiah 57:10

A gamla na khualzinna tawh nang na gim a, ahih hangin nangmah in, “Lametna om kei,” na ci kei hi; nangmah in thahatna thak na ngah a, tua ahih manin na gim kei hi.

Isaiah 40:25

Tua ahih ciangin kei kua tawh hong tehkak ding na hi uh hiam? Siangtho Pa in ci hi.

Isaiah 40:18

Tua ahih ciangin Pasian pen kua tawh tehkak ding a, amah pen bang lim tawh kibang ci ding na hi uh hiam?

Late 103:13

Pa in a tate a hehpih bangin, Topa in amah a zahtakte hong hehpih hi.

Late 35:10

Ka lungsim khempeuh tawh “Topa aw, ama adinga a hat luate kiang panin a thahat lo mi a gumkhia, a neihsa a sutkhia mi kiang panin mi thahat lo a zawng a gumkhiapa ahi, nang tawh a kibang kua ahi hiam?” ka ci ding hi.

Gamlak-vakna 23:21

Amah in Jakob mite sungah mawhna mu lo hi; amah in Israel mite sungah zong gamtat siatna mu lo hi. Topa amau’ Pasian in amaute tawh om a, kumpipa phatna awging amaute’ lakah om hi.

Jeremiah 38:8

Ebedmelek zong kumpi-inn panin hong paikhia a, kumpipa’ kiangah

Isaiah 62:5

Bang hang hiam cih leh tangval khat in nungak khat a ten’pih mah bangin nang hong lamkippa in nang hong tenpih ding a, zipipa mothak nu tungah a lungdam mah bangin na Pasian nang tungah lungdam ding hi.

Piancilna 4:7

Lim takin hih lecin, nang hong kisang lo ding ahi hiam? Lim takin na hih kei leh nang hong hih nuamin mawhna in na kongah hong buk a, nang hong uk nuam hi. Ahih hangin nang in tua mawhna na zawh ding ahi hi,” ci hi.

2 KHANG TANGTHU NIHNATE 6:21

Amaute in hih mun lam nga-in thu hong nget uh ciangin na nasempa leh na mi Israelte’ hong thuumnate nangmah in ngai in; hi hi, na teen’na mun vantung panin za in; na zak ciangin maisak in.

2 KHANG TANGTHU NIHNATE 30:9

Bang hang hiam na cih leh Topa’ lamah note na kilehkik uh leh, na sanggamte uh leh na tate un amau a mante’ tung panin hehpihna ngahin hih gamah hong ciahkik ding uh hi. Bang hang hiam cih leh Topa na Pasian uh dikna leh hehpihna a nei hi a, ama lamah na kiheikik nak uh leh note kiang panin a maitang heikhia lo ding hi,” a ci hi.

Isaiah 33:24

I gam-a teeng mite kuamah in, “Ka ci na,” ci nawn lo ding uh a, mawhna khempeuh kimaisak ding hi.

Isaiah 64:9

Topa aw, nakpi takin sinso kei in la, mawhna ciamtehteh kei in. En in, kote khempeuh nangma mi ka hihna uh hong ngaihsun in.

Jeremiah 9:24

A kisa theite in, keimah, leitungah migitna, thumanna leh thu tan’na zang ka hihna leh tuate sungah nuam a sapa ka hi hi, cih hong telna leh hong theihna uhah kisathei uh hen,” Topa in kong ci hi.

Jeremiah 31:20

Efraim, ka it ka tapa ahi hiam? Amah ka ngaihno ahi hiam? Bang hang hiam cih leh ama’ thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Jeremiah 33:8

Kei tunga hong bawl uh mawhna khempeuh panin amaute ka siangsak ding a, kei tunga hong mawhnate uh leh a hong langpan’na khempeuhte uh ka maisak ding hi.

Ezekiel 18:23

Mi gilo khat a si ka muh ciangin a lungdam dingin hong ngaihsun na hi hiam? Ka lung dam het lo hi. Amah hong kisikin a nuntak ding pen keima deih ahi zaw hi.

Hosea 14:2

Topa’ lamah kihei un la, “Ka mawhna khempeuh uh hong maisak in la, kong thuumna uh hong ngai in. Ka kam pauna bangun kong gamta ding uh hi.

Amos 1:11

Topa in hih bangin ci hi: Edom mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, a sanggam uh Israelte namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.

Thukhente 10:16

Tua ahih ciangin amaute in amau’ lak panin gamdang pasiante koih khia-in Topa’ na sem uh hi; tua ciangin Israelte’ gentheihna-ah amah dah hi.

Late 65:4

Na inn-a om dinga na tel na lakte in mi nuamsa ahi hi! Nangma biakinn siangtho ahi na inn sunga hoihna tawh lungkim nung!

Isaiah 38:17

Gimna lianpi ka thuakna in keima metna hong suak ding hi. Lauhuaina khempeuh panin kei nong honkhia a, ka mawhna khempeuh na nungzang ah na koih hi.

Ezekiel 33:16

Ama gamtatnasa mawhnate kimaisak ding hi. A man a hoih-in amah gamta ahih manin nungta ding hi.

Hosea 14:5

Gam keuna mun-a guahzu bangin Israel mite tungah nuntakna guah ka hi ding hi. Unok Paak bangin amaute palh ding a, Lebanon gama singkungte bangin zung thuk kha-in kip ding uh hi.