Micah 7:17 - Tedim Bible

¹⁷ Amaute in gul bangin leivui liakin, a bokvak ganhing bangin hong awmtal ding uh a, a bukna uh mun muanhuaite panin lau-in a lingsa-in hong pusuak ding uh a, Topa Pasian hong kihta ding uh hi.

Tedim Bible Revision 2017

¹⁷ Amaute in gul bangin leivui namin, a bokvak ganhingte bangin hong awmtal ding uh a, a bukna uh mun muanhuaite panin lau-in a liing sa-in hong pusuak ding uh a, Topa Pasian hong kihta ding uh hi.

Micah 7:17 Referans Kwoze

Isaiah 49:23

Kumpite pen nang hong kem pate hi ding a, kumpinute pen nang hong khoi na nute hi ding hi. Amaute in a maitang uh lei lak ngatin nang kiangah hong kun ding uh a, na khe-a leivuite liak ding uh hi. Tua ciangin keimah in Topa ka hihna na thei ding hi; kei sungah a lamente maizum lo ding hi,” a ci hi.

Late 72:9

Ama galte a mai-ah kunsuk uh hen la, amah langpangte in leivui liak ta uh hen!

Late 18:45

Gamdang mite lungkia a, a phualkip panun a liing sa-in hong paikhia uh hi.

Mangmuhna 3:9

En in, ‘Judah mipawl khat ka hi uh,’ a ci zuau thu a gen mipawl ahi, Satan pawlte ahi mite kong pia a, amau in nang khe kiangah bia-in, nang kong it, ci-in amaute ka theisak ding hi.

Zekhariah 14:5

Hinnom kuam sung kivukcip ding a, Judah kumpi Uzziah’ hun lai-a zin lin-a kivukcip mah bang ding hi. Tua ciangin Topa ka Pasian hong pai ding a, a mi siangthote khempeuh hong tonpih ding hi.

Kah la 3:29

Lametna om thei lai ahih manin phunphun huai pah deklo hi.

Jeremiah 33:9

Jerusalem khuapi in kei adingin lungdamna, minphatna leh minthan’na ahi ding hi. A sunga om mite tungah hoihna leh hauhna ka tun’sakna thu a za minam dangte in lau-in a liing ding uh hi.

Jeremiah 16:16

“En un, Topa in kong cih-inah, nga beng tampi ka khah ding a, amaute ka mansak ding hi. Tua khit ciangin sa beng tampi ka khah ding a, amaute in mual tung khempeuh leh suanghawmte panin amaute a bengmang ding uh hi.

Isaiah 65:25

Keivom leh tuuno in an ne khawm ding uh a, humpinelkai in bawngtal bangin buhkung ne ding hi; leivui pen gulpi’ an hi ding hi. Keima mual siangtho tung tengah amaute kiliamsak lo, kisusia lo ding uh hi, Topa in ci hi, a ci hi.

Isaiah 60:14

Nangmah hong nengniamte’ tate nangma mai-ah kunsa-in hong pai ding uh a, nangmah hong simmawh mi khempeuh na khe mai-ah hong bok ding uh hi; amaute in nang pen Topa’ Khuapi, Israelte’ Siangtho Pa’ Zion, hong ci ding uh hi.

Isaiah 59:19

Tua ahih ciangin nisuahna pan nitumna kikal-a om mi khempeuh in amah zahtakin, a vangliatna kihta ding uh hi. Bang hang hiam cih leh Topa’ huih nung bang, tuipi khang bangin amah hong pai ding hi.

Isaiah 25:3

Tua ahih ciangin mi thahatte in nang hong minthang sak ding a, thukhual lo minamte’ khuapite in nang hong zahtak ding uh hi.

Late 9:20

Amaute lau sak in, Topa! Mi ahih lelna uh minamte theisak in!

1 SAMUEL MASA 14:11

Tua ahih ciangin Filistia khuacingte kiangah amau tegel va kilak uh hi; Filistiate in, “En un, a bukna uh leivang panin Hebru mite hong pusuakkhia uh hi,” a ci uh hi.

Joshua 9:24

Amaute in Joshua dawngin, “Bang hang hiam cih leh gam khempeuh nang tungah a hong piak nading Topa na Pasian in a nasempa Moses a thupiakna leh na mai panin gam sunga teeng mi khempeuh suksiat taktak nading thu na nasemte kiangah hong kigen hi; tua ahih ciangin note hangin ka nuntakna uh nakpi takin ka lung himawh uh a, hih bangin ka gamta uh hi.

Thu-hilhkikna 32:24

gilkialna tawh amaute bei ding uh a, meikuang sa mahmah leh gu nei natna in amaute ne-tum ding hi; keimah in amaute a pet dingin ha hiam a nei gamsate, amaute a tu dingin gu a nei gulte ka sawl ding hi.

2 SAMUEL NIHNA 22:46

Gamdang mite lungkia uh a, a phual kip panun liingin hong paikhia uh hi.

2 KHANG TANGTHU NIHNATE 17:10

Tua ciangin Judah gam kimkotah a om khuapi gam khempeuh tungah Topa kihtakna om a, amaute in Jehoshafat do ngam nawn lo uh hi.

Late 72:11

Kumpi khempeuh ama mai-ah boksuk uh hen la, minam khempeuh in ama na sem ta uh hen!

Isaiah 7:19

Tuate khempeuh hong pai-in, keenhawmte sung leh suangpi heengte sung leh lingkung kawmte leh ganhing tatna mun khempeuh ah dim ding uh hi.