Micah 7:14 - Tedim Bible

¹⁴ Topa aw, nangma tuu ahi na mite na ciangkhut tawh hong cing in. Gamnuam lei hoihna sungah amau guakin om uh hi. Taanglai huna mah bangin, Bashan leh Gileah gam nuamah tasak in.

Tedim Bible Revision 2017

¹⁴ Topa aw, nangma tuu ahi na mite hong cing in. Gam nuam lei hoihna sungah amau guakin om uh hi. Tanglai huna mah bangin, Bashan le Gilead gam nuamah amaute gamtasak in.

Micah 7:14 Referans Kwoze

Micah 5:4

Amah in Topa’ thahatna tawh a tuute uk ding a, Topa ama Pasian’ min vangliatna tawh uk ding hi. Leitung mi khempeuh in ama liatna phawk ding uh ahih manin, ama mite lungmuang takin om thei ding uh hi.

Isaiah 49:10

Amaute gil kial lo, dangtak lo ding uh a, huihsa in hita leh nisa in hita leh amaute sukha lo ding hi, bang hang hiam cih leh amaute a hehpihpa in amaute lamkaih ding a, lui tui kiangah amaute paipih ding hi.

Amos 9:11

Tua ni ciangin inn tawh kibangin a siasa David innkuan, keimah in ka puahkik ding a, a vang teng hu-in, a sia teng ka puahkik ding a, nidanga a ngeina lui mah uh ka bangsak kik ding hi.

Isaiah 40:11

Amah in tuucingpa bangin a tuuhonte an vak ding a, amah in a tuunote a khut sungah kaikhawmin, amah in tuate a ang sungah pua ding a, no ngeek a neite pen dam takin paipih ding hi.

Isaiah 37:24

Nangmah in na nasempa zangin, Topa na zahko a, Lebanon mual dong pek, mual sangte tungah ka leeng tampite tawh ka pai khin hi; taamtak sing a sang pente, taksing hoih pente ka phuk khin hi; a sang pen mun, tulak a thuk penna munah ka paikhin hi.

Late 100:3

Topa pen Pasian a hihna thei un! Eite hong bawlpa in amah hi a, eite in ama aa i hi hi; eite in ama mi i hi a, ama gan khahna sunga a tuute i hi hi.

Late 95:7

Bang hang hiam cih leh amah in eite’ Pasian hi a, eite in ama hong kep mite leh ama khut sunga om tuute i hi hi. Tu ni-in hih bangin ama hong thugen za un:

Late 28:9

Na mite hon in la, na luahte thupha pia in; amau cingpa hi in la, a tawntungin amaute huh in.

Johan 17:16

Keimah in leitung tawh ka kipawl loh bangin, amaute zong leitung tawh a kipawl kei uh hi.

Mattiu 2:6

‘Judah gam Bethlehem khua aw, Judah gam khuapi lakah nang, khua neu, khua gina lo na hi kei hi. Bang hang hiam na cih leh, keima mipawl Israel mite cing dingin, Nangma sungah mangpa khat a piang ding hi, ci-in Lai Siangtho sungah a kigelh mah bangin Judah gam Bethlehem khua-ah Khazih a suak ding hi,” ci-in kumpipa kiangah a gen uh hi.

Malakhi 3:4

Tua ciangin Judah mite leh Jerusalem mite’ piak biaknate pen, nidang-ate mah bangin Topa’ mai-ah a lungkimhuai hi ding hi.

Zefaniah 3:13

Israel mi a om lai sunte, midang tungah gilo nawn lo ding a, zuauthu gen nawn loin, mi kheem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn lo ding uh hi,” ci hi.

Kah la 5:21

Topa aw kote hong kaikhawm kik in! hong kaikhawm kik in! A beisa sau veipi lai mah bangin hong thaksuaksak kik in.

Isaiah 65:10

Amaute in kei hong zong ding uh a, Sharon gam pen amau’ tuu hon gamtatna mun suaksakin, Akhor Kuam pen amau’ bawng honte’ lupna mun a suaksak ding uh hi.

Isaiah 35:2

tampi takin palhkhia ding a, lung nopna leh lasakna tawh lungdam ding hi. Lebanon mual a minthan’na, Karmel mual leh Sharon mual, a min liatna ama tungah kipia ding hi. Amaute in Topa’ minthan’na, i Pasian’ liatna mu ding uh hi.

Late 143:5

Hunluite ka phawk a, nangma sepsate khempeuh ka ngaihsunsun hi; na khut in a sepsa nate ka lungngaingai hi.

Thu-hilhkikna 33:28

Tua ahih ciangin lungmuanna sungah Israel bek teeng hi, Jakob’ suante bek, an leh leenggahzu gamah om hi; hi taktak hi, a vantungte in daitui hong khiatsuk hi.

Gamlak-vakna 23:9

Bang hang hiam cih leh mualte’ dawn panin amaute ka mu hi, mual neute panin amaute ka en hi; en in, a tang teen, mite minamte lakah a kihel lote!

Paikhiatna 33:16

Bang hang hiam cih leh keimah leh nangma' mite, keimah in nangma' muhna-ah maipha ka ngahna bang ci-in kithei ding ahi hiam? Leitung maitang tunga om mite khempeuh panin keimah leh nangma' mite, kote ka tungnun’na uh in kote tawh nang nong paikhopna hilo ahi hiam?” a ci hi.

Kah la 1:7

Tu in Jerusalem kisia zo ta a, nidanga a thupitnate a nung phawk kik uh hi. Galte in a sim lai takin a huh ding khat beek a om kei hi. Guallel ahih manun a galte in a nuihsan uh hi.

Siampi Laibu 27:32

Bawnghon leh tuu, keelhon seh sawm suah seh khat khempeuh leh a cingpa’ ciangkhut nuai-a a pai ganhing khempeuh seh sawmsuah seh khat peuhmah Topa adingin a siangtho hi ding hi.

Solomon la 4:1

It luat aw, na ngaih baang a, na lu khuhna puan vang panin, a ngaih baang na mit hong tee kelkel hi. Gilead mual tunga keelhon diang leklek bangin, na samphekte phe velvel hi.

Jeremiah 49:31

“Babilon kumpipa aw, tho in. Nuamtak, ngaihmuang taka a om gam va sim in. Tua khuapite in kongpi lah nei loin a kalhna siktawn lah neilo uh a, a tuaci om mawk uh hi.

Ezekiel 36:11

A mihing a ganhing in kong pungsak ding a, a nidang sangin tam na phazaw ding uh hi. Ta tampi tak na nei ding uh hi. Ni dangin na om ngei bangun kong omsak kik ding a, a nidang sangin a cithei zaw-in kong bawl ding hi. Tua ciangin Topa ka hihna thu na thei ding uh hi.

Gamlak-vakna 32:1

Tu-in Reuben minamte leh Gad minamte in ganhing hon tampi nei uh hi; amaute in Jazer gam leh Gilead gam mu uh a, en in: a gam in gan gam ahi hi.

Gamlak-vakna 32:4

Topa in Israel mihonte’ mai-ah a suksiat gamte in gan gam hi a; na nasem kote in gam ka nei uh hi,” a ci uh hi.

Isaiah 27:13

Tua ni ciangin peengkul lianpi khat kitum ding a, Assiria gam sunga a mangthang mite leh Izipt gam sunga a kihawlkhia mite hong pai-in Jerusalem mual siangtho tungah Topa bia ding uh hi.

Obadiah 1:19

Negeb gam mite in Esau mual a luah ding uh a, Shefelah mite in Filistia gam a luah ding uh hi. Amaute in Efraim gam leh Samaria gam a luah ding uh a, Benjamin in Gilead gam a luah ding hi.

Zekhariah 10:10

Izipt leh Assiria gam panin amaute ka ciahpih kik ding a, amau’ gam amau’ lei-ah ka teengsak ding hi. Gilead gam leh Lebanon gamah zong ka teengsak ding a, gam khempeuhah mi dim ding hi.

Zekhariah 11:7

Tua summeet bawlte in kei hong cial uh a, a kigo ding tuute a cingpa ka suak hi. Kei zong ciangkhut nih ka la a, khat pen Hehpihna ci-in min ka phuak a, a khat pen Kipawlna ci-in min ka phuak hi. Tua hi a, kei zong tua tuute a cingin ka om hi.