Micah 7:13 - Tedim Bible

¹³ Ahi zongin a tunga teeng mite’ gitlohna hangin, leitung in sehnel gamkhing suak ding hi.

Tedim Bible Revision 2017

¹³ Ahi zongin a tungah a teeng miteʼ gitlohna hangin, leitung pen sehnel gamkhing a suak ding hi.

Micah 7:13 Referans Kwoze

Jeremiah 25:11

Gamsung khempeuh kisia-in gam simtham suak ding a, hih mite khempeuh kum sawmsagih sung Babilon kumpipa’ sal-in a om ding uh hi.

Jeremiah 17:10

Keimah Topa in mi khempeuh’ nuntak zia leh gamtatna tawh kizui-a piakhia dingin ngaihsutna ka entel a, lungsim ka sittel hi.”

Micah 6:13

Tua ahih ciangin na mawhna hangun, note kong suksiat ding ka kipan ta hi.

Micah 3:12

Tua ahih manin note hangin, lo khawh bangin Zion kikho-in, Jerusalem, nin kipaihna phualpi suak ding a, biakinn omna mual, gamlak suak ding hi.

Jeremiah 32:19

na ngimnate lian mahmah a, na sepnate thupi mahmah hi. Mite’ nuntakzia khempeuh na mu a, amau’ nuntakdan leh a nasepna gahte tung tawnin mi khempeuh’ tungah thaman na pia kim hi.

Jeremiah 21:14

Na nasepna gahte tawh kituakin nang kong daantat ding hi, Topa in kong ci hi. Tuulak-a sing hoihte tawh a kilam na kumpi innte uh mei tawh kihal ding a, a kimkot khempeuh ka kangtum sak ding hi,” a ci hi.

Paunak 31:31

A sepna khempeuh hangin amah phat un, mi khempeuh in a zahtak dingin a kilawm ahi hi.

Paunak 5:22

Migilopa’ mawhna in thangzak bang hi a, ama mawhna thang sung mahah amah awk hi.

Paunak 1:31

na gamtatna bangun na thuak ding uh a, nomau’ gamtatna mah in note hong gimsak ding hi.

JOB (Job) 4:8

Mawhna bawlin buaina ahih mi in a gamtatna bangin a gah a atna ka thei hi.

Ezekiel 12:19

Hih banga na gamtatna pen, amaute gama om lai ahi Jerusalem khua mite tungah Topa Pasian’ thugenna ahihna thu va gen in. Amaute in launa liin’na tawh an ne-in tui dawn ding uh hi. Amau’ gam sunga teengte a gamtat hoih khat beek om lo ahih manin, a gam sunga om khempeuh kipaikhiatpih mang ding hi.

Ezekiel 33:28

Gamsung khempeuh gamkhing ka suaksak ding a, amaute’ kisaktheihpih vangliatna teng bei ding hi. Israel mual tungte gamkhing suak ding ahih manin kuamah in kantan ngam lo ding uh hi.

Micah 3:4

Topa tungah huhna ngenin na kiko hun uh hong tung ding a, ahi zongin amah in note hong dawng lo ding hi. Note gamtatsia na hih manun, na ngetna uh hong ngai lo ding hi.

Micah 5:3

Tua ahih ciangin, numei naupai nu, a nau a suah khit mateng, amau’ galte khut sungah Topa in amaute pia phot hi. Ama hong khan’ ciangin, sal-a om a gam mite, a mipihte uh tawh hong kigawm kik ding hi.

Isaiah 17:9

Tua ni ciangin amau’ khuapi muanhuaite pen, Hiv mite leh Amor mite in Israel mite’ hanga a nusiat uh lingkung pona mun tawh kibang ding a, gamkhing suak ding hi.