Micah 7:11 - Tedim Bible

¹¹ Jerusalem khuamite aw, na khuapi kulh uh a kician’ kik ding hun hong tung ding a, tua hun ciangin na gamgi uh nakpi takin kikhan’ ding hi.

Tedim Bible Revision 2017

¹¹ Jerusalem khua mite aw, na khuapi kulh uh a kiciankik ding hun hong tung dinga, tua hun ciangin na gamgi uh nakpi takin kikhan ding hi.

Micah 7:11 Referans Kwoze

Nehemiah 2:8

leh biakinn hut nading mun muanhuai kongpi ding, leh khuapi kulh ding, leh ka om nading inn lam nadingin sing hong piak theih nadingin kumpipa’ tulak a kem Asaf tungah piak ding laikhak zong, kei tungah hong pia in,” ka ci hi. A dik ka Pasian in kei hong ompih ahih manin kumpipa in ka ngette hong pia hi.

Isaiah 54:11

“Gimna a thuak, huihpi’ nawk gawp, hehnepna a ngah lo khuapi aw, en in, na suangte, suangvui hoih tawh ka ciang ding a, na bulpite pen suangmanpha tawh ka hih ding hi.

Nehemiah 4:6

Tua ahih ciangin kulh ka ciang uh a, nasep a kim ciang bang kizo hi; mite in utna lungsim tawh sem uh hi.

Nehemiah 4:3

Ama kiangah a om Ammon mi Tobiah in, “Amaute in bangbang ciang ta leh amau’ kulh cian’ tungah ngia khat kah leh kicim lel ding hi,” ci hi.

Nehemiah 2:17

Tua ciangin amaute kiangah, “I lungkhamna thu na thei uh hi. Jerusalem a siasa-in omin, a kongpite mei in kangtum hi. Hong pai un, zahkona i ngah nawn loh nadingin Jerusalem kulh ciang pha ni,” ka ci hi.

Daniel 9:25

Hih thu ciamteh in la, thei in: Jerusalem lamkik nading thupiak khiat huna kipan sathau kinilhpa’ ukpa hong pai dong nipi kalsagih leh nipi kal sawmguk leh nih ahi ding hi. Jerusalem kongzing lampi nei leh kulhpi nei-in kilamkik ding a, ahih hangin buai hun sung ahi ding hi.

Isaiah 54:2

Na buk mun khan in la, na teen’na puanbukte kizalsak in; cil bawl kei in, na khaute sau sak in la, na khetphimte kip sak in.

Isaiah 58:12

Tang lai-a a kisia na munte uh na lamkik ding uh a, khang tampi sung a kisia bulpite na dingtosak kik ding uh hi; note pen, kulhsia a puahkik, teen’ nadingin mun siate a ngei a bangsak kikte hong kici ding hi.

Isaiah 61:4

Amaute in tang lai-a a siasate lampha ding uh a, a kisiamai-sate ding kiksak ding uh hi; amaute in khang tampi sung a kisia maisa khuapi siate puahkik ding uh hi.