Micah 7:10 - Tedim Bible

¹⁰ Tua hun ciangin ka galte in hih thu mu ding uh a, “Na Topa Pasian koi-ah om hiam? ci-in hong tawng ka galte maizum ding uh hi. Amaute guallel ding a, kongzing buan bangin a kisik gawp mu-in kei ka nuam ding hi.

Tedim Bible Revision 2017

¹⁰ Tua hun ciangin ka galte in hih thu hong mu ding uh a, “Na Topa Pasian, koi ah om ahi hiam?” ci-in a hong tawng ka galte a maizum ding uh hi. Amaute guallel ding uh a, kongzing buannawng bangin a kisik gawp mu-in, kei ka nuam ding hi.

Micah 7:10 Referans Kwoze

Zekhariah 10:5

Kongzing buannawng lakah, a galte a tuancil gawp galkapte bangin, amaute gualzo ding uh a, Topa in a ompih manin amaute in galdo ding uh a, a galte’ sakol galkapte zo gawp ding uh hi.

Late 42:10

Ka langte in kei tungah, “Na Pasian koi-ah om ahi hiam?” hong cihcih sung teng, ka sungah meima nai tawm bangin hong tum ngangngang hi.

Mangmuhna 18:20

Vantung-a kipan misiangthote, sawltakte, kamsangte aw, tua khuapi hangin nuam un! Bang hang hiam na cih uh leh, Pasian in note tawh kipawlin ama tungah thu a khen zo hi!” a ci hi.

Joel 2:17

Topa’ na a sem siampite, biakinn sung innlim leh biakna tau kikal-ah, kapin thu ngen uh hen la, “Topa aw, na mite hong hehpih in. Minam dangte in, ‘Na Pasian uh koi-ah om hiam?’ ci-in kote hong simmawhsak kei in la, amaute’ nuihsatin hong omsak kei in,” ci uh hen.

Late 35:26

Kei’ kamsiatna-ah a lungdamte maizumsak in la zahhuai gawp sak in! Kei tunga hong kiliansakte maizumna leh mindaina silh sak in!

Late 18:42

Huihpi mai-ah leivui bangin amaute ka satvui a, kongzing buante bangin amaute ka lawnkhia hi.

2 SAMUEL NIHNA 22:43

Leivui bangin amaute ka satvui a, kongzing buante bangin amaute tuankhamin ka sikcipsuk hi.

Micah 4:11

Note a sim dingin minam tampi hong kikhawm uh hi. Amaute in, “Jerusalem kisusia ding a, a mit in hih khuapi a siasa-in mu ding hi,” ci uh hi.

Jeremiah 51:51

Note in, ‘Kote in maizumna ka thuak uh a, simmawhna kam ka za khin uh hi. Minsiatna in ka maitang uh hong tuam khin hi; bang hang hiam cih leh Topa’ biakinn siangtho, gamdang mite in a hong lak sak uh hi,’ na ci uh hi.

Late 79:10

“Amau’ Pasian koi-ah om hiam?” minamte in a cih ding bang hangin kilawm ding ahi hiam? Na nasemte’ sisan luangkhia phulakna pen, minamte’ lak, komau’ muhna-ah kitheisak in!

Mattiu 27:43

Amah in Pasian a muang hi. Pasian in amah a deih leh, tu mahmahin amah hong gum ta hen. Bang hang hiam i cih leh, amah in, ‘Pasian’ Tapa ka hi hi,’ a ci hi,” ci-in a zahko uh hi.

Malakhi 4:3

Keimah in na kong sep ni ciangin, migilote nuaisiahin, leivui bangin na tuancil ding uh hi,” ci hi.

Malakhi 1:5

Note’ mit mahmah tawh hih thu piang na mu ding uh a, “Israel gam pualam nangawn ah, Topa in vangliatna nei hi,” na ci ding uh hi.

Obadiah 1:10

Bang hang hiam cih leh, na sanggampa Jakob bawlsia-a na thahna hangin; mai zumna in nang hong khuh ding a, na khan tawnin na mangthang ding hi.

Daniel 3:15

Tua ahih ciangin tu in peengkulte, tamngaite, laiza lasakna gingte, harp lasakna gingte, gawsem leh tum theih dang gingte na zak khitphet uh ciangin kunin milim na bia ding uh hi. Na biak kei uh leh thakhatin mei phualpi sungah hong kikhul ding ahih ciangin a hong honkhia zo ding pasian peuhmah omin na um uh hiam?” a ci hi.

Jeremiah 51:24

“Topa in kong cih-inah, Babilon khua leh Khaldea gam-a teengte khempeuh in Zion khua-a siatna a bawl manun note’ muhna ah ka thuk ding hi.

Late 115:2

Bang hangin minamte in, “Amaute’ Pasian koi-ah om ahi hiam?” ci laizang ding ahi uh hiam?

Late 109:29

Kei hong mawhsakte in mindaina silh uh hen la, puanza silh bangin amau’ maizumna tawh kituamcip ta uh hen!

Late 58:10

Heh thukna a muh ciangin thuman mipa lungdam ding a, migilote’ si sungah amah in a khete sil ding hi.

Late 42:3

Mite in keima tungah, “Na Pasian koi-ah om hiam?” hong cihcih sung teng, sun leh zanin ka khitui an-in ka nei hi.

Ezekiel 7:18

Amaute dahna limin puanhampi silh ding uh a, pumliin’ gawp ding uh hi. A sam uh kimettolsak ding a, a min uh dai ding hi.

Isaiah 41:25

Leilu lam gam panin mi khat ka hanthawn a, amah hong kuan khin hi, nisuahna lam panin amah in ka min hong lo ding hi; beel sekpa in buan a cil bang, sum sunga a kisu gawp bangin, amah in gam ukte tuancil gawp ding hi.

Obadiah 1:12

Na sanggamte a tuahsiat ni-un munuam dah hoh un. Judah mite a kisiat ni-un nuam kei un. A kisiat ni-un lungdam kei un. A cihmawh ni-un nuihsan kei un.

Micah 7:8

Ka galte aw, kei tungtang ah lungdam kei un. Ka puk hangin ka thokik ding hi. Khuamial sungah ka om hangin Topa in khuavak hong pia ding hi.

Joshua 7:9

Bang hang hiam cih leh Kanaan mite leh hih gam-a teeng mi khempeuh in hih thu za ding uh a, kote hong umcihin leitung panin kote hong phiatkhia mang ding uh hi; tua ciangin a lian nangma min bang cih ding na hi hiam?” a ci hi.

Late 92:12

Thuman mi in nisuh kung bangin palh a, Lebanon mual tunga taamtaak kung bangin a khang hi.

Isaiah 26:11

Topa aw, na khut kisang lap a, na galte in mu lo uh hi. Amaute, maizumna thuak sak in la, amaute’ adingin na geelsa meite, amaute haltum sak in. Na mite ading na hanciamna thu, na galte tungah kilangsak in.

Jeremiah 49:15

Bang hang hiam cih leh, en in, keimah in gamdangte sangin nang kong neusak zaw a, mite kong simmawhsak ding hi.

Zefaniah 3:15

Topa in na galte hong paihkhiatsak khin a, hong langpang khempeuh hong hawlkhiatsak khin hi. Topa ahi Israel Kumpipa in nang tawh hong om a, na lau nading thu om nawn lo hi.