Micah 6:6 - Tedim Bible

⁶ Vantung Pasian ahi Topa mai-ah bang va keng ding ka hi hiam? Amah biakna-in hal dingin kum khat a pha bawngno thaute paipih ding ka hi hiam?

Tedim Bible Revision 2017

⁶ Vantung Pasian, Topa biak nadingin bang va keng ding ka hi hiam? Amah biakna-in hal dingin bawng no thaute va paipih ding ka hi hiam?

Micah 6:6 Referans Kwoze

Sawltak 2:37

Tua mite in hih thu a zak uh ciangin a lung uh vut a, “Ute naute aw, bang ka ci hih ding uh hiam?” ci-in Piter a kipan adang sawltakte kiangah a dong uh hi.

Marka 5:7

“A sang bel Pasian’ Tapa Zeisu aw, nang tawh bang kikum i hi hiam? Kei nong bawlsiat loh nadingin, Pasian’ min tawh thu kong pia hi!” ci-in nakpi-in a kiko hi.

Mattiu 19:16

Tua lai takin mi khat in Zeisu kiangah va nai a, “Sia aw, nuntak tawntungna ka ngah nadingin, a pha bang ka bawl ding hiam?” ci-a a dot ciangin,

Daniel 3:26

Tua ahih ciangin Nebukhadnezzar mei phualpi kong gei-ah paito a, “Shadrak! Meshak! Abednego! Sangpen Pasian’ nasemte hong paikhia un,” ci-in a sam hi. Tua ciangin amaute zong thakhatin a hong paikhia pah uh hi.

Sawltak 16:30

Amah in amaute inn pua-ah a paipih khit ciangin, “Tote aw, gupna ngah nadingin bang ka hih ding hiam?” ci-in a dong hi.

Sawltak 16:17

Tua nungak in Paul leh komau hong zui a, “Hih mite in gupna Lampi eite hong hilh, Sang Pen Pasian’ nasemte ahi uh hi,” ci-in a kiko hi.

Johan 6:26

Zeisu in, “Ke’n aman takpi kong cih-inah, note in nalamdang na muh manun kei hong zong na hi kei uh hi; khomun na ne uh a, na kham uh ciangin hong zong na hi uh hi.

Luka 10:25

Thukham siapa khat ding-in Zeisu ze-et a, “Sia aw, tawntung nuntakna luah nadingin bang ka hih ding hiam? ci-in a dong hi.

Daniel 5:21

Amah mihingte lak panin kihawlkhia a, ganhing lungsim a nei hi. Gam sakolte tawh teeng khawmin, bawngtal bangin lopa ne a, daitui dal ding nei loin a pua lamah a lum hi. A tawp khakna ah Sangpen Pasian in mihingte’ kumpi gamte uk a, a teel peuhpeuh kumpi a suak hi ci-in a phawk thei hi.

Daniel 5:18

Sangpen Pasian in na pa Nebukhadnezzar kumpi lianin koih a, zahtakna leh vangliatna a pia hi.

Daniel 4:9

Ama kiangah, aisan theite laka alianpen Balteshazzar aw, a siangtho pasiante’ kha na sungah om ahih manin thu thuk khempeuh na theihtheih lam ka thei hi. Hih ka mang a khiatna hong gen in, ka ci hi.

Late 95:6

Hong pai un, bia-in kun ni, eite hong Bawl Topa mai-ah khukdin’ ni!

Late 22:29

Hi hi, leitung kiphatsakna khempeuh ama mai-ah kunsuk ding hi; leivui-a paisuk khempeuh leh a kikem tawm thei lote ama mai-ah kun ding uh hi.

2 SAMUEL NIHNA 21:3

Tua ciangin David in Gibeon mite kiangah, “Note adingin bang hong hihsak ding ka hi hiam? Note in Topa’ mite thupha na piak theih nadingun bangci bangin kilemna hong bawl ding ka hi hiam?” a ci hi.

Paikhiatna 12:5

Na ganno uh a sitbang lo hi ding a, kum khat a pha a pa hi ding hi; tua pen tuu ahi a, keel ahi zongin, khat peuhpeuh hi thei ding hi;

Efesa 3:14

Tua ahih ciangin vantung leitungah a om mi khempeuhte’ pianna, Pa Pasian mai-ah khukdin’in thungenin ka om hi.

Marka 12:33

Tua Pasian lungsim khempeuh tawh it a, ama pumpi a it bangin a lawmte zong a it ding in, a pum mei a khul biakna leh sagawh biakna sangin a pha zaw hi,” ci-in a gen hi.

Hebru 10:11

Siampi peuhmah in ni simin na semin, cikmah hunin mawhna a maisak zo lo piaknate pia kikkikin a ding uh hi.

Gamlak-vakna 7:51

meihal biak nadingin bawngtal no khat, tuutal khat, kum khat a pha tuuno a pa khat;

1 SAMUEL MASA 15:22

Tua ciangin Samuel in, “ Topa in meihal biaknate leh biakpiaknate, Topa’ thu man’ ding zahin deih ahi hiam? En in, biakpiakna sangin thuman’ ding hoihzaw a, tuutal thaute sangin thungaih ding hoihzaw hi.

Late 95:2

Ama omna-ah lungdamna ko-in pai ni; phatna late, ama tungah lungdam takin sa ni!

Isaiah 40:16

I Topa biak nadingin Lebanon sing kicing lo ding a, a ganhingte zong meihal biak nadingin kicing lo ding hi.

Jeremiah 6:20

Bang deihna tawh Sheba gam panin paknamtuite hong pai a, gamlapi panin singnamtui hong tung ahi hiam? Na meihal biaknate uh ka sang kei a, nong thoihnate uh deihhuai ka sa kei hi.

Ezekiel 46:9

“A kiseh pawi hunte-ah Topa bia dingin hong pai mite khempeuh pen a lutna kongpi zui-in kileh kik lo ding uh a, tang takin paisuak ding uh hi. Leilu lam kongpi panin a lutte, leitaw lam kongpi-ah ciah ding uh a, leitaw lam kongpi panin a lutte, leilu lam kongpi-ah ciah ding uh hi.

Hosea 5:6

A tuute uh leh a bawngte uh tawh Topa tungah biakna pia dingin paipih ding uh a, ahi zongin a mawkna suak ding hi. Topa in amaute nusia khin ahih amanin amah mu zo lo ding uh hi.

Amos 5:22

Meihal biakna leh an tawh biakna nong paipih uh hangin, tuate kong sang kei ding a, Thu-nuam-a biakpiak nading a, nong paipih uh a thau mahmah ganhingte zong, et-in ka nei vet kei ding hi.

Paikhiatna 23:15

Silngo sawhloh anlum pawi na bawl ding uh hi; keimah in note kong thupiak bangin Abib kha sung a kisehsa hun ciangin ni sagih sung silngo sawhloh anlum na ne ding uh hi, bang hang hiam cih leh tua kha sungin Izipt panin note na paikhia uh hi. Khut hawm guak tawh keima' maiah kuamah hong kilaak lo ding hi.

Late 116:12

Kei tunga ama thupha tampite Topa’ tungah bangci thuk ding ka hi hiam?

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Paunak 21:3

Topa in biakpiakna sangin, thuman thutang deihzaw hi.