Micah 6:3 - Tedim Bible

³ Topa in hih bangin thu sung a, “Ka mite aw, note bang hong cih kha ka hi hiam? Bang thu-ah note hong lunggimsak ka hi hiam? Tu-in hong dawng dih un!

Tedim Bible Revision 2017

³ Topa in hih bangin thu sung a, “Ka mite aw, note bang hong cih kha ka hi hiam? Tu-in hong dawng dih un!

Micah 6:3 Referans Kwoze

Jeremiah 2:5

Topa in hih bangin ci hi: “Na pute na pate un kei kiang panin gamlapi paikhia-in, bangmah-a kimang lo milim peuh bia-in, amau mahmah zong bang mah-a kimang lo a suah khit nadingun kei’ tungah bang mawhna mu uh ahi hiam?

Late 81:13

Ka mite in ka thu hong ngai-in, ka deih bangin Israel gamta leh pawh!

Jeremiah 2:31

No khangthakte aw, Topa’ kammal limtak ngai dih un. Israel mite adingin keimah in gamlak bang hi ngei ka hi hiam? A mial mahmah gam bang hi ngei ka hi hiam? Tua ahih leh bang hangin ka mite in, ‘Ko ka suakta uh hi, nang kiangah kong pai nawn kei ding uh hi,’ ci uh ahi hiam?

Late 50:7

“Ka mite aw, ngai un, thu kong gen ding hi, Israelte aw, note’ lang khatah teci ka pang ding hi. Kei in Pasian ka hi a, nomau’ Pasian ka hi hi.

ROM (Romans) 3:19

Thukham in a gen thu khempeuh thukham nuai-ah a om mite kiangah a gen hi cih i thei hi. Tua ahih ciangin kam a vekpi kikham uh a, leitungmi khempeuhte in Pasian mai-ah mawhsakna a thuak ding uh hi.

Micah 6:5

Ka mite aw, Moab Kumpi Balak in note suk nading a vaihawmna teng, leh Beor’ tapa Balaam in ama nget bangin a sepna teng, limtakin phawk kik un. Note hotkhiat nadingin ka sepna thu na theih nadingun, Shittim leh Gilgal kikal-a thu piangte ngaihsun kik un,” a ci hi.

Late 81:8

Ka mite aw, note kong thuhilh laitakin hong ngai un! Israelte aw, ka thu hong ngai hi hoh le uh cin!

Late 51:4

Nangma tung mahmah-ah khialin, na muhna-ah a sia ka gamta khin hi, tua ahih ciangin na thugenna-ah nang na tang a, na thukhenna ah paubaan’na om lo hi.

Isaiah 5:4

Ka leenggui lo’ adingin ka hih nai loh ka hih ding a kilawm bang om lai ahi hiam? Leenggah hoih gah ding ka lamet lai takin bang hangin gam leenggah hong gah mawk ahi hiam?