Micah 6:15 - Tedim Bible

¹⁵ Khai na tuh uh hangin a gah na at kei ding uh hi. Oliv gah na cil uh hangin a thau na zang kha kei ding uh a, leenggah na cil uh hangin a zu na dawn kha kei ding uh hi.

Tedim Bible Revision 2017

¹⁵ Khai na tuh uh hangin an na la kei ding uh hi. Oliv gah na cil uh hangin a thau na zang kha kei ding uh a, leenggah na cil uh hangin a zu na dawn kha kei ding uh hi.

Micah 6:15 Referans Kwoze

Zefaniah 1:13

Amau’ neihsa khempeuh kisut ding a, a innte uh kisuksiatsak ding hi. Inn a lam hangun a sungah teeng kha lo ding uh a, leenggui a suan hangun leenggahzu dawn kha lo ding uh hi,” ci hi.

Amos 5:11

Note in mi zawngte tuancilin, a an teng uh laksak na hih manun, suangseek inn na lam hangun a sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.

Jeremiah 12:13

Amau in mangbuh a tuh uh-a ling aat uh hi. Nasep a hahkat mahmah uh hangin bangmah a ngah kei uh hi. A kihtak huai Topa’ hehna hangin an lak hun ciangin a maizum ding uh hi,” a ci hi.

Haggai 1:6

Khaici tampi na tuh uh hangin an tawm bek na la uh a, an nek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puan silh ding na neih tei uh hangin a lum khop ding na nei kei uh hi. Sum thalawhte in zong a khamkhop ding uh thalawh zo lo uh hi.

Siampi Laibu 26:20

na leitang un ama gah piangsak loin, na gam sung uh a, kungte in amau gah gah lo ding ahih manin note’ thatang a mawkna-a bei hi ding hi.

Johan 4:37

Tua ahih ciangin, ‘Mi khat in a vawh hi; midang in a at hi,’ a cihna thu a man hi.

JOB (Job) 31:8

Ka khawhsa ante midangte’ nek suak hen la, ka an khempeuh maimang ta hen.

Habakkuk 3:17

Thei gahte hut khin a, leengguite a gah kei zongin, olive kungte gah lo a, lo-ah an a piang kei zongin, tuu khempeuh si khin a, ganbuk khempeuh a hawm khin zongin,

Siampi Laibu 26:16

keimah in note tungah hih bangin kong hih ding hi: note tungah hong tung dingin keimah in thakhat thu-a dipkuatna, zawngkhalna, leh mite siasakin nuntakna a kiamsak ding cisa natna kong tung sak ding hi. Note’ lo pawi in a mawkna hi ding hi; bang hang hiam cih leh na galte un tuate ne ding hi;

Thukhente 6:4

amau’ lang khatah amaute in giahphual satin Gaza kiim ciangciang dong lei pan-a piangte susia uh a, Israel sungah nuntak nading bangmah nusia loin, tuu ahi a, bawngtal ahi a, la ahi zongin nusia lo hi.