Biblia Todo Logo
Bib sou entènèt

- Piblisite -




Micah 5:8 - Tedim Bible

8 A om lai Israel mite pen minam dangte lakah, gamlakah sa a beng, tuute a tuah ciangin manin balnen gawp a, a kam sung pan a honkhia zo a om lo, humpinelkai bang ding uh hi.

Gade chapit la Kopi

Tedim Bible Revision 2017

8 A om lai Israel mite pen minam dangteʼ lakah, gamlak ah sa a beng, tuute a tuah ciangin manin balnen gawp a, a kam sung pan a hon khia zo a om lo, humpinelkai a bang ding uh hi.

Gade chapit la Kopi




Micah 5:8
29 Referans Kwoze  

Kongzing buannawng lakah, a galte a tuancil gawp galkapte bangin, amaute gualzo ding uh a, Topa in a ompih manin amaute in galdo ding uh a, a galte’ sakol galkapte zo gawp ding uh hi.


Topa in hih bangin ci hi: Jerusalem khuamite aw, kipan un la, na galte uh sugawp un. Sumngo khe leh sik ki a nei bawngtal bangin note kong thahatsak ding hi. Minam tampite’ na sugawp zo ding uh a, amau’ neihsa teng keima aa na suaksak ding uh a, amau’ hauhna teng, leitung khempeuhte’ Topa’ neihsa na suaksak ding uh hi.


Tua hun hong tun’ ciangin suangtumpi gik mahmah bangin Jerusalem khuapi ka bawl ding a, liik khiat a sawm minam khatpeuh peuh in liamlawh ding hi. Leitung minam dang khempeuh kipawlin Jerusalem sim ding uh hi.


Vanglianpen Topa in ama mite hu ding a, ama mite in a galte uh susia ding hi. Galdona sungah, zukham bangin awng gawp ding uh a, a galte uh’ sisan luangsak gawp ding uh hi. Biakna site, biakna tau tungah, hai-a sun tawh kibangin luangsak ding uh hi.


Humpinelkai’ sukgawp bangin Israel leh Judah ka sugawp ding hi. Keimah teekteek in amaute balgawpin ka paisan ding hi. Amaute ka tal kaih gawp ding a, kuamah in hon zo lo ding hi.


Tua ahih ciangin, Pasian a mangngilh mite aw, hih thu ciamteh un, tua hi kei leh note kong balgawp ding hi, hong honkhia ding kuamah om lo hi.


Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.


Judah mite in thu nial uh a, a selpho uh ciangin Paul in langpanna tawh ama puan singkhia-in, “Note’ si uh note lu tungah om ta hen! Keimah ka siang hi. Tu-a kipanin Gentailte kiangah ka pai ding hi,” a cih khit ciangin


Mi khatpeuh mah in no hong nolh a, na thu uh a ngaih nop kei leh, tuapa’ inn pan ahi zongin, a khua pan ahi zongin na paikhiat uh ciangin, na khepeek uhah leivuite na singkhia un.


Judah in humpinelkai tawh kibang hi; ka ta aw, na matsa ganhing na nekna panin na paito hi. Amah kun suk a, humpinelkai-pa leh humpinelkai-nu bangin lum hi; kua in amah phong ngam ding ahi hiam?


Amaute bok hi, humpinelkaipa bangin lumsuk uh hi, humpinelkaipi bangin lumsuk uh hi; kua in amaute phong ngam ding ahi hiam? Note thupha hong piate in thupha ngah hen la, note hong samsiate in samsiatna ngah ta hen,” a ci hi.


Nangma hangin ka galte uh ka sawnpai uh a, ko hong dote, na min suangin ka tuancil uh hi.


Nangmah in khuamial na bawl a, gamlak ganhing khempeuh a vakkhiat hun in zan sung ahi hi.


Ganhing lak pan a hatpen, kuamah a kihta lo humpinelkai,


Amaute’ kikona pen humpinelkai hawk tawh kibang a, humpinelkai khanglaite bangin amaute hawk uh hi; amaute humhamin a sa nek ding uh man uh a, amaute in puakhia-in kuamah in honkhia zo lo hi.


Amaute in mei cih dingin a kinusia galhiamte nei uh ahih manin gamlakah sing tom kul lo ding a, tulakah sing phuk ding zong kisam lo ding hi. Amaute in amau’ na a sutte’ na sutin, a suksiatsakte’ na suksiatsak ding uh hi. Topa Pasian in thu ka gen khin hi,” hong ci hi.


Ahi zongin no Israel mi a om laite khempeuh pel loin kong kaikhawm kik taktak ding hi. Tuubuk sunga tuu khum bangin, gankhawk sunga tuuhon kaihkhop bangin, note kong kaikhawm kik ding a, na gam sung uh, mi tampite’ husa tawh kidim kik ding hi, ci hi.


Khebaite ka om sak lai ding a, a kipaikhia mite a thahat minamte ka hisak ding hi. Tua hun akipan a tawntungin, Zion Mual panin amaute ka uk paisuak ding hi.


Tua ahih ciangin, numei naupai nu, a nau a suah khit mateng, amau’ galte khut sungah Topa in amaute pia phot hi. Ama hong khan’ ciangin, sal-a om a gam mite, a mipihte uh tawh hong kigawm kik ding hi.


Topa aw, nang tawh a kibang Pasian dang om lo a, a om lai na gamluah mite’ mawhna na maisak hi. Nang na heh paisuak kei a, na itna kip nong lak hi.


Tua ahih ciangin hih gam-a a teeng mite ka hehpih nawn kei ding hi. Amaute a ukpa leh a kumpipa’ khut nuai-ah mi khempeuh ka koih ding hi. Gam uk mite in gam sung teng susia gawp dinga amau’ suksiatna panin kuamah ka honkhia kei ding hi,” hong ci hi.


Keimah in na kong sep ni ciangin, migilote nuaisiahin, leivui bangin na tuancil ding uh hi,” ci hi.


Tua gualzawhna pawi a bawl dingin Izipt mite a pai nop kei leh, tua bang-a a pai nuam lo minamte’ thuak gimnate mah, amau tungah tung ding hi.


Swiv nou:

Piblisite


Piblisite