Micah 5:7 - Tedim Bible

⁷ Tua ciangin a om lai Israel mite pen, Topa in minam tampite’ adingin a piak, zing daitui, lopate a khangsak guahtui bang ding uh hi. Amaute in mihing muanin nei loin Pasian bek muang ding uh hi.

Tedim Bible Revision 2017

⁷ Tua ciangin a om lai Israel mite pen Topa in minam tampite adingin a piak, lopate a nosak zing daitui, lopate a khangsak guahtui, a bang ding uh hi. Amaute in mihingte muanin nei loin Pasian bek a muang ding uh hi.

Micah 5:7 Referans Kwoze

Micah 5:3

Tua ahih ciangin, numei naupai nu, a nau a suah khit mateng, amau’ galte khut sungah Topa in amaute pia phot hi. Ama hong khan’ ciangin, sal-a om a gam mite, a mipihte uh tawh hong kigawm kik ding hi.

Isaiah 44:3

Bang hang hiam cih leh a dangtak leitang tungah tui ka sung ding a, leikeu tungah lui tui ka luangsak ding hi; na suan leh khakte tungah ka Kha ka pia ding a, na tu na tate tungah ka thupha ka pia ding hi.

Thu-hilhkikna 32:2

Ka thuhilhna in guahmal bangin zu-in, ka thugenna daitui bangin kia hen la, longeek tunga guah phin leh ankung tunga guahzu bang ta hen.

Hosea 14:5

Gam keuna mun-a guahzu bangin Israel mite tungah nuntakna guah ka hi ding hi. Unok Paak bangin amaute palh ding a, Lebanon gama singkungte bangin zung thuk kha-in kip ding uh hi.

Late 72:6

Amah, pawn lak lopa tunga guah kia leh lei a kawtsak guahzu tawh kibang ta hen!

ROM (Romans) 10:20

Isaiah in hang takin: “Kei hong zong lo mite in hong mu zo uh hi, Kei thu hong kan lo mite tungah ka kilang zo hi,” a ci hi.

Zekhariah 14:8

Tua ni hong tun’ ciangin Jerusalem khua panin tuiciim hong luang khia ding a, kimkhat, nisuahna lama om Si Tuipi ah luang ding a, kimkhat, nitumna lama om Mediterranean Tuipi-ah luang ding hi. Tua tui in kan’ hun cih nei loin luang tawntung ding hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah a pelh loin hong zuk bangin eite kiangah amah hong pai hamtang ding hi,” a ci ding uh hi.

Jeremiah 14:22

Gamdang pasian zuaute lakah guahzu sak thei khat beek a om hiam? Ahih kei leh vantung in ama’ thu-in guahzu tawmsak thei ahi hiam? Tua bang a hih thei nang bek hilo na hi hiam? Topa kote’ Pasian aw, Nangmah in tuate khempeuh hih na hih manin nang sungah lametna kong nei uh hi.

Late 110:3

Na mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsang ciangin na khangnona nangma tungah hong tung ding hi.

1 KORIN MASA 3:6

Keimah in a suanpa ka hi hi. Apollos in tuibuakpa ahi hi. A kung a khangsakpa ahih leh, Pasian ahi hi.

ROM (Romans) 11:12

Amau pukna un leitungmite hauhna hi a, amau tan’na un Gentailte hauhna ahih leh, amaute kicin’na un hauhna tamzaw piang sak ding hilo ahi hiam?

ROM (Romans) 9:30

Tua bang ahih leh, bang i ci gen ding hiam? Dikna a delh lo Gentailte in tua-upna tawh kipawl dikna a cihnopna ahi dikna a tung uh hi.

Sawltak 16:9

Zan ciangin Paul in mang a mu hi. Tua mang sungah Makedonia mi khat ding-in, “Makedonia gamah galkah in la, kote hong huh in,” ci-in a thuum hi.

Sawltak 13:46

Paul leh Barnabas in, “Note kiangah Pasian’ thu hilh masa dingin thu a om hi. Ahih hangin no na paikhia uh a, nuntak tawntungna ngah dingin kilawm kisa lo na hih uh ciangin, Pasian in kote thu hong piak mah bangin Gentailte kiangah ka kihei ding uh hi.

Sawltak 11:15

Keimah in thuhilh ka kipat lai takin, amasa-a eite tungah Kha Siangtho a hong tun’ mah bangin amaute tungah a tung hi.

Mattiu 28:19

Tua ahih ciangin, note vak kawikawi un la; mi khempeuh nungzuite na suahsak khit uh ciangin, Pa’ min, Tapa’ min leh Kha Siangtho’ min tawh na baptaiz ta un.

Micah 2:12

Ahi zongin no Israel mi a om laite khempeuh pel loin kong kaikhawm kik taktak ding hi. Tuubuk sunga tuu khum bangin, gankhawk sunga tuuhon kaihkhop bangin, note kong kaikhawm kik ding a, na gam sung uh, mi tampite’ husa tawh kidim kik ding hi, ci hi.

Amos 5:15

Thusia mudahin thupha deih un la, thukhen zumah a manin thu khen un. Tua hi leh, Josef minam a suakta sunte tungah, Topa, mihonpite’ Pasian hong thunuam kha thei ding hi.

Joel 2:32

Tua ciangin Topa’ min tawh thu a ngen khempeuh in, gupkhiatna ngah ding uh hi. Topa’ gensa mah bangin, Zion Mual leh Jerusalem khua sungah a suakta mi om ding uh hi. Topa in a sap mite suakta ding uh hi.

Ezekiel 47:1

Tua ciangin biakinn lutna kongkhak-ah hong paipih kik hi. Biakinn kongkhak sangkil nuai panin tui luang a, biakinn ngatna nisuahna lamah luang sukin, biaknatau leitaw lam pang tawnsuk hi.

Isaiah 66:19

Amaute’ lakah lim khat ka khai ding hi. Amau kiang panin, a suakta lai mite pen, minamte tung, Tarshish mite tung, Put mi leh Lud mite tung, Meshek mite tung, Tubal mi leh Javan mite tung, ka min hoihna a za ngei lo, ka minthan’na a mu ngei lo tuipi gei-a om gammite tungah ka sawl ding hi; amaute in minamte lakah ka minthan’na genthang ding uh hi.

Isaiah 55:10

“Bang hang hiam cih leh vantung panin guahtui leh vuuk hong pai-in, amaute ciahkik loin leitung kawtsakin, kungnote meengin selkhia sak a, khaivawhpa khaici pia-in a nepa tungah an a piak mah bangin,

Isaiah 32:15

Ahi zongin Pasian in a Kha Siangtho hong puakkik ding hi. Leitang siate lo hoih hong suakkik ding a, lo-a ante hoih mahmah-in tulak bang ding hi.

Thukhente 6:36

Tua ciangin Gideon in Pasian kiangah, “Na gensa bangin keima tha tawh Israelte na hotkhiat ding leh,

Sawltak 9:15

Topa in, “Pai ta in. Bang hang hiam na cih leh, amah in Gentailte mai-ah ahi zongin, kumpite mai-ah ahi zongin, Israelte mai-ah ahi zongin, ka min a puak dingin ka teelsa beel ahi hi.

Zefaniah 3:13

Israel mi a om lai sunte, midang tungah gilo nawn lo ding a, zuauthu gen nawn loin, mi kheem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn lo ding uh hi,” ci hi.

Micah 5:8

A om lai Israel mite pen minam dangte lakah, gamlakah sa a beng, tuute a tuah ciangin manin balnen gawp a, a kam sung pan a honkhia zo a om lo, humpinelkai bang ding uh hi.

Ezekiel 14:22

A tanute a tapate a paikhiatpih dingin mi khatpeuh peuh a suakta zo kha a om a, nang kiangah hong pai leh, amaute’ omzia na en in. Amaute’ gitlohna zia na mu ding a, Jerusalem daan ka piakna a kilawm a thuman mah ahihna na phawk ding hi.

2 SAMUEL NIHNA 17:12

Tua ahih ciangin amah i muhna mun khatpeuhah amah i hih ding a, lei lakah daitui kia bangin amah i tuam ding hi; amah leh amah tawh a om mi khempeuh khat zong kisiit lo ding hi.

Late 133:3

Tua in, Zion mualte tunga a kia Hermon mual pan-a daitui tawh kibang hi. Bang hang hiam cih leh Topa in nuntak tawntungna thupha tua mun-ah a pia hi.

Paunak 19:12

Kumpipa’ hehna in humpinelkai hawk bangin lauhuai a, ama pahtakna in lopa tunga daitui taak bangin deihhuai hi.

Daniel 11:32

Kumpipa in tua biakna a nusia khinsa mite a thu zawh theih nadingin zuau gen siamna a zang ding hi. Ahih hangin Pasian nung a zui mite in ahih uh leh kiptakin a nial ding uh hi.

Micah 4:7

Khebaite ka om sak lai ding a, a kipaikhia mite a thahat minamte ka hisak ding hi. Tua hun akipan a tawntungin, Zion Mual panin amaute ka uk paisuak ding hi.

Micah 7:18

Topa aw, nang tawh a kibang Pasian dang om lo a, a om lai na gamluah mite’ mawhna na maisak hi. Nang na heh paisuak kei a, na itna kip nong lak hi.

Ezekiel 5:5

Tua ciangin Topa Pasian in, “Hih Jerusalem khuapi lim en in. Leitung laizangah ka koih a, a kimkotah gamdang khempeuh ka omsak hi.

Micah 4:13

Topa in hih bangin ci hi: Jerusalem khuamite aw, kipan un la, na galte uh sugawp un. Sumngo khe leh sik ki a nei bawngtal bangin note kong thahatsak ding hi. Minam tampite’ na sugawp zo ding uh a, amau’ neihsa teng keima aa na suaksak ding uh a, amau’ hauhna teng, leitung khempeuhte’ Topa’ neihsa na suaksak ding uh hi.

Zekhariah 9:13

Grik mite sim nadingin, Judah thal bangin keek-in, Israel thaltang-in ka zang ding a, Zion mite namsau-in ka zang ding hi.