Micah 5:5 - Tedim Bible

⁵ Amah in lungnopna hong omsak ding hi. Assiria mite in i gam hong simin, i gal dalna teng hong suk ciangin amaute a do dingin, i makai hatpen teng i sawl ding hi.

Tedim Bible Revision 2017

⁵ Amah in lungnopna hong omsak ding hi. Assiria mite in i gam hong simin i galdalna teng hong suk ciangin, amaute a do dingin i makai hat pen teng i sawl ding hi.

Micah 5:5 Referans Kwoze

Luka 2:14

“Van a sang belna-ah Pasian minthang ta hen. Leitung a deih mite tungah nopna om ta hen,” ci-in Pasian a phat uh hi.

Zekhariah 10:3

Ka mi a makaite tungah ka heh suak a, amaute daan ka pia ding hi. Judah mite in, Vanglianpen Topa ahi keima aa hi a, amaute lim takin keemin, ka sakol galkap thahatte hi ding uh hi.

Johan 14:27

Nopna note kong pia hi; keima nopna kong pia hi. Leitung mite in a piak bangin kong pia kei hi. Na lungmang kei un la, na lau kei un.

Zekhariah 9:10

Gal kidona leengte, Israel gam pan beisakin, sakol galkapte, Judah gam pan ka la khia ding a, galdona-a kizang thalte, kisusia ding hi. Na kumpipa un, minamte lakah kilemna thu gen ding a, amah in, tuipi mong khat pan tuipi mong khat dong, Eufrates gunpi panin leimong dongin uk ding hi.

Thuhilh-sia 11:2

Na neihsate, mun sagih ahi a, mun giat-ah ahi zongin khen kawikawi in. Hih leitungah bang thusia hong piang ding cih na thei khol kei hi.

JOB (Job) 5:19

Lungkhamna guk vei dong na tuahna-ah amah in hong hon ding a, a sagih veina dingah siatna in nang hong su nawn lo ding hi.

Mangmuhna 19:14

Vantunga om galkapte in zong a siangtho a paak saihadial silhin sakol kaang tungah tuangin ama nung a zui uh hi.

Mangmuhna 17:14

Amaute in Tuuno tawh a kido uh ciangin Tuuno in amau a zo gawp ding hi. Bang hang hiam na cih uh leh, amah in topate’ Topa, kumpite’ Kumpipa ahi hi. Kiteelkhia, kisamin, thuman mi ahi Topa tawh a omkhawm mite in zong a zo gawp ding uh hi,” ci-in kei kiangah hong gen hi.

Johan 16:33

Note in keima sungah nopna na neih nadingun hih thute kong genkhol hi. Note in leitungah gimna na thuak ding uh hi. Ahih hangin lunghimawh kei un, leitung ka zozo hi,” ci-in a gen hi.

Zekhariah 12:6

Tua ni ciangin, Judah minamte, tulak kang leh buhphal kang ka bangsak ding a, a kiim-a om minam dangte khempeuh susia ding uh hi. Ahi zongin Jerusalem mite a khuapi sungah lungmuangin om hithiat ding uh hi.

Zekhariah 9:13

Grik mite sim nadingin, Judah thal bangin keek-in, Israel thaltang-in ka zang ding a, Zion mite namsau-in ka zang ding hi.

Amos 1:6

Topa in hih bangin ci hi: Gaza khuamite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, minam bup khat sal dingin, manin, Edom mite tungah ap uh hi.

Amos 1:3

Topa in hih bangin ci hi: Damaskas khuamite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, angawina suang tawh gawizan bangin, Gilead gam mite gawi gawp uh hi.

Jeremiah 33:15

Tua ni tua hun ciangin David’ suan lak panin kumpi dingin a diktat Hiang khat ka khangsak ding a, amah in gam sungah thuman thu tang tawh thu hong khen ding hi.

Isaiah 65:8

Topa in hih bangin ci hi: Leenggahzu pen leenggah bom panin kingah a, mite in, ‘Tuate kimang thei ahih ciangin susia kei un,’ a cih mah bangun kei zong a minam bupin susia loin, keima na hong semte ka suakta sak ding hi.

Isaiah 59:19

Tua ahih ciangin nisuahna pan nitumna kikal-a om mi khempeuh in amah zahtakin, a vangliatna kihta ding uh hi. Bang hang hiam cih leh Topa’ huih nung bang, tuipi khang bangin amah hong pai ding hi.

Isaiah 44:28

Sairas kumpipa in ka tuucingpa hi a, ka deihna teng tung sak ding hi’; ‘Jerusalem kilam ding a,’ biakinn pen, ‘Na bulpi kiphut ding hi,’ a ci Topa ka hi hi.”

Isaiah 7:14

Tua ahih ciangin Topa mahmah in note’ tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Paunak 30:29

A gamtatna i et ciangin a thupi suak mahmah thum, eh! li om a,

Paunak 30:18

Ka theih zawh het loh a lamdang mahmah thu thum om a, eh! li hizaw:

Late 72:7

Ama hun sungin thumanna pung hen la, khapi a bei mateng nopna om ta hen!

Paunak 6:16

Topa in a muhdah, a khahkhong ngei loh ding, thu guk, bek hilo, thu sagih tak om a tuate in,

Isaiah 14:25

Keimah in ka gam sungah Assiria mi ka susia ding a, ka mual tungah ka sikcip ding hi; ka mite’ tung panin Assiriate hakkol, amaute’ liangko panin Assiriate’ vangik kia khia ding hi,” a ci hi.

Zekhariah 10:11

Amaute in, lungkhamna tuipi a phutkhak uh ciangin, keimah in tuipi hualte ka vatmai ding a, Nail gun tuithukte kangcip ding hi. Assiria mite ka niamkhiat ding a, Izipt in a vangliatna taan ding hi.