Micah 5:4 - Tedim Bible

⁴ Amah in Topa’ thahatna tawh a tuute uk ding a, Topa ama Pasian’ min vangliatna tawh uk ding hi. Leitung mi khempeuh in ama liatna phawk ding uh ahih manin, ama mite lungmuang takin om thei ding uh hi.

Tedim Bible Revision 2017

⁴ Amah in Topaʼ thahatna tawh a mite uk dinga, Topa ama Pasianʼ vangliatna tawh a uk ding hi. Leitung mi khempeuh in ama liatna phawk ding uh ahih manin ama mite lungmuang takin om thei ding uh hi.

Micah 5:4 Referans Kwoze

Micah 7:14

Topa aw, nangma tuu ahi na mite na ciangkhut tawh hong cing in. Gamnuam lei hoihna sungah amau guakin om uh hi. Taanglai huna mah bangin, Bashan leh Gileah gam nuamah tasak in.

Luka 1:32

Tua ta in milian hi ding a, Sang Bel Pasian’ Tapa kici ding hi. A pa David’ tokhom Pasian in pia ding a,

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

1 PETER MASA 1:5

Tua luahna in a nunung bel hun ciangin hong kilat nadingin a kibawlkholsa-a om gupkhiatna i ngah nadingin i upmanin Pasian’ vangliatna in hong kipsak note ading, vantungah kikhol-a a om luahna ahi hi.

Juda 1:1

Zeisu Khazih’ sila leh Jeim’ sanggampa keimah Juda in, Pa Pasian hangin itna ngahin, Zeisu Khazih adingin kikemin, sapna a ngah mite kiangah ka hong zasak hi.

Efesa 1:3

Eite in Pasian mai-ah itna sungah siangthoin, mawhna tawh kikhen nadingin leitung pian’ma-in eite Khazih sungah hong teel mah bangin, vantung tawh kipawl omna-ah thuphate khempeuh tawh Khazih hanga eite hong hehpih i Topa Zeisu Khazih’ Pa Pasian in thupha ngah ta hen.

Johan 20:17

Zeisu in, “Hong len kei in. Bang hang hiam na cih leh, ka Pa kiangah ka kahto nai kei hi. Ka sanggamte kiangah pai in la, ‘Ka Pa ahi note’ Pa, ka Pasian ahi note’ Pasian kiangah ka kahto ding hi,’ ci-in amaute kiangah va gen in,” ci-in a sawl hi.

Johan 10:38

Ahih hangin, ka gamtat leh, kei nong um kei uh zongin ka bawlna thu um un. Tua bangin na up uh leh, Pa in kei sungah om a, kei in Pa sungah ka om cih thei-in na ciamteh ding uh hi,” a ci hi.

Mattiu 25:31

“Mihing Tapa in a minthan’na tawh, vantungmite tawh hong paikhop ciangin, minthan’na tokhom tungah hong tu ding hi.

Mattiu 16:18

Ke’n kong cih-inah, nang, Piter na hi hi. Hih suang tungah ka pawlpi ka lam ding hi. Hel khua kongkhakte in tua pawlpi a zo kei ding uh hi.

Mattiu 2:6

‘Judah gam Bethlehem khua aw, Judah gam khuapi lakah nang, khua neu, khua gina lo na hi kei hi. Bang hang hiam na cih leh, keima mipawl Israel mite cing dingin, Nangma sungah mangpa khat a piang ding hi, ci-in Lai Siangtho sungah a kigelh mah bangin Judah gam Bethlehem khua-ah Khazih a suak ding hi,” ci-in kumpipa kiangah a gen uh hi.

Zekhariah 9:10

Gal kidona leengte, Israel gam pan beisakin, sakol galkapte, Judah gam pan ka la khia ding a, galdona-a kizang thalte, kisusia ding hi. Na kumpipa un, minamte lakah kilemna thu gen ding a, amah in, tuipi mong khat pan tuipi mong khat dong, Eufrates gunpi panin leimong dongin uk ding hi.

Isaiah 52:13

Topa in, “En un, ka nasempa pilna tawh gamta-in, amah a lianin kikoihin kilaam to ding a, sang mahmah ding hi.

Isaiah 49:5

Ama kiangah Jakob paipih kik a, ama kiangah Israelte a kikaihkhop theih nadingin, Topa’ mai-ah kei hong kipahtawi a, Pasian pen keima thahatna suak-in, ama nasem dingin ka nu gilsung panin keimah hong piangsak Topa in tu-in thu hong gen a—

Late 145:12

a vanglian nangma sepnate leh na Kumpi gam hoihna a minthan’nate mihing tate’ tungah kitheisak ding uh hi.

Late 98:3

Amah thutakin, it tawntungna nei ahih manin Israelte' tunga a thuciamna tung sak hi. Leitung mi khempeuh in i Pasian’ gupkhiatna mu khin uh hi.

Late 93:1

Topa maang hi; liatna tawh kumpipuan kisilhsak hi; Topa, kumpipuan kisilhsak a, thahatna tawh kidim hi. Hi hi, leitung kikip sak a, kiling ngei lo ding hi;

Late 72:19

A minthang ama min in thupha ngah tawntung hen la, ama minthan’na in leitung khempeuh dim ta hen! Amen, Amen.

Late 72:8

Ama ukna in tuipi khat pan tuipi khat, Gunpi panin leimong dongin om ta hen!

Late 22:27

Leimong khempeuh in phawkin Topa’ lamah kihei ding uh a, minamte’ innkuan khempeuh in ama mai-ah bia ding uh hi.

Paikhiatna 23:21

Amah thudon-in ama' aw ngai un la amah lehdo kei un, bang hang hiam cih leh amah in note’ thu palsatna hong maisak lo ding hi; bang hang hiam cih leh keima' min tawh nasem ahi hi.

Isaiah 52:10

Topa in minam khempeuh mai-ah ama khut siangtho lakkhia khin a, ama mite honkhia hi. Lei mong khempeuh in i Pasian’ hotkhiatna mu ding uh hi.

Isaiah 45:22

“Leitung mong khempeuhte aw, kei lamah hong kihei un la, hotkhiatna ngah un! Bang hang hiam cih leh keimah in Pasian ka hi a, kuamah dang om lo hi.

Zekhariah 13:7

Namsau aw, ka tuucingpa a su dingin kipan in la, kei tawh nasem khawmpa lang pang in. Tuucingpa sat in. Tuute kithehthang ding a, ka tuute gim ka pia ding hi.

Malakhi 1:5

Note’ mit mahmah tawh hih thu piang na mu ding uh a, “Israel gam pualam nangawn ah, Topa in vangliatna nei hi,” na ci ding uh hi.

Isaiah 8:7

en in, Topa in Assiria kumpipa leh ama minthan’na khempeuh ahi, hat a, a tam mahmah Gun tuite, amaute’ lang khatah piangsak ding hi; tui in a batna ngei teng tum-in, a piau khempeuh dimlet hi;