Micah 5:2 - Tedim Bible

² Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Tedim Bible Revision 2017

² Bethlehem Efrathah khua aw, nang pen Judah gamah khua neu pen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Micah 5:2 Referans Kwoze

Mattiu 2:6

‘Judah gam Bethlehem khua aw, Judah gam khuapi lakah nang, khua neu, khua gina lo na hi kei hi. Bang hang hiam na cih leh, keima mipawl Israel mite cing dingin, Nangma sungah mangpa khat a piang ding hi, ci-in Lai Siangtho sungah a kigelh mah bangin Judah gam Bethlehem khua-ah Khazih a suak ding hi,” ci-in kumpipa kiangah a gen uh hi.

Johan 7:42

Khazih in David’ suan hi a, David’ omna Bethlehem khua sungah a suak ding hi,” ci-in Lai Siangtho in ci hilo ahi hiam?” a ci uh hi.

Late 90:2

Mual liante leitang leh leitung na bawl mapek, a tawntunga kipan a tawntung dongin nangmah in Pasian na hi hi.

Isaiah 11:1

Jessi’ phungsung panin a sel khat hong khangkhia ding a, a zungte panin a hiang khat hong gah ding hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Piancilna 49:10

Judah kiang pan kumpi ciangkhut paikhia lo ding, ukpa’ ciangkhut zong a khe kikal pan paikhia lo ding, a neipa' kiangah a tun’ mateng, mite’ thuman’na ama' tungah om ding hi.

Kolose 1:17

Tapa in na khempeuh a pian’ ma-in om a, amah hangin na khempeuh a kip hi.

Mangmuhna 19:16

Ama puanza tung leh a phei tungah, “kumpite’ Kumpi, topate’ Topa” ci-in min a kigelh hi.

1 SAMUEL MASA 17:12

Tu-in David in Judah gam Bethlehem khua-a om Efrathah mi, tapa giat a nei, Jessi min neipa’ tapa ahi hi. Saul hun lai-in tua mipa teek zo-in kum tampi pha ta hi.

Piancilna 48:7

Bang hang hiam cih leh Paddan panin ka pai lai-in, Efrath tun’ madiak, Kanaan gam lam kal-ah ka dah nadingin Rachel si hi; Efrah (Bethlehem) paina lampi-ah amah ka vui hi,” ci hi.

1 JOHAN MASA 1:1

A cil panin piang a, komau in za-in, ka mittang uh tawh mu-in, a tel takpi enin, ka khut uh tawh ka lawn’ khitsa uh nuntakna Thu tawh kipawl thute, note kiangah kong zasak uh hi.

Hebru 13:8

Zeisu Khazih in zanni, tuni, atawntungin kikheel loin a om hi.

Mattiu 28:18

Zeisu in amau kiangah va pai a, “Vantungah ahi zongin, leitungah ahi zongin, vangliatna khempeuh kei hong kipia zo hi.

Ruth 4:11

Tua ciangin kulh kongpi-a om mite khempeuh leh upate in, “Kote in teci ka hi uh hi. Topa in, Israelte’ innkuan a lamto khawm Rachel leh Leah bangin na innkuan sunga hong pai numei bawl ta hen. Efrathah-ah na dau pai hen la, Bethlehem ah na minthang ta hen;

Piancilna 35:19

Tua ahih ciangin Rachael si-in, Efrat (Bethlehem) paina lampi-ah kivui a,

Hebru 7:14

Bang hang hiam na cih uh leh, eite Topa in Judah pawl sung pan hong piang hi ci-in a kilang hi. Tua pawl thu-ah siampite thu Moses in kam khat beek a gen kei hi.

Amos 9:11

Tua ni ciangin inn tawh kibangin a siasa David innkuan, keimah in ka puahkik ding a, a vang teng hu-in, a sia teng ka puahkik ding a, nidanga a ngeina lui mah uh ka bangsak kik ding hi.

Jeremiah 30:21

A kumpi ding uh amaute khat mah hi ding a, amaute a uk ding amau’ sung mah pan a piang ding hi. Keimah in amah ka kai ding a, amah kei kiangah hong pai ding hi. Tua hi kei leh, ama’ thu-a kei kiang hong zuan ngam ding kua om ahi hiam? Topa in kong ci hi.

Isaiah 53:2

Bang hang hiam cih leh amah pen kungno khat leh leikeu sunga zung khat bangin ama mai-ah khangto hi; eite’ et dingin ama’ limin deihhuaina mel nei lo a, eite’ deih dingin hoihna nei lo hi.

1 SAMUEL MASA 10:19

Ahih hangin note in na tuahsiatnate uh leh na lungkhamnate uh khempeuh panin note a hong honkhia na Pasian uh tu ni-in na nial uh hi; note in, ‘Hi lo! kote tungah kumpi khat koih in,’ na ci uh hi. Tua ahih ciangin tu-in na minam nam uh leh a tul tulin Topa’ mai-ah kilak un,” a ci hi.

Luka 23:38

“HIHPA IN JUDAHTE’ KUMPIPA HI,” ci-in kigelhna lai a tungah a om hi.

Luka 23:2

“Hih pa in komau pawlte kheem a, ‘Khazih kici kumpipa ka hi hi. Kaisar kumpipa phiangsiah pia kei un,’ ci-in a kham kote’n ka za uh hi,” ci-in Zeisu a mawhsak uh hi.

1 KHANG TANGTHU MASATE 5:2

Judah in a sanggamte lakah a thahat suakin ama sung panin ulian khat a om hangin innluahza pen Josef’ aa ahi hi);

Paikhiatna 18:21

Tua tham loin, mi khempeuh lak panin Pasian a zahtak mi, a muanhuai mi leh sumgolh a mudah mi, misiamte na teelkhia ding hi; tua bang mite pen mi a tul, a za, a sawmnga, a sawmte' tungah a uk dingin na koih ding hi.

Mangmuhna 21:6

“Tua bangin a piang khin zo hi. Keimah in Alfa leh Omega, a kipatna leh a tawpna ka hi hi. Tuiduh mite nuntakna ciktui man nei loin ka pia ding hi.

Mangmuhna 2:8

“Smurna khua-ah a om pawlpi’ vantungmi kiangah hih bangin gelh in. ‘A masa bel leh a nunung bel ahi tham loin, nidang lai-inah sihna a thuak zo, tu-in a nungta mi’ thupiakna in:

Late 132:6

En un, Jaar gam sungah ka mu uh hi; cihna thuthak Ephrathah-ah kiza hi.

1 KHANG TANGTHU MASATE 2:54

Bethlehem khuapi a sat Salma’ suante in: Netofah mite, Atroth-bethjoab, leh Zorah mi ahi Manahath mite a lang ahi hi.

1 SAMUEL MASA 23:23

Tua ahih ciangin amah a bukna mun ahi a kiselsimna mun khempeuh hong ciamteh un la, thu a kitel tak tawh kei kiangah hong paikik un. Tua ciangin note tawh kei kong pai ding hi; gam sungah amah a om lai nak leh, Judah gam sung khempeuh zon’ ding ahi zongin a tul lak panin amah ka zongkhia teitei ding hi,” a ci hi.

1 SAMUEL MASA 17:18

a tul a ukpa kiangah zong hih sathaukhal sawmte puak in. Na ute’ om dan va mu in la, amau omzia a kitheihna lim pawlkhat hong ciahpih in,” a ci hi.

Thu-hilhkikna 1:15

Tua ahih ciangin na minam lutang uh ahi, a pil thu phawksa mite ka la a, note tungah lutang-in a tul, a za, a sawmnga, a sawm ukte leh uliante na minam khempeuh sung uhah ka koih hi.

1 SAMUEL MASA 8:12

tua ciangin amah in ama adingin a tul-a uk leh a sawmnga-a ukte, leh pawlkhatte a lo kho-in a an a la ding, leh a gal sung nazatte leh a leeng nate a bawl dingin seh ding hi.

Paikhiatna 18:25

Israel khempeuh' sung panin Moses in mipil misiamte teel a, mite a tul, a za, a sawmnga, a sawmte' tungah a uk-in mite lutang-in amaute bawl hi.

Mattiu 2:1

Judah gam Herod Kumpipa a man’ lai takin, Bethlehem khua-ah Zeisu a suah khit ciangin mipilte in ni suahna gam lam panin Jerusalem khuapi-ah tung uh a, tu lai taka suak Judah kumpipa koi lai takah om hiam?

Piancilna 35:16

Tua ciangin Beth-el panin amaute khualzin hi; amaute Efrat panin a gamla sim lai mun a tun’ lai takun Rachel a nausuah hun tung a, amah nakpi takin gim hi.

Thukhente 17:7

Tu-in Judah gam Bethlehem khuami, Judah innkuan, Levi tangval khat om hi; amah tua lai-ah peem hi.

Ruth 1:1

Thukhente in a uk hun lai-in tua gam sungah kialpi tung a, Judah gam sunga Bethlehem khuami khat, amah leh a zi leh a tapa nihte tawh Moab gamah a peem dingin pai uh hi.

Isaiah 55:4

En un, amah pen mite tungah teci ding, mite a makai ding leh a ukpa dingin ka koih hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah a pelh loin hong zuk bangin eite kiangah amah hong pai hamtang ding hi,” a ci ding uh hi.

Zekhariah 13:7

Namsau aw, ka tuucingpa a su dingin kipan in la, kei tawh nasem khawmpa lang pang in. Tuucingpa sat in. Tuute kithehthang ding a, ka tuute gim ka pia ding hi.

Isaiah 7:14

Tua ahih ciangin Topa mahmah in note’ tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Micah 4:10

Jerusalem khuamite aw, numei nausuak ding bangin tha saan un. Tu-in khuapi nusia-in, gam sung khua-ah a teeng ding na hi ta uh a, Babilon khuapi a zuan ta ding na hi uh hi. Ahi zongin tua lai-ah note hong kihonkhia-in, na galte uh khut sung panin Topa in hong tankhia ding hi.