Micah 5:12 - Tedim Bible

¹² Na mitphial siamnate uh susia-in, ai saan thei kong omsak nawn kei ding hi.

Tedim Bible Revision 2017

¹² Na mitphial siamte uh susia gawpin, ai a san thei mi kong omsak nawn kei ding hi.

Micah 5:12 Referans Kwoze

Mangmuhna 22:15

Pua lamah ahih leh, uite, mi bum theite, nu leh pa mawhna a bawl theite, mi that theite, milim biate leh a man lo nate deihin a gamta thei mite a om uh hi.

Isaiah 2:20

Amah pen leitung liingsak gawp dingin a thawh ni hun ciangin, Topa kihtakna leh alian ama minthan’na panin suang hawmpite sung leh keen hawmte sungah a buk theih nadingun, mite in biak ding a, amau bawl ngun milimte leh kham milimte pen buite leh bakte paih ding uh hi.

Mangmuhna 19:20

sahang tawh, sahang mai-ah nalamdangte lakin, sahang ciamtehna nei-in, sahang milim a bia uh mite a kheem, a zuau kamsangpa in kimatna a thuak khit ciangin, amau nih in kat meiphual sungah a hing tangin kikhiatna a thuak uh hi.

Isaiah 2:18

Milimte mangthang khin ding hi.

Isaiah 27:9

Amah in suang tawh kibawl biakna tau khempeuh suangkang satvui a bat sak ciangin Asherah milimte leh paknamtui taute a ding lai om nawn lo hi; hih thu hangin Jakob’ mawhna kimaisakin, a mawhna kilakkhiat sak hi.

Thu-hilhkikna 18:14

Bang hang hiam cih leh note in na suankhiat ding uh hih minamte in khong khaite leh ai saante’ thu ngai uh hi; ahih hangin note ahih leh tua banga na gamtat ding uh Topa na Pasian un hong phal lo hi.

Isaiah 44:17

Amah in a val lai teng, ama milim pasian khatin bawl hi; tua milim mai-ah kunin bia hi; amah in tua milim tungah thungen a, “Nang in keima pasian na hih ciangin kei hong honkhia in!” ci hi.

Ezekiel 16:41

Amaute in na innte hong haltum sakin, na daantuahna, numei honpi en sak ding uh hi. Numei paktat na hihna kong khawlsak ding a, na mawhpih ding pasalte sum tawh na guaihna kong khawlsak ding hi.

Ezekiel 36:25

Note tungah tui siangtho kong theh ding a, na milim biakna uh leh note hong ninsak na dang khempeuh panin kong siangsak ding hi.

Zekhariah 13:1

Tua ni hong tun’ ciangin David’ suan-le-khakte leh Jerusalem khuamite’ mawhna leh nitna teng khempeuh a silsiang dingin tuinak khat hong kihong ding hi.