Micah 4:8 - Tedim Bible

⁸ Pasian in a mite a etna Jerusalem khuapi aw, nidang a, na vangliatna ngah kikin, kumpi khuapi na suak kik ding hi.

Tedim Bible Revision 2017

⁸ Pasian in a mite a etna Jerusalem khuapi aw, nidang a na vangliatna na ngahkik dinga, kumpi khuapi na suakkik ding hi.

Micah 4:8 Referans Kwoze

Isaiah 1:26

A masa-a bangin na thukhente, a kipat cil-a bangin na upate ka koih kik ding hi. Tua khit ciangin nang pen, thuman khuapi, thutak khuapi, hong kici ding hi.”

Zekhariah 9:10

Gal kidona leengte, Israel gam pan beisakin, sakol galkapte, Judah gam pan ka la khia ding a, galdona-a kizang thalte, kisusia ding hi. Na kumpipa un, minamte lakah kilemna thu gen ding a, amah in, tuipi mong khat pan tuipi mong khat dong, Eufrates gunpi panin leimong dongin uk ding hi.

Mangmuhna 22:5

A nung ciangin zan om nawn lo ding hi. Amaute in meivakna ahi zongin, ni tan’na ahi zongin a kisam kei ding uh hi. Bang hang hiam na cih uh leh, Topa Pasian in amau khuavakna a pia ding hi. Amaute in zong a tawntungin a mang ding uh hi.

Zekhariah 9:12

Lametna a om ta, no salte aw, ciahkik un la, a muanhuai na mun ngei uh zuankik un. Note’ thuaknasa a zah nihin, thupha ka hong piak nading, tu ni-in note kiangah ka hong gen hi.

Obadiah 1:21

Esau mual-a thukhen ding, a honkhia ding mite Zion mualah hong paito ding uh a, tua gam in Topa’ gam ahi ding hi.

Piancilna 35:21

Israel in a khualzin zom lai a, Eder tausang gal khatah a puanbuk lam hi.

Efesa 1:21

Na khempeuh a sang belna, ukna, vangliatna leh aana-a kipan tu laitak leitung bek hi lo, nung ciangin a piang ding leitungah a kisam a kiphuak min khempeuh tung, vantungah ama ziat lam a sang mahmah omna-ah a tu sak hi.

Marka 12:1

Tua lai takin Zeisu in thugentehna tawh thu a hilh-inah, “Mi khat in lo lai-ah leenggah kungte suan a, gawlin uum a, leenggah cil nading to a, tausang buk khat a lam khit ciangin, lo khote khawhlawhsakin gamdangah a pai hi.

Daniel 2:44

Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

2 SAMUEL NIHNA 5:7

Ahi zongin David in David’ khuapi ahi Zion mun muanhuai la hi.

Gamlak-vakna 24:19

Jakob tawh ukna na kisem ding a, khuapi sunga a suaktate kisusia ding!” a ci hi.

Mattiu 21:33

“Adang thugentehna khat na ngai un: Inn neipa khat in lo lai-ah leenggah kungte suan a, gawlin a um khit ciangin, leenggah cil nading to a, tausang buk khat a lam khit ciangin, lo khote khawh lawhsakin khual a zin san hi.

Daniel 7:18

Ahih hangin Sangpen Pasian’ mite in kumpi za a ngah ding uh a, a tawntungin a nei tawntung ding uh hi,” a ci hi.

Isaiah 5:2

Amah in lei to-in suangte paikhia a, leenggui hoihte a suan hi; amah in a laizangah tausang khat lam a, tua sungah leenggah sukna khuk khat a to hi; amah in leenggah hoih hong gah ding lamen a, ahih hangin gam leenggah hong gah mawk hi.

Isaiah 10:32

Tu ni mahmah-in Nob khua-ah galte tungin khawl uh a, Zion Mual ahi, Jerulasem khuapi, a khuttum uh sin’san uh hi.

Late 48:3

A muan’huaina tua mual-ah Pasian in amah a hu’ taktakpa ahihna a lak khin hi.

Late 61:3

bang hang hiam cih leh nangmah in keima bukna na hi a, galte’ langah tausang muan’huai na hi hi.

Micah 2:12

Ahi zongin no Israel mi a om laite khempeuh pel loin kong kaikhawm kik taktak ding hi. Tuubuk sunga tuu khum bangin, gankhawk sunga tuuhon kaihkhop bangin, note kong kaikhawm kik ding a, na gam sung uh, mi tampite’ husa tawh kidim kik ding hi, ci hi.

Nehemiah 3:25

leh kulh kiu ciang khawk khat sung puah hi. Uzai’ tapa Palal in a Kiu gal san teng leh kumpipa’ inn panin hong dawk khia, zum cingte’ omna ahi tausang tungnung teng puah hi.

Late 24:7

Minthang Kumpipa hong tum theih nadingin, khua kongpite aw, na lute uh sangsak un! Taanglai kong khakte aw, kilaamto un!

Solomon la 4:4

Na ngawng in a tungah galhangte’ zat lum tangzang tulkhat a kikhai zeizaina, David’ tausang tawh kibang hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.