Micah 4:5 - Tedim Bible

⁵ Bang hang hiam cih leh mi khempeuh in, amau’ pasian ciat bia-in a thu mang ding uh a, ahi zongin eite in i hih leh i Topa Pasian a tawntungin bia-in a thu i mang ding hi.

Tedim Bible Revision 2017

⁵ Bang hang hiam cih leh midangte in amauʼ pasian ciat bia-in a thu mang ding uh a, ahi zongin eite in ahihleh eima Topa Pasian mah a tawntungin bia-in ama thu i mang ding hi.

Micah 4:5 Referans Kwoze

Zekhariah 10:12

Ka mite ka thahatsak ding a, amaute in kei hong bia-in ka thu hong mang ding uh hi, Topa in ci hi.

Kolose 3:17

Kampau ahi zongin, bawlna ahi zongin, na hihna khempeuh uhah Topa Zeisu’ min suangin, tua Topa hangah Pa Pasian’ hehpihna phatin na khempeuh na bawl un.

Joshua 24:15

Topa’ na nasep nop kei uh leh, Gungal khat-a a na a kisepsak na pu na pate uh pasian ahi a, note’ teen’na gam Amor mite’ pasiante ahi zongin, a na nasep sak ding peuhpeuh uh tu ni-in teel un; ahih hangin kei leh ka innkuanpihte in ahih leh Topa’ na ka sem ding uh hi,” a ci hi.

Isaiah 2:5

Jakob’ suan leh khakte aw, hong pai un, Topa’ khuavak sungah gamta ni.

Kolose 2:6

Tua ahih ciangin Khazih Zeisu, Topa-a na san’ khit uh ciangin tua Topa sungah gamta-in, zung kha-in, kilamin omin, kihilhna na ngah khit uh mah bangin upna-ah kipin, hehpihna phatna tawh upna khangin kicingin om un.

Isaiah 26:8

Topa aw, nangma thukham deihna kong zui uh a, nang kong ngak uh hi; nangmah in kote’ deih kicin’na na hi hi.

2 KUMPI NIHNATE 17:34

Tu ni dongin amaute in a ni danga ngeina bangin hih uh hi. Amaute in Topa kihta lo uh a, Israel min a phuah Jakob’ suante’ Topa in a thupiak thukhamte ahi a, ngeina kipte ahi a, zuih ding ngeina ahi a, a thupiakna ahi zongin amaute in zui lo uh hi.

2 KUMPI NIHNATE 17:29

Ahih hangin minam khempeuh in amau’ pasiante bawl uh a, minam khempeuh in amau’ ten’na khuapite sung, Samaria mite’ bawlsa mual tunga biakna munte ah tuate koih uh hi;

Piancilna 17:1

Abram kum sawmkua-le-kua a phak ciangin ama’ tungah Topa kilang a, “Keimah in Vanglian Pasian ka hi hi; hoih takin gamta in la, paubaang kei in.

Late 71:16

Topa Pasian aw, na nasepna liante ka phat ding a, na thumanna bek genin ka nei ding hi.

Sawltak 14:16

Tua Pasian in khang masa hun lai-in mipawl khempeuhte in, amau ut bangin a gamtat nading uh thu a pia hi.

Isaiah 26:13

Topa kote’ Pasian aw, nang ahi lo to dangte in ko tungah hong uk hangin, nangmah min bek mah kote in ka zahtak uh hi.

Thu-hilhkikna 27:10

Tua ahih ciangin Topa note’ Pasian thu mangin, tu ni-a note kong piak ama thupiaknate leh ama thukhamte na zui ding uh hi,” a ci uh hi.

Late 20:6

Topa in a sathau nilhpa a huh ding tu in ka thei ta a, ama vantung siangtho panin ama taklam khut-a gualzawhna lianpite tawh amah a dawng ding hi.

Jeremiah 32:40

Amaute’ tungah a tawntungin hoihna ka bawl det nadingin amaute tawh tawntung thuciamna khat ka bawl ding hi. Kei’ kiang panin a kiheikhiat loh nadingun amaute’ sungah kei hong zahtakna lungsim ka koih ding hi.