Micah 4:13 - Tedim Bible

¹³ Topa in hih bangin ci hi: Jerusalem khuamite aw, kipan un la, na galte uh sugawp un. Sumngo khe leh sik ki a nei bawngtal bangin note kong thahatsak ding hi. Minam tampite’ na sugawp zo ding uh a, amau’ neihsa teng keima aa na suaksak ding uh a, amau’ hauhna teng, leitung khempeuhte’ Topa’ neihsa na suaksak ding uh hi.

Tedim Bible Revision 2017

¹³ Topa in hih bangin ci hi: Jerusalem khua mite aw, kipan unla, na galte uh su gawp un. Sumngo khe le sik ki a nei bawngtal bangin note kong thahatsak ding hi. Minam tampite na su gawp zo ding uh a, amauʼ neihsa teng keima-aʼ na suaksak ding uh a, amauʼ hauhna teng leitung buppiʼ Topaʼ neihsa na suaksak ding uh hi.

Micah 4:13 Referans Kwoze

Daniel 2:44

Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

Isaiah 23:18

Ama sumbuk vante leh ama sepna panin a ngah nate pen Topa tungah kipia ding hi; ahih hangin tuate kikholcip mawk loin, Topa a bia mite’ an ding leh puan hoih nono leina-in kizang ding hi.

Isaiah 18:7

Tua hun ciangin, amau’ gam gunpi in a phelkhap, a vanglian a gualzo minam, a nai a gamla ah a kikihta mite, a tun sang mi, a ci nel mite kiang panin, Vanglianpen Topa’ min omna mun Zion Mual, Vanglianpen Topa’ tungah letsong hong kipuak ding hi.

1 KORIN MASA 16:2

Ka hong tun’ ciangin kaihkhop tawm a kul nawn loh nadingin nisagih laka ni masa bel ni-in mi a vekpi in na ngah bangun na khia khol ciat un.

Zekhariah 6:5

Tua ciangin amah in hong dawng a, “Hihte in vantunga om kha lite a cih nopna hi a, leitung khempeuhte’ Topa kiang panin a hong paikhia ahi uh hi,” hong ci hi.

Zekhariah 4:14

Tua ciangin amah in, “Leitung khempeuh’ Topa’ na a sem dingin Pasian in teelin sathau a nilh mi nihte a cih nopna ahi hi,” hong ci hi.

Jeremiah 51:33

A vanglian Topa, Israel mite’ Pasian in kong gen-inah: Babilon mite tawlkhat khit ciangin anlak bangin a kila ding a, sual tunga ancil bangin, a kicilgawp ding hi.”

Late 68:29

Jerusalem-a na biakinn hangin kumpite in nang tungah letsong hong puak uh hi.

Joshua 6:19

Ahih hangin ngun leh kham, sumngo leh sik tawh kibawl nazatte Topa adingin siangtho hi; Topa’ sumkoihna-ah tuate tung ding hi,” a ci hi.

Isaiah 5:28

amau’ thaltangte hiam a, a thal khempeuh uh a kikeeksa ahi hi, amau sakolte’ khecinte pen meisuang bangin sak a, a leengpeite uh pingpei bangin manlang hi.

Late 72:10

Tarshis kumpite leh tuikulh neu-a kumpite in ama tungah siah pia uh hen la, Sheba leh Seba kumpite in letsong puak ta uh hen!

Thu-hilhkikna 33:25

Na khuapite, sik leh sumngo tawh kidal ding a, na nuntak lai teng na thahatna tua bang hi ding hi, a ci hi.

Isaiah 21:10

A kicilsa, a kiseepsa keima’ aa-te aw, Israelte’ Pasian, Vanglianpen Topa’ tung pana ka zaksa teng note tungah ka hong gen hi.

Jeremiah 51:20

“Babilon aw, nangmah in ka sekpi leh ka galhiam na hi a, nang hong zangin gamdangte ka satnen a, kumpi gamte ka susia hi.

Hosea 10:11

Israel in lim takin a kihilhsa, an a cil nuam bawngla tawh kibang hi. Ahi zongin a etlawm a ngawng zangah kol bulhin lo khawhsak ding ka ngaihsun hi. Lo khawhna leeng, Judah ka kaisak a, lei kalhkhapna singka, Israel ka kaisak hi.

Habakkuk 3:12

A hehsa-in leitungah na pai a, a sinsosa-in minamte na tuancil hi.

Late 24:1

Leitang leh a tunga omte, leitung leh a tunga teengte in Topa aa hi;

Micah 5:7

Tua ciangin a om lai Israel mite pen, Topa in minam tampite’ adingin a piak, zing daitui, lopate a khangsak guahtui bang ding uh hi. Amaute in mihing muanin nei loin Pasian bek muang ding uh hi.

Zekhariah 12:3

Tua hun hong tun’ ciangin suangtumpi gik mahmah bangin Jerusalem khuapi ka bawl ding a, liik khiat a sawm minam khatpeuh peuh in liamlawh ding hi. Leitung minam dang khempeuh kipawlin Jerusalem sim ding uh hi.

Zekhariah 12:6

Tua ni ciangin, Judah minamte, tulak kang leh buhphal kang ka bangsak ding a, a kiim-a om minam dangte khempeuh susia ding uh hi. Ahi zongin Jerusalem mite a khuapi sungah lungmuangin om hithiat ding uh hi.