Micah 4:12 - Tedim Bible

¹² Ahi zongin hih minamte in Topa’ lungsim tawng thei lo uh a, ancilna phualah anphalte kaihkhop bangin, kaikhawmin a cil gawp ding ahih lam phawk lo uh hi.

Tedim Bible Revision 2017

¹² Ahi zongin hih minamte in Topaʼ lungsim tawng thei lo uh a, ancilna phualah anphalte kaihkhop bangin amaute kaikhawmin, a cil gawp ding ahih lam phawk lo uh hi.

Micah 4:12 Referans Kwoze

Isaiah 55:8

Bang hang hiam cih leh keima ngaihsutnate nomau’ ngaihsutna bang hi lo a, ka paiziate nomau’ paizia bang hi lo hi, Topa in ci hi.

Jeremiah 29:11

Bang hang hiam na cih uh leh Topa in kong cih-inah, note’ mai lamah lametna kong piak ding, na siat nading uh hi loin na phattuam nading uh geelna ka neihte kei bek in ka thei hi.

Luka 3:17

Ama buh phual a zapsiang nadingin a khutin lawhpi a tawi hi. A tak teng a sal sungah koih ding hi. A site ahih leh, mit ngeilo mei-in hal ding hi,” ci-in a hilh hi.

Isaiah 21:10

A kicilsa, a kiseepsa keima’ aa-te aw, Israelte’ Pasian, Vanglianpen Topa’ tung pana ka zaksa teng note tungah ka hong gen hi.

Late 147:19

Amah in Jakob tungah ama thu gen a, Israel tungah ama ngeina kipte leh ama biakna ngeina kipte a gen hi.

Late 147:20

Amah in tua bangin minam dang khatpeuh peuh tungah bawl lo hi; amaute in amau biakna ngeina kipte thei lo uh hi. Topa phat un!

Isaiah 10:7

Ahih hangin amah in tua bang bek sawm lo a, a lungsim in zong tua bang bek ngaihsun lo hi; ama lungsim sungah minam tampi suksiat nopna thu om hi;

Isaiah 29:7

Tua ciangin Pasian’ biakna tau a do minam honpite khempeuh, tua khuapi leh a kulhpi simin a lungkham sakte khempeuh, zan-a mangmat tawh kibangin maimang ding uh hi.

Jeremiah 51:20

“Babilon aw, nangmah in ka sekpi leh ka galhiam na hi a, nang hong zangin gamdangte ka satnen a, kumpi gamte ka susia hi.

Joel 3:2

Minam khempeuhte kaikhawmin, Jehoshafat Kuam-ah ka paipih ding hi. Ka mihingte tungah a bawlnasa hangun, tua munah amaute thu ka khen ding hi. Amaute in Israel mite, gamdangah thehthang uh a, ka gamsung teng phelhawm uh hi.

Jeremiah 51:33

A vanglian Topa, Israel mite’ Pasian in kong gen-inah: Babilon mite tawlkhat khit ciangin anlak bangin a kila ding a, sual tunga ancil bangin, a kicilgawp ding hi.”