Micah 3:9 - Tedim Bible

⁹ Ngai un! Israel a uk makaite aw, Note in thutang deih loin, thuman kimlai a khialin na hei uh hi.

Tedim Bible Revision 2017

⁹ Ngai un! Israel a uk makaite aw. Note in thutang deih loin, thuman kimlai a khialin na hei uh hi.

Micah 3:9 Referans Kwoze

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh leh letsong deih uh hi. Amaute in pa nei lote pan’pih lo uh a, meigongnu’ thu amaute in sang lo uh hi.

Paunak 17:15

Migilote khahkhongna, leh thuman mite mawhsakna, a nih tuakin Topa in deih lo hi.

Thu-hilhkikna 27:19

“‘Peemta, pa nei lo, leh meigong numeite ading thutang a heikhiatsak mipa in gimna ngah ta hen,’ ci ding uh hi. Tua ciangin mi khempeuh in, ‘Amen,’ ci ding uh hi.

Micah 3:1

Israel a uk makaite aw, hih thu ngai un. Note in thutang thuman a deih dinga kilawm hi napi-in,

Hosea 5:1

No siampite aw, hih thu ngai un! No Israel mite aw, thu don un. Kumpipa’ innkuante aw, Ngai un! Note in midangte tungah thu a khen ding hi napi-in, note tungah thukhenna hong tung ding hi. Bang hang hiam cih leh note in mite’ awk nadingin Mizpah mual-ah thang na hi uh a, mite’ awk nadingin Tabor mual-ah ngen thang na hi uh hi.

Jeremiah 5:28

thau-in a mai uh zol hi. Gitlohna lamah a hun bek a theithei kei uh hi. Tagahte’ phattuam nading khual loin thu a man lo pi-in khen uh a, mizawngte tungah thuman lo uh hi.

Siampi Laibu 26:15

note in ka thukhamte nialin, note in ka biakna ngeina kipte kih a, ka thupiaknate khempeuh sem loin, ka thuciamna na palsat uh leh,

Paikhiatna 3:16

Pai in la, Israel upate kaikhawmin amaute' kiangah, ''TOPA, na pate uh’ Pasian, Abraham, Isaak leh Jakob’ Pasian keima' tungah hong kilang khinin, 'Note leh Izipt gam sungah note' tungah hong kibawlna ka mu khin hi;

Paunak 18:5

Mi mawhte angvanin diksak ding hoih lo a, midikte mawhsak ding thuman lo hi.

Paunak 21:7

Migilote, a manin gamta nuam lo uh ahih manin, amau’ gamtat siatna mah awkpih uh hi.

Ezekiel 44:23

“Amaute in ka mite tungah, biakna na a siangtho leh a mawkmawk nate, leh a nin leh a siang nate a kilamdan’na hilh ding uh hi.

Micah 1:1

Judah gam kumpi Jotham, Ahaz, leh Hezekiahte’ hun laitakin, Moresheth khuami Mikah tungah Topa in hih bangin thupia hi. Samaria leh Jerusalem tawh kisai-in Topa in Mikah tungah hih thute lak hi.

Nehemiah 13:17

Tua ciangin Judah uliante tungah ka lungkim kei a, amaute kiangah, “Bang hangin hih bangin hoih lohna gamta-in, sabbath ni ninsak ngam na hi uh hiam?

Paunak 17:23

A ginalo thukhente in sumgolh sang sim uh a, a thukhenna uh ah thuman om nawn lo hi.

Amos 5:7

Thutang lumletin thuman mite lei a den’na, note’ adingin bangzahin nasia ding ahi hiam?