Micah 3:8 - Tedim Bible

⁸ Ahi zongin kei ka hih leh, Israel mite tungah a mawhna uh a gen khia dingin, Topa’ Kha vangliatna tawh kidimin, thutang gen ngamna lungsim ka nei hi.

Tedim Bible Revision 2017

⁸ Ahi zongin kei ka hih leh, Israel mite tungah a mawhna uh a gen khia dingin Topaʼ kha le a vang tawh ka kidim a, thutang gen ngam nading lungsim ka nei hi.

Micah 3:8 Referans Kwoze

Isaiah 58:1

“Na aw sit loin nakpi takin kiko in la, peengkul aw bangin gingsak in; ka mihingte tungah amau khialhnate gen in la, Jakob innkuan tungah amau mawhnate gen in.

1 KORIN MASA 2:4

Note’ upna un mite’ pilna-ah kip loin Pasian’ vangliatna-ah a kip nadingin,

Ezekiel 43:10

Tua ciangin Topa in a thugen hong zom lai a, “Ezekiel aw, Israel mite tungah biakinn thu leh a geelna khempeuh a cing takin lak in la, amaute’ mawh gamtatna hangin maizum sak in.

Ezekiel 16:2

“Ezekiel aw, a mudahhuai in a gamtatna thu Jerusalem tungah gen in.

JOB (Job) 32:18

Ka thugen ding ka ngak lah a, ka kam ka ki-iip zo kei hi.

Mattiu 7:29

Bang hang hiam i cih leh, amah in laitheite bangin a hilh kei hi, ukpa bangin thu a hilh hi.

Ezekiel 22:2

“Ezekiel aw, mi thahna tawh a kidim khuapi tungah thukhen dingin na kiging nai hiam? A gamtat hoih lohna khempeuh tua khuapi kiangah gen in.

Ezekiel 20:4

“Ezekiel aw, amaute tungah thukhen dingin na kiging nai hiam? Na kigin’ khit leh amaute tungah thu khen in. A pu a pate uh’ gamtat hoih lohna teng amaute phawksak in.

Ezekiel 3:14

Pasian’ Kha in hong pai khiatpih lai takin ka lungkim het loin ka heh suak mahmah hi. Ahi zongin Topa’ vangliatna in kei hong zo zaw hi.

Jeremiah 20:9

Keimah in, “Ama’ thu ka gen kei ding a, ama’ min ka lo nawn kei ding hi,” ci mah taleng zong, ama’ thu ka lungsim sungah meikuang bangin hong om a, ka guh ka tang sungah kikhum cip ahih manin ka ki-ip ipna-in ka gim lua a, gen loin ka om thei kei hi.

Jeremiah 1:18

En in, hih gambup langah ding dingin, Judah kumpite, uliante, siampite leh hih gam mi khempeuh langpan’ dingin tu ni-in nang, khuapi muanhuai khat bangin ahi zongin, sik khuampi khat bangin ahi zongin, sumngo kulhpi khat bangin ahi zongin kong bawl hi.

Jeremiah 6:11

Tua ahih ciangin Topa aw, na hehna tawh ka dim a, ka thuak zo nawn kei hi,” ka ci hi. Tua ciangin Topa in hong hopih-a, “Ka hehna kongzing lak-a naupangte’ tungah bua in la, tangvalte’ kikhopna-ah zong bua in. Papite leh nupite zong kilakhia ding a, pitek putekte zong a kipai khiatpih ding hi.

Marka 3:17

Zebedi’ tapate Jakob leh Johan (vanging tate a cihnopna a min thak a phuah Boanerges),

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Isaiah 61:2

Topa maipha ngah kum, a galte tungah Pasian phulak ding hun a tun’na thu a gen ding, a thuum mi khempeuh a hehnem ding;

Kah la 2:14

Na kamsangte un zuau thu longal thudang gen ding nei lo uh a, a thu hilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lak khial uh a, kisikkik theih na’ng hun a hong pia kei uh hi.

Ezekiel 23:36

Topa in kei kiangah thu hong gen a, “Ezekiel aw, Oholah leh Oholibah tungah thukhen dingin na kithawi nai hiam? A gamtat hoih lohna teng uh amaute tungah gen in.