Micah 3:5 - Tedim Bible

⁵ Sum a pia zo mite kiangah thunuam gen a, a pia lo mite kiangah, gal tuah ding a gen, kamsangte in mite lam khialsak uh hi. Topa in tua bang kamsangte kiangah,

Tedim Bible Revision 2017

⁵ Sum a pia zo mite kiangah thunuam gen a, a pia lo mite kiangah gal tuah ding a gen kamsangte in mite lam a khialsak uh hi. Topa in tua bang kamsangte kiangah,

Micah 3:5 Referans Kwoze

Jeremiah 6:14

Amaute in ka mite’ thuaknate thupisim sak lo uh a, hoihna om keei lopi, ‘Hoih hi, hoih hi,’ ci mawkmawk uh hi.

Jeremiah 23:32

En un, Topa in kong gen-inah, ka sawl lohpi zuau mang manin tua thu hilh a, a zuauthu uh leh a kiphatsakna uh tawh ka mite a makaih khialhpih mite’ lang khatah kei ka pang hi. Ka mite adingin, amaute a kiman’na uh themkha beek om lo hi, Topa in kong ci hi.

ROM (Romans) 16:18

Bang hang hiam na cih uh leh, eite Topa Khazih’ na sem loin amau gilpi na bek a sem uh a, kamsiam leh kamzol tawh a pha mite a kheem thei uh hi.

Mattiu 15:14

Tua mite amau ut bangin om sak un. Amau in mittaw lamhilhte ahi uh hi. Mittaw leh mittaw lam kihilh leh, a nih un leihawm sungah a kiakhawm ding uh hi,” a ci hi.

Mattiu 7:15

“A sungah hangsan ngia hi napi-in tuuvun silh a, no kiangah hong pai thuzuau hilhte na kingaihsun un.

Malakhi 2:8

Ahi zongin, no, siampite na hih uh leh lampi man panin na pial khin uh hi. Na thuhilhnate un mi tampi tak khialsak hi. Note tawh ka bawl thuciamna na palsat khin uh hi.

Micah 3:11

Khuapi ukte in sumgolh ngah nading bekin thu khenin, siampite in sum ngah nading bekin thu gen uh a, kamsangte in zong sum ngah theih nading bek mahin, mailam thu genkhol uh hi. Tua bang hi napi-in amaute in Topa, muan’in nei uh a, “Topa in eite hong ompih a, i tungah siatna hong tung lo ding hi,” ci uh hi.

Micah 2:11

Zuau genin khemna tawh thu gen kawikawi a, “Note adingin leenggahzu leh kham theih zu tampi tak hong om ding hi,” a hong ci kamsangte pawl note’ deih kamsangte ahi hi.

Jeremiah 23:27

A pute a pate in kei’ min hong mangngilh in Baal a biak uh bangin a mangmat uh a gen kawikawina uh tawh ka mite in ka min hong mangngilh ding uh hi, ci-in a ngaihsun uh hi.

Isaiah 3:12

Keima mite ahih leh—khangnote in bawlsia uh a, numeite in zong uk uh hi. Ka mite aw, na makaite un note lam hong lak khial a, note’ lampi zuih pen hong siasak hi.

Joel 3:9

Minamte tungah hih bangin thuzaksakna bawl in: Gal hang mite sam un la, gal do dingin kithawi un la, galkap khempeuh khawmin hong kuan un!

Paunak 28:21

Mi langbawlna hoih lo a, ahi zongin letsong neucik khat hangin thukhente gamta khial thei zel hi.

Jeremiah 6:4

Amau in, “Jerusalem khua sim dingin kisa un. Tho un, sun ciangin i sim ding hi,” a ci ding uh hi. Ahih hangin amau mah in, “Citciat aw, zekai lua hang! Ni tum dektak-a i liimte sau keei ta hi.

Kah la 2:14

Na kamsangte un zuau thu longal thudang gen ding nei lo uh a, a thu hilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lak khial uh a, kisikkik theih na’ng hun a hong pia kei uh hi.

Ezekiel 13:9

Zuau thu tawh maangmu kineihin, mite a khialh theih nadingin zuau thu a gen khol no kamsangte daan a hong pia ding ka hi ta hi, Ka mite a kikhop uh ciangin tuate lakah na kihel kei ding uh a, Israel mite’ min a kigelhna lakah note’ min kigelh lo ding hi. Na gam uhah na ciahkik ngei kei ding uh hi. Tua ciangin Topa Pasian ka hihna thu na thei ding uh hi.

Hosea 4:5

Na nasepnate uh a sun a zan cih om loin, a kiman’na mel om lo hi; kamsangte zong note bangmah hi lel hi. Na nu uh Israel ka susia ding hi.