Micah 3:4 - Tedim Bible

⁴ Topa tungah huhna ngenin na kiko hun uh hong tung ding a, ahi zongin amah in note hong dawng lo ding hi. Note gamtatsia na hih manun, na ngetna uh hong ngai lo ding hi.

Tedim Bible Revision 2017

⁴ Topaʼ tungah huhna ngenin na kiko hun uh hong tung dinga, ahi zongin amah in note hong dawng lo ding hi. Note gamtat sia na hih manun, na ngetna uh hong ngai lo ding hi.

Micah 3:4 Referans Kwoze

Isaiah 1:15

Thu ngenin na khutte uh nong zaak uh ciangin note kiang pan ka mai ka seel ding a, thu tampi na nget uh hangin, ke’n ka ngai tuan kei ding hi; bang hang hiam cih leh note’ khut in sisan tawh kidim hi.

Paunak 1:28

Tua bang hun ciangin kei nong sam ding uh a, ahi zongin kong dawng kei ding hi. Lim takin kei nong zong ding uh a, ahi zongin koi mah-ah nong mu kei ding uh hi.

Ezekiel 8:18

Tua ahih manin amaute in ka heh mahmahna thuak ding uh a, amaute ka zah kei ding a, zong ka khasiat kei ding hi. Amaute in a tha neih tawpun kei tungah thu hong nget uh hangin amaute’ thungetna ka ngai kei ding hi,” hong ci hi.

Late 18:41

Huh ding ngenin amaute kiko uh a, ahih hangin a hon ding kuamah om lo hi; amaute in Topa tungah ko uh a, ahih hangin amah in dawng lo hi.

Jeim 2:13

Bang hang hiam na cih uh leh, hehpihna a nei lo mi in, hehpihna ngah loin thukhenna a thuak ding hi. Hehpihna in thukhenna zoin a kisathei thei hi.

Mattiu 7:22

Tua Ni ciangin, ‘Topa, Topa, kote in nangma min tawh Pasian thu hilh hilo ka hi uh hiam? Nangma min tawh dawite hawlkhia hilo ka hi uh hiam? Nangma min tawh nalamdang tampi hih hilo ka hi uh hiam?’ ci-in mi tampite in hong gen ding uh hi.

Isaiah 3:11

Mi gilo in gimna ngah ta hen! Ama khut in a hihsate ama tung mah ah kithukkik ding ahih manin ama tungah thu sia ding hi.

Johan 9:31

Pasian in mawhneite’ thu ngai lo hi ci-in eite i thei hi. Pasian zahtaka ama deihna a zui mite thu Pasian in a ngai hi.

Luka 13:25

Inn neipa tho a, kongkhak a khak khit ciangin, inn pua lamah ding-in kong na kiu uh a, ‘Topa aw, kong hong hon’ in,’ na cih uh hangin topa in, ‘Note kuami na hi uh hiam ke’n kong thei kei hi,’ hong ci ding hi.

Zekhariah 7:13

Amaute ka hopih ciangin hong ngai nuam lo uh hi; kei zong amaute’ hong thungetna ka ngai kei ding hi, Topa in ci hi.

Jeremiah 33:5

Ka hehna leh ka thangpaihna tawh ka thahlup ding misi luangte tawh a kidimsak dingin Khaldea mite in a hong sim ding uh hi. Bang hang hiam cih leh hih khuapi sunga om mite’ gitlohna hangin hih khuapi panin ka mai ka seel hi.

Jeremiah 5:31

Kamsangte in thuman gen lo uh a, siampite in amau’ ut bangun a uk uh hi; ka mite in phamawh a sa kei sawnsawn uh hi, a tawpna hun hong tun’ ciangin bang na cih ding uh hiam?

Paunak 28:9

Mi khat in thukham a zuih nop kei leh, ama thungetna nangawn Pasian in zak thadahhuai sa hi.

1 SAMUEL MASA 8:18

Tua ni ciangin note’ ading na teelsa uh na kumpipa uh hangin note na kiko ding uh hi; ahih hangin tua ni ciangin Topa in note hong dawng lo ding hi,” a ci hi.

JOB (Job) 27:9

Lungkhamna a thuak uh ciangin, Pasian in amau’ kikona aw ngai ding ahi hiam?

JOB (Job) 35:13

Ngetnget, gengen a phattuamna bangmah om lo hi. Vanglian Pasian in na mu lo, na ngai lo hi.

Jeremiah 11:11

Tua ahih ciangin Topa in kong cih-inah, en un, a suahtak theih loh uh gimna amau’ tungah ka tungsak ding a, kei kiangah a hong kap liang uh zongin ka dawng nawn kei ding hi.

Jeremiah 14:12

An a tan’ uh hangin amau’ thuumna ka ngai kei ding a, meihal biakna leh an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.

Micah 3:7

Kamsanngte in maizumna thuak ding uh a, thu-mu theite in zumna thuak ding uh hi; amaute in a muk uh hum ding uh hi, bang hang hiam cih leh Pasian’ dawnna om lo hi.

Micah 7:13

Ahi zongin a tunga teeng mite’ gitlohna hangin, leitung in sehnel gamkhing suak ding hi.