Micah 3:2 - Tedim Bible

² thuhoih deih loin thusia na deih zawsop uh hi. Note in mite vun na hing hawkkhiat uh a, a guh uh na hing kheuh uh hi.

Tedim Bible Revision 2017

² thuhoih deih loin thusia na deih zawsop uh hi. Note in miteʼ vun na hing hawkkhiat uh a, a guh uh na hing kheuh uh hi.

Micah 3:2 Referans Kwoze

Ezekiel 22:27

A kumpi uliante uh pen a samatsa uh a bal gawpgawp ngia hon tawh kibang hi. Sum ngah theihna dingin mi that uh hi.

Paunak 28:4

Thukham zui lo mite in migilote pakta uh a, thukham zui mite ahih leh migilote tawh kilemlo uh hi.

Late 53:4

Pasian’ tungah thu a ngen lo, an nek bang-a ka mite a netum, siatna a bawlte in thu teltheihna nei lo ahi hiam?

ROM (Romans) 12:9

Simtat loin itna lungsim om ta hen. Gitlohna mudahin gamtat hoih beel un.

Isaiah 3:15

Ka mite sucip-in, mi zawngte na gawina uh, bang na cih nopna uh ahi hiam? Vanglianpen Topa Pasian in ci hi.

2 KHANG TANGTHU NIHNATE 19:2

Ahih hangin amah dawn dingin thu-mupa Hanani’ tapa Jehu hong paikhia a, Kumpi Jehoshafat kiangah, “Migilote huhin Topa a mudahte it ding na hi hiam? Hih thu hangin Topa’ hehna nang tungah hong tung zo hi.

1 KUMPI MASATE 21:20

Ahab in Elijah kiangah, “Ka galpa aw, kei hong mu na hi hiam?” a ci hi. Amah in dawngin, “Topa muhna ah a sia gamta dingin nangmah kipia tawm na hih manin nangmah kong mu hi.

2 TIMOTI NIHNA 3:3

ngeina bang itna a nei lo mi, kitotna lungsim nei mi, mi a gendai thei mi, a pumpi kikem zo lo mi, a hangsan mi, a hoih lam a deih lo mi,

ROM (Romans) 1:32

Tua bang gamtate in sihna daan a thuak ding uh ci-in Pasian’ thukham thei napi-in, amaute in ahih uh tham loin, tua bang ahih mite a awi uh hi.

Johan 18:40

Amaute in, “Hih mi khah ding ka deih kei uh hi; Barabbas na khah ding ka deih uh hi,” ci-in nakpi-in kiko kikin a ngen uh hi. Barabbas in misuampa ahi hi.

Johan 7:7

Leitung mite in no hong mudah thei kei uh hi. Kei hong mudah uh hi. Bang hang hiam na cih uh leh, amau’ gamtatna a hoih kei ci-in teci ka pang hi.

Luka 19:14

A gam mite in amah mudah uh a, ‘Hih mi in eite kumpi dingin ka deih kei uh hi,’ ci-in ama kiangah mi a sawl uh hi.

Zefaniah 3:3

A uliante, a hawk thei humpinelkai gilkial bang a, a thukhente, keivom gilkial bang uh hi. Zing khuavak mateng a saguh nek a nusia nuam lo, a huaiham gamsate tawh kibang uh hi.

Ezekiel 34:3

Tuu nawi ne-in, tuumul silhin, tuu thaute goin a sa na ne uh a, ahi zongin tuute na vak kei uh hi.

Late 15:4

a mit in ginalote thusim lo a, ahi zongin Topa a zahtakte a pahtawi mi; ama nat nading nangawn-ah a ciampel lo mi,

Isaiah 57:12

Na gamtatna a manin na ngaihsun hi. Ahih hangin na gamtatnate ka pholak ding a, na milimte in nang hong huh zo lo ding hi.

Ezekiel 11:7

Tua ahih ciangin Topa Pasian ahi keimah in note kiangah kong gen thu in: Hih beel tawh kibang hi, na cih uh man hi. Beel sunga om sa pen na thahsa uh misi luanghawmte ahi hi. Ahi zongin note ahih leh khuapi sung panin kong lawnkhia ding hi.

Ezekiel 24:4

Sa a phei, a liang, a limcipente khah in la, a guh limcite tawh zong dimsak in.

Micah 2:8

Ahi zongin Topa in hih bangin hong ci hi: Note in ka mite’ gal na suak uh a, gal sung panin a hong ciahkik, lungmuanga a om mite’ puantualpi ngahte na sut uh hi.

Micah 7:2

Leitungah mihoih teng bei khin ta a, Pasian tungah a thuman mi kuamah om nawn lo hi. Mi khempeuh in mi thah ding bek ngaihsun uh a, a kuamah peuh in a sanggampa ngen tawh beng hi.

Micah 7:3

A sia lam-a gamtat ding siam mahmah uh a, uliante leh thukhente in sumgolh ngenin, mi liante in amau’ deih teng pulak uh a, kipawlin vaihawm khawm uh hi.

Isaiah 5:20

A phate sia ci-in, a siate pha ci a, khuavak dingin khuamial koihin, khuamial dingin khuavak koih a, a khum dingin a kha koihin, a kha dingin a khum a koihte in gimna ngah ta hen!

Amos 4:1

Bashan gam bawngpite bangin a thau mahmah, mi zawngte nengniamin, mi cimawhte a sugawp, na pasalte uh kiangah, “Ka dawn ding bang khat peuh hong puak in,” ci-in a vaikhak no Samaria numeite aw, hih thu lim takin ngai un:

Amos 5:15

Thusia mudahin thupha deih un la, thukhen zumah a manin thu khen un. Tua hi leh, Josef minam a suakta sunte tungah, Topa, mihonpite’ Pasian hong thunuam kha thei ding hi.