Micah 3:11 - Tedim Bible

¹¹ Khuapi ukte in sumgolh ngah nading bekin thu khenin, siampite in sum ngah nading bekin thu gen uh a, kamsangte in zong sum ngah theih nading bek mahin, mailam thu genkhol uh hi. Tua bang hi napi-in amaute in Topa, muan’in nei uh a, “Topa in eite hong ompih a, i tungah siatna hong tung lo ding hi,” ci uh hi.

Tedim Bible Revision 2017

¹¹ Khuapi ukte in sumgolh ngah theih nading ngaihsutna bek tawh thu khen a, siampite in sum ngah theih nading ngaihsutna bek tawh thu gen a, kamsangte in zong sum ngah theih nading ngaihsutna bek mah tawh mailam thu gen khol uh hi. Tua bang hi napi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Micah 3:11 Referans Kwoze

Jeremiah 6:13

Bang hang hiam cih leh a neupen pan a lianpen dongin, thuman lopi tawh sum zongin a huaiham uh hi. Kamsangte-a kipan siampite dongin thuman lo khin uh hi.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh leh letsong deih uh hi. Amaute in pa nei lote pan’pih lo uh a, meigongnu’ thu amaute in sang lo uh hi.

Micah 3:5

Sum a pia zo mite kiangah thunuam gen a, a pia lo mite kiangah, gal tuah ding a gen, kamsangte in mite lam khialsak uh hi. Topa in tua bang kamsangte kiangah,

Jeremiah 7:4

‘Hih in Topa’ biakinn ahi hi, Topa’ biakinn ahi hi, Topa’ biakinn ahi hi,’ a kicici zuauthute um kei un.

1 PETER MASA 5:2

Note lakah a om Pasian’ tuu honte cin’ nading thu panin, zawhthawhna tawh cing loin, a siangtho lo sum hauh nading hi loin, hehpihna lungsim tawh,

Titu 1:11

Tua mite kam kihu cip ding hi. Bang hang hiam na cih leh, amaute in sum siangtho lo hangin ahilh tuak lo thu hilhin, innkuanpih khempeuh lumlet thei uh hi.

Micah 7:3

A sia lam-a gamtat ding siam mahmah uh a, uliante leh thukhente in sumgolh ngenin, mi liante in amau’ deih teng pulak uh a, kipawlin vaihawm khawm uh hi.

Isaiah 48:2

Note tua bang hi napi-in, khuapi siangtho sunga a teeng mite hi a, Israel Pasian i muang hi. Ama min in vanglian Topa ahi hi, ci-in na kisathei zaw lai uh hi.

Jeremiah 8:10

Tua ahih manin a zite uh midangte ka piaksak ding a, a lote uh zong midangte ka luahsak ding hi. Bang hang hiam cih leh a neupen pan a lianpen dongin thuman lopi tawh sum zongin a huaiham uh hi. Kamsangte akipan siampite dongin thuman lo khin uh hi.

1 SAMUEL MASA 8:3

Ahih hangin a tapate amah bangin gamta lo uh a, meetna lamah kihei uh hi; amaute in sumgolh la-in thuman heikhia uh hi.

Gamlak-vakna 16:15

Moses heh mahmah a, Topa kiangah, “Amau’ biakna thupi ngaihsut kei in. Amaute tung panin la khat zong la loin, amaute khat zong ka siasak kei hi,” a ci hi.

Juda 1:11

Amaute in gimna a thuak ding uh hi. Bang hang hiam na cih uh leh, amaute in Kain’ lampi zui-in thaman ngah dingin Balaam’ mawhna a manlangin zui-in a delh uh a, Korah’ lehdona bangin a kisia uh hi.

1 TIMOTI MASA 3:3

Tua pa in zu ne loin, midang a sat a vua mi hi loin, a lungduai mi, thusia lamah a kiseel hat lo mi, sum a duh lo mi ahi ding hi.

Amos 9:10

Keima mite sung panin, “I tungah siatna hong tung ngei lo ding hi,” a ci mawh neite khempeuh, gal sungah si ding uh hi.

Hosea 4:18

Amaute, zukham honpi hi uh a, nu-le-pa mawhna bawlbawl uh hi. Min phat ding sangin min siat ding ut zaw uh hi.

Isaiah 56:11

Uite in nakpi takin duhna lian nei uh a, amaute in kham hun cih nei ngei lo uh hi. Tuucingte in zong thu theihna nei lo uh hi; amaute khempeuh amau tum ciatin gamta uh a, a vekpi-un amaute’ ngah nading lam lam ciatah kihei uh hi.

Mattiu 3:9

‘Abraham ka pa uh,’ ci-in na lungsim sung uhah lungngai kei un. Ke’n kong cih-inah, Pasian in hih suangte zong Abraham’ tate a suaksak thei hi.

Malakhi 1:10

Vanglianpen Topa in, “Ka biakna tau tungah, bangmah-a a kimang lo mei na tawh mawkmawk theih loh nadingun, note khatpeuh in biakinn kongkhakte khak le uh cin ka ut hi. Note tungah ka lungkim kei a, nong puak uh biak piaknate kong sang kei ding hi.

Zefaniah 3:3

A uliante, a hawk thei humpinelkai gilkial bang a, a thukhente, keivom gilkial bang uh hi. Zing khuavak mateng a saguh nek a nusia nuam lo, a huaiham gamsate tawh kibang uh hi.

Ezekiel 22:27

A kumpi uliante uh pen a samatsa uh a bal gawpgawp ngia hon tawh kibang hi. Sum ngah theihna dingin mi that uh hi.

Ezekiel 22:12

Pawlkhat in sum deih manin mi that uh hi. Pawl khatte in a Israel mipih sum leitawi late tungah nuamtak sa-in a met lakna tawh hauh lawh uh hi. Amaute in kei hong mangngilh uh hi, Topa Pasian in ci hi.

Paunak 17:23

A ginalo thukhente in sumgolh sang sim uh a, a thukhenna uh ah thuman om nawn lo hi.

Isaiah 5:23

mimawhte sumgolh tawh khah a, midikte a mawhsakte in gimna ngah ta hen!

Jeremiah 23:17

Keimah Topa’ thu genna a hong ngai lo mite kiangah, hong hoih na ve, ci-in a gen tawntung uh hi. Amau’ lungsim’ deihna bang ciat bek a zui tentan mi khempeuhte kiangah zong, gimna hong tung zenzen lo ding hi, ci-in a gen uh hi,” a ci hi.

Jeremiah 26:7

Siampite, kamsangte leh mi khempeuh in Topa’ biakinnpi sunga Jeremiah in hih thu a gen teng a za uh hi.

Ezekiel 34:2

“Ezekiel aw, keima tuuhon ahi Israel mite a cingte mawhsakna thu gen in. Amaute kiangah thu gen khol in la, Topa Pasian ahi keima thugen, amaute kiangah hih bangin gen in: Israel mi a cing note aw, gimna na thuak ding uh hi. Nomau mahmah na kivak uh a, tuute na don kei uh hi.

Hosea 4:8

Ka mite’ mawhna hangin amaute in hauh lawh uh a, ka mite a mawh semsem uh ut uh hi.

Amos 5:14

Note na nuntak theih nadingun, siatna gamta loin, thuman-a gamtat ding hanciam un. Tua hi leh na gensa uh mah bangin, Topa, mihonpite’ Pasian in note hong ompih ding hi.

Malakhi 2:9

Tua ahih manin, note in ka thuhilhna zui loin, keima thu na hilh uh ciangin zong a kibangin hilh loin mi na deidan mah bangun, kei zong, mi khempeuh mai-ah simmawhna leh niamkhiatna kong ngahsak hi,” a ci hi.

Gamlak-vakna 22:7

Tua ahih ciangin Moab upate leh Midian upate aisaan man ding tawh kuan khia uh hi; Balaam kiangah amaute pai uh a, Balak’ thu ama kiangah sung uh hi.

Jeremiah 5:12

Amaute in Topa hong nial uh a, ‘Amah in bangmah hih lo ding hi; i tungah siatna hong tung lo ding a, gal ahi zongin kial ahi zongin i thuak kei ding hi.

Zefaniah 3:4

A kamsangte kihisak uh a, kamsang citak hi lo uh hi. A siampite in a siangtho nate ninsak a, amau’ angsung ding bek khualna-in Pasian’ thukham lehhei uh hi.