Micah 3:1 - Tedim Bible

¹ Israel a uk makaite aw, hih thu ngai un. Note in thutang thuman a deih dinga kilawm hi napi-in,

Tedim Bible Revision 2017

¹ Israel a uk makaite aw, hih thu ngai un: Note in thutang thuman a deih dingin a kilawm hi napi-in,

Micah 3:1 Referans Kwoze

Hosea 5:1

No siampite aw, hih thu ngai un! No Israel mite aw, thu don un. Kumpipa’ innkuante aw, Ngai un! Note in midangte tungah thu a khen ding hi napi-in, note tungah thukhenna hong tung ding hi. Bang hang hiam cih leh note in mite’ awk nadingin Mizpah mual-ah thang na hi uh a, mite’ awk nadingin Tabor mual-ah ngen thang na hi uh hi.

Isaiah 1:10

Sodom a uk mangte aw, Topa’ thu za un! No Gomorrah mite aw, i Pasian’ hilhna ngai un!

1 KORIN MASA 6:5

Tua bang ka cih inah, note zum nadingin kong ci hi. A ute a naute thu khensak thei ding note lakah lungpil nei mi khat beek om lo ahi hiam?

Amos 4:1

Bashan gam bawngpite bangin a thau mahmah, mi zawngte nengniamin, mi cimawhte a sugawp, na pasalte uh kiangah, “Ka dawn ding bang khat peuh hong puak in,” ci-in a vaikhak no Samaria numeite aw, hih thu lim takin ngai un:

Late 14:4

Topa’ tunga a ngen lo, an nek bang a ka mite a netum, siatna a bawlte in theihna nei lo ahi hiam?

Thu-hilhkikna 16:18

“Na minam uh tawh kizui-in Topa na Pasian un note hong piakna khuate ah thukhente leh uliante na koih ding uh hi; amaute in a man thukhenna tawh mite thukhen ding uh hi.

Ezekiel 9:9

Tua ciangin amah in hong dawng a, “Israel mite leh Judah mite’ mawhna nak liat mahmah hi. Gam sung khempeuh mi thahna tawh kidimsak uh a, Jerusalem khuapi, siatna namkim tawh kidimsak uh hi. Amaute in, ‘Topa in i gam susia khin a, Topa in eite hong mu lo hi,’ ci uh hi.

Ezekiel 34:2

“Ezekiel aw, keima tuuhon ahi Israel mite a cingte mawhsakna thu gen in. Amaute kiangah thu gen khol in la, Topa Pasian ahi keima thugen, amaute kiangah hih bangin gen in: Israel mi a cing note aw, gimna na thuak ding uh hi. Nomau mahmah na kivak uh a, tuute na don kei uh hi.

Micah 2:13

Pasian in lampi hong hon’sakin, na maiah hong paikhiatpih ding hi, Salsuahna khuapi kulh kongpi panin paikhia-in na suakta ding uh hi. Kumpi ahi Topa mahmah in hong makaih ding hi.

Nehemiah 13:17

Tua ciangin Judah uliante tungah ka lungkim kei a, amaute kiangah, “Bang hangin hih bangin hoih lohna gamta-in, sabbath ni ninsak ngam na hi uh hiam?

Ezekiel 22:6

Na sunga om Israel ulian khempeuh in amau’ thatang muang uh a, mi that uh hi.

Ezekiel 34:3

Tuu nawi ne-in, tuumul silhin, tuu thaute goin a sa na ne uh a, ahi zongin tuute na vak kei uh hi.

Amos 6:1

Israel minamte in muan-a hong neih, minam laka ulian ahi, Zion-ah nuntak nuama a om hithiat, Samaria-ah lungmuang taka a om note’ adingin, zumhuai mahmah hi.