Micah 2:7 - Tedim Bible

⁷ Israel mite aw, “Topa a lungtom ta a, hihte, ama hong bawlna mah ahi hiam?” na cih ding uh kilawm lo hi. Ka thugenna kammalte in a thuman mite adingin a hoih hilo ahi hiam?

Tedim Bible Revision 2017

⁷ Israel mite aw, “Topa a lung tom ta a, hihte khempeuh, ama hong bawl mah ahi hiam?” na cih ding uh kilawm lo hi. Ka thugenna kammalte, a thuman mite adingin a hoih hi lo ahi hiam?

Micah 2:7 Referans Kwoze

Late 84:11

Bang hang hiam cih leh Topa Pasian in eite hong hupa leh a minthang i Kumpi hi a, maipha leh pahtawina hong pia hi. Thuman-a gamtate tungah Topa in na hoih bangmah siit lo hi.

Jeremiah 15:16

Na thute in kei hong kem a, an bangin ka ne hi. Na thute kei adingin kipahna leh lungdamna ahi hi. Bang hang hiam cih leh nangma’ min-in kei hong kilo hi, Aw, Topa, a vanglian Pasian aw,

Late 15:2

Paubang loin gamta-in, a manin na sem a, lungsim tak a gen mi,

Zekhariah 4:6

Tua ciangin vantungmi in kei kiangah, “Topa in Zerubbabel’ tungah hih bangin thu gen hi; Thagum hat hang hi lo, vangliatna hang zong hi lo, keima tung panin na ngah Kha hang bek tawh na ma na tun’ zo ding hi.

Hosea 14:9

Mipil, thu ngaihsun theite in hih thute thei telin lim takin ciamteh ta hen. Topa’ lampi tang mahmah a, thutang mite in tua lampi tawn uh hi. Mawhneite in tua lampi tawn lo uh ahih manin puk uh hi.

Isaiah 50:2

Bang hangin, kong pai ciangin mi khat zong om lo ahi hiam? Kong sap ciangin hong dawng ding khat zong om lo ahi hiam? Hong hon zo lo zah dingin ka khut tom lua ahi hiam? Tua ahih kei leh note khahkhiatna ding thahatna nei lo ka hi hiam? En un, keima taiina tawh tuipi ka keusak a, gunte pen sehnel gam ka suaksak hi; tui om loh manin a ngasate uih a, dangtakin si uh hi.

Paunak 28:18

Thuman-a gamta mite lung muangin om ding uh a, a zuautat mite ahih leh puk ding uh hi.

Paunak 10:29

Topa in midikte hu a, migilote susia hi.

Paunak 10:9

Thuman mite lungnuamin om hithiat a, thuman lote kiman hi.

2 TIMOTI NIHNA 3:5

Pasian biakna puatham teng zui uh a, ahih hangin a vangliatna a nial mi ahi ding uh hi. Tua bang mite na peel in.

2 KORIN NIHNA 6:12

Kote-ah note in a kawcik na hi kei uh hi: ki-itna hehpihna-ah na kawcik uh hi.

ROM (Romans) 7:13

Tua bang ahih leh, a hoih a pha na in keima tungah sihna a suak ahi hiam? Tua bang hi zenzen lo hi. Mawhna in mawhna taktak ahihna a kilat nadingin a pha nate hangin keima sungah sihna thu a piangsak hi. Bang hang hiam na cih uh leh, mawhna in thukham hangin mawhna taktak a pian’ theih nading ahi hi.

Johan 8:39

Amaute in, “Ka pa uh Abraham ahi hi,” a ci uh hi. Zeisu in zong, “Note in Abraham’ suan na hih uh leh, Abraham gamtat bangin na gamta ding uh hi.

Mattiu 3:8

Mawhna kisik kikna tawh kilawm gah na gah un.

Micah 3:9

Ngai un! Israel a uk makaite aw, Note in thutang deih loin, thuman kimlai a khialin na hei uh hi.

Jeremiah 2:4

Jokob’ suan leh Israel innkuan khempeuhte aw, Topa’ kammal ngai dih un.

Isaiah 58:1

“Na aw sit loin nakpi takin kiko in la, peengkul aw bangin gingsak in; ka mihingte tungah amau khialhnate gen in la, Jakob innkuan tungah amau mawhnate gen in.

Paunak 14:2

Thuman-a gamta mite in Topa zahtak a, a sia-a gamta mite in simmawh hi.

Paunak 2:7

Pasian in thuman mite pilna guan a, midiktatte a hu hi.

Late 119:65

Topa aw, na thuciamna bangin na nasempa na limbawl hi.

Gamlak-vakna 11:23

Topa in Moses kiangah, “Topa’ hih theih ding zah kiciangtan sa na hi hiam? Ka thugen a manin hong tun’ leh hong tun’ loh tu-in na mu ding hi,” a ci hi.

Late 119:68

Nangmah na hoih a, a hoih nate na sem hi; na ngeina kipte kei hong hilh in.

Late 18:26

A siangtho mi tungah na siangtho gamtat a, thukawi mite na galbawl hi.