Micah 2:4 - Tedim Bible

⁴ Tua bang hun hong tun’ ciangin, mite in note’ gim ngahna thu gentehna-in zangin, dah la phuakin sa ding uh a, “Eite i sia khin taktak hi. Topa in i gam hong laksak a, ei hong mante tungah hong piaksak hi,” ci ding uh hi.

Tedim Bible Revision 2017

⁴ Tua bang hun hong tun ciangin mite in noteʼ gim ngahna thugentehna-in zangin, dah la phuakin sa ding uh a, “Eite i sia khin taktak hi. Topa in i gam hong laksak a, ei a hong mante tungah hong piaksak hi,” ci ding uh hi.

Micah 2:4 Referans Kwoze

Habakkuk 2:6

A zawhna gam mite in amau a zo mite simmawh bawlin, “No aa a hilopi kim lai no’ aa dingin na la uh hi; ahi zongin tu-in gimna na thuak ding uh hi. Note tungah lei hong bate khem bawlin bang tan vei na hauhna uh behlap nuam lai na hi uh hiam?” ci ding uh hi.

Micah 1:15

Mareshah khuamite aw, note a hong zo dingpa ka hong paisak ding hi. Topa in ci hi. Adullam leihawm sungah Israel kumpipa bu ding hi.

Jeremiah 9:10

“Mualte adingin kap-in tau un la, gamlak lo nona munte adingin thuum un. Bang hang hiam cih leh tuate keu gawp a, kuamah pai nawn lo hi, bawng ham zong kiza nawn lo hi; van-a leeng vasate leh gamsate a taimang ta uh hi.

Isaiah 24:3

Leitung kihawmsuak sakin kisiacip ding hi; bang hang hiam cih leh Topa in hih thu genkhin zo hi.

Isaiah 6:11

Tua ciangin keimah in “Topa aw, bang tanvei sawt ding ahi hiam?” ka ci hi. Amah in, khuapite-ah a teeng kuamah om loin hawm suakin, innte ah kuamah om loin kinusia a, leitang pen gamkhing suak kiuhkeuhin,

Thu-hilhkikna 28:29

mittaw in khuamial lakah khua a zawt bangin sun-in khua na zawt ding uh a, na hihnate uhah na mavang kei ding uh hi; note hong kinengniamin na nate uh hong kisut niloh ding a, note hong huh ding kuamah om lo ding hi.

Gamlak-vakna 23:7

Balaam in a thugen ding teng genin, “Aram panin Balak in kei hong paipih hi, nisuahna mualte panin Moab kumpipa in hong paipih hi; ‘Hong pai in, Jakob mite hong samsiat sak in, hong pai in, Israel mite mawhsak in! hong ci hi.

Marka 12:12

Amaute in amah mat nading a zon’ uh hangin mihonpi a kihta uh hi. Bang hang hiam i cih leh, amau a cihna a gen ahih lam a thei uh hi. Tua lai takin amah nusia-in a paikhia uh hi.

Zefaniah 1:2

Topa in hih bangin thu gen a, “Leitunga om na khempeuh ka susia ding hi.

Micah 2:10

Tu-in ding un la paikhia un. Na khialhna hangun a lauhuai suksiatna tuak ding na hih manun, hih lai mun in note adingin tawlngakna mun hi lo hi.

Amos 5:17

Note daan pia dingin hong pai ding ka hih manin, leenggui lo khempeuh ah kahna aw ging ding hi, Topa in ci hi.

Amos 5:1

Israel mite aw, kap kawm-a kong thugenna, lim takin na ngai un:

Joel 1:13

Siampite aw, puanhampi silhin kap un la, biakna tau-a nasemte aw, thum un. Ka Pasian’ na a semte aw, biakinn sungah tum un la, zan thapai-in dahna lim puanhampi silh un. Note’ Pasian’ inn sungah piak ding, an leh leenggahzu om nawn lo hi.

Joel 1:8

Nungak khat, a ten’pih ding a lawmpa in a sihsan ciangin puanhampi silh a, a kah bangin, note zong kapin thuum un.

Ezekiel 16:44

Topa in, “Jerusalem aw, ‘Tanu in a nu sun,’ cih paunak pen mite in nang tungah hong zang ding uh hi.

Ezekiel 2:10

Tua ciangin tua khut in tua lai kizial hong phel a, a lang nih tuakah lai kigelhin, dahna kahna thu leh thuumna tauna thute vive a kigelh ka mu hi.

Jeremiah 14:18

Lo lai-ah paikhia leng, namsau-a kithat lumte bekbek ka mu a, khuapi sungah lut leng, kial-a puksite bekbek ka mu hi! Kamsangte leh siampite in koi-ah pai ding cih thei lo pi-in gam sungah an ngenin a vak kawikawi uh hi,’ ci-in va gen in.”

Jeremiah 4:13

En un, i galpa meii bangin hong pai a, a sakol leengte pingpei tawh kibangin, a sakolte muvanlaite sangin manlang zaw hi. Gimna i thuak ding hi, bang hang hiam cih leh gallel ding i hi ta hi.

Isaiah 14:4

Babilon kumpipa’ tungah hih zahkona kam na zang ding uh hi; “A nengniampa koi ci bei! a hehna koi ci khawl!

JOB (Job) 27:1

Tua ciangin Job in thu gen kik a,

2 KHANG TANGTHU NIHNATE 35:25

Jeremiah in zong Josiah hangin kah la phuak hi; pasal lasate leh numei lasate khempeuh in tu ni dongin amau’ kahna ah Josiah tamlawh uh hi. Amaute in Israel sungah hih thu biakna ngeina kipin bawl uh hi; en in, Kah La sungah tuate kikhum hi.

2 SAMUEL NIHNA 1:17

Tua ciangin Saul leh a tapa Jonathan’ hangin hih kahla tawh David kap a,

Gamlak-vakna 24:15

Amah in a thugen ding teng genin, “Beor’ tapa Balaam’ thugen, a mit in khua a mu thei mipa’ thugen,

Gamlak-vakna 24:3

amah in a thugen ding teng genin, “Beor’ tapa Balaam’ thugen, a mit in khua a mu thei mipa’ thugen,

Gamlak-vakna 23:18

Balaam in a thugen ding teng genin, “Balak aw, tho in la, za in; Zippor’ tapa aw, ka thu ngai in:

Jeremiah 6:12

A innte uh midang in luah ding a, a lote leh a zite uh a taan ding uh hi. Bang hang hiam cih leh Topa in kong cih-inah, hih mite’ lang khatah ka khut zan-in daan ka tat ding hi.

Jeremiah 8:10

Tua ahih manin a zite uh midangte ka piaksak ding a, a lote uh zong midangte ka luahsak ding hi. Bang hang hiam cih leh a neupen pan a lianpen dongin thuman lopi tawh sum zongin a huaiham uh hi. Kamsangte akipan siampite dongin thuman lo khin uh hi.

Micah 1:8

Tua ahih manin kei kapin ka thuum ding a, ka dahna thu ka lah nadingin khe guak leh guaktangin ka vak ding hi. Gam-ui bangin ka ham ding a, kalaoh-vasa bangin ka tau ding hi.

Jeremiah 9:16

Amaute le a pute a pate’ theih ngei lohna gamdangah ka kithehthang sak ding a, a sih khit dong uh namsau ka nungdelh sak ding hi,” a ci hi.