Micah 2:10 - Tedim Bible

¹⁰ Tu-in ding un la paikhia un. Na khialhna hangun a lauhuai suksiatna tuak ding na hih manun, hih lai mun in note adingin tawlngakna mun hi lo hi.

Tedim Bible Revision 2017

¹⁰ Tu-in ding unla paikhia un. Na khialhna hangun a lauhuai suksiatna tuak ding na hih manun, hih lai mun pen note adingin mun nuam hi lo hi.

Micah 2:10 Referans Kwoze

Thu-hilhkikna 12:9

bang hang hiam cih leh Topa na Pasian un note hong piak tawlngakna leh luahna ah na tung nai kei uh hi.

Late 106:38

amaute in, Kanaan gam milimte a biakna-un, mawhna nei lo a tanute uh leh a tapate uh that uh a, hih mi thahna hangin gamsung a nin a suak hi.

Jeremiah 10:18

Bang hang hiam cih leh Topa in, “En un, tu-in hih gam sunga teeng mite ka lawnkhia ding a, a theih nadingun a tung uhah lungkhamna ka tungsak ding hi,” a ci hi.

Jeremiah 9:19

Bang hang hiam cih leh Zion khua pan-a kiza kahna aw ging in, ‘I kisia khin zo hi! I zumhuai mahmah khin zo hi; bang hang hiam cih leh amau in i innte hong suksiat sak uh ahih manin, i gam i nusia ding hi,’ ci-in a gen hi,” a ci hi.

Late 95:11

Tua ahih ciangin ka nopsakna mun-ah amaute a lut lo dingin sinso kawmin ka kiciam hi.

2 KHANG TANGTHU NIHNATE 7:20

note tungah kong piaksa leitang panin note kong botkhia ding hi; tua ciangin ka min dingin ka apsa hih inn ka muhna panin ka lawnkhia ding a, mi khempeuh lakah paunak leh gentehna ka suaksak ding hi.

2 KUMPI NIHNATE 17:6

Hoshea’ kum kua-na kumin Assiria kumpipa in Samaria la a, amah in Assiria ah Israel mite ciahpih a, Halah gam sung, leh Gozan gam a, gun om Habor, leh Media khuapite sungah amaute koih hi.

2 KUMPI NIHNATE 15:29

Israel kumpipa Pekah’ hun lai takin Assiria kumpipa Tiglath-pileser hong pai-in Ijon, Abelbethma-akah, Janoah, Kedesh, Hazor, Gilead, leh Galili, Naftali gam khempeuh la hi; amah in galmatin mite Assiria ah ciahpih hi.

1 KUMPI MASATE 9:7

amaute ka piaksa leitang panin Israel ka lakhia ding hi; tua ciangin ka min dingin ka apsa inn pen ka muhna panin ka lawnkhia ding hi; tua ciangin Israel in mi khempeuh lakah paunak leh thugentehna suak ding hi.

Thu-hilhkikna 30:18

tu ni-in note tungah hih thu kong gen hi, note na sia ding uh hi; Jordan kantanin note a lut ding leh a nei dingin na paina uh leitang tungah sau vei na nungta kei ding uh hi.

Thu-hilhkikna 4:26

Jordan gal khat luah dingin na paina leitang uhah na siat maimang baih nadingun note langkhatah teci pang dingin tu ni-in van leh lei ka sam hi; tua leitang tungah note sauvei na hing kei ding uh a, na sia maimang ding uh hi.

Jeremiah 3:2

Khuadak in la, mualsang dawnte en dih in! Hong kilup khoppih lohna mun koi lai takah om ahi hiam? Arab mite in a suam dingun gamlakah mi a ngak uh bangin nang in lam geiah tu-in luppih ding mi na ngak hi. Na paktatna leh na gitlohna tawh hih gam na ninsak zo hi.

Ezekiel 36:17

“Ezekiel aw, Israel mite amaute’ gamah a ten’ lai-un amaute’ gamtatna leh a sepnate uh tawh tua gam ninsak uh hi. Amaute’ gamtatnate pen numeite’ neih nin zahin a nin-in ka ngaihsun hi.

Ezekiel 36:19

Amaute’ nuntakna zia leh a gamtatnaziate uh tawh kizui-in amaute tungah thu ka khen a, gamdang mun citeng-ah amaute ka thehthang hi.