Micah 1:13 - Tedim Bible

¹³ Lakhish khua-a teeng mite aw, na sakol galkapte uh a leng bulh pak un. Note in Zion tanute’ khialhna teng zui kha na hih manun, Jerusalem zong a khialsakte na hi uh hi.

Tedim Bible Revision 2017

¹³ Lakhish khua ah a teeng mite aw, na sakol galkapte uh a leeng bulh pak un. Note in Israel-teʼ khialhna teng zui kha na hih manun, Jerusalem zong a khialsakte na hi uh hi.

Micah 1:13 Referans Kwoze

2 KUMPI NIHNATE 18:17

Tua ciangin Assiria kumpipa in Lakhish panin Kumpi Hezekiah kiang Jerusalem ah galkap hon lianpi khat tawh a galkapmang lian penpa, a innsung mang lianpenpa, leh a ulian khat a sawl hi. Amaute paito-in Jerusalem tung uh hi. Amaute a tun’ uh ciangin amaute hong pai-in puansawppa’ nasepna phual zuatna lampi a, om bual tungnung tuilakna gei-ah hong ding uh hi.

2 KHANG TANGTHU NIHNATE 32:9

Hih thu khit ciangin a galkap khempeuh tawh Lakhish a umcih, Assiria kumpipa Sennakherib in Judah kumpipa Hezekiah leh Jerusalem ah a om Judah mi khempeuh kiangah Jerusalem ah a nasemte sawlin,

Joshua 10:3

Tua ahih ciangin Jerusalem kumpipa Adonizedek in Hebron kumpipa Hoham kiang, Jarmuth kumpipa Piram kiang, Lakhish kumpipa Jafia kiang, leh Eglon kumpipa Debir kiangah kamtai sawlin,

Mangmuhna 2:20

Ahih hangin nang tungah gen ding thu ka nei hi. ‘Kamsang numei ka hi’ a ci Jezebel nang in na nial kei a, numei leh pasal khialhna gamtat nading ahi zongin, milim mai-ah biakna sa nek nading ahi zongin tua numei in ka silate hilhin a zol hi.

Mangmuhna 2:14

Ahih hangin nangma tungah gen ding neukha a om hi. Bang hang hiam na cih leh, milim mai-ah biakna sa nek ding ahi zongin, numei leh pasal tawh khialhna gamtat ding ahi zongin, Israel mipawlte mai-ah suih khak nading Barak a hilh Balaam’ thu hilhna a zui mi kimkhat nangma sungah a om hi.

Micah 1:5

Pasian tungah Israelte’ mawhna leh khialhna hangin hih thute khempeuh piang hi. Israelte’ khialhna kua ngawh ding i hi hiam? Samaria mite ngawh ding ahi hiam? Judah gam sungah milim bia-a khial kua ahi hiam? Jerusalem mite ahi hi.

Ezekiel 23:11

“A nau nu Oholibah in hih thu thei napi-in, a u nu Oholah sangin zong a sia zaw, a suk zaw-in paktat lai hi.

Jeremiah 4:29

Sakol tunga tuangte leh thal tawite’ aw a kizak ciangin mi khempeuh galtai mang uh a, gamlak-ah tai-in, suang lakah a kahto uh hi; khuapi khempeuh kinusia khin a, kuamah teeng nawn lo hi.

Jeremiah 3:8

A zulhzau Israel, midang tawh a khialhna hangin kimaakna lai pia-a ka hawlkhiat zong amah in a mu hi. Ahih hangin numei gina lo Judah lau tuanloin pai a, amah zong numei paktat khat mah a va suak veve hi.

Isaiah 37:8

Tua ciangin a galkap mangpa ciahkik a, Assiria kumpipa in Libnah khua a dona-ah va pai hi. Bang hang hiam cih leh kumpipa in Lakhish khua a nusiat khitna thu za zo ahih manin tua lai va zuan pah hi.

Isaiah 10:31

Madmenah khuamite taikhia a, Gebim khua-a teeng mite suakta dingin tai uh hi.

2 KHANG TANGTHU NIHNATE 11:9

Adoriam, Lakhish, Azekah,

2 KUMPI NIHNATE 8:18

Ahab’ tanu in ama zi ahih manin Ahab’ innkuante’ gamtatnasa, Israel kumpite’ lampi mah amah in tawn hi. Amah in Topa muhna ah a sia gamta hi.

1 KUMPI MASATE 16:31

Nebat’ tapa Jeroboam’ khialhnate zuih ding ama adingin a thu zang tawh a kibat mah bangin, amah in Sidon mite’ kumpi Ethba-al’ tanu Jezebel zi-in la a, pai-in Baal’ na semin bia hi.

1 KUMPI MASATE 14:16

Tua ciangin ama khialhna leh Israelte a khialhsakna ahi Jeroboam’ khialhna hangin amah in Israel nusia ding hi,” a ci hi.

Joshua 15:39

Lakhish, Bozkath, Eglon,

Paikhiatna 32:21

Moses in Aaron' kiangah, “Amaute' tungah khialhna lianpi khat na tun’pih nadingin hih mite in nang' tungah bang hong hih ahi uh hiam?” a ci hi.

Piancilna 19:17

Amaute in a paikhiatpih khit uh ciangin, “Na nuntak nadingin tai un; nunghei kei un la, kuam sungah zong khawl kei un; note hong kangtum kha ding ahih manin mual tungah tai to un,” ci uh hi.

1 KUMPI MASATE 4:28

Amau’ nasep ciat tawh kizui-in a kisapna munah sakolte leh sakol zaptelte’ adingin mangbuhham leh buhtu zong paipih uh hi.

2 KUMPI NIHNATE 14:19

Tua ciangin amaute in Jerusalem ah amah sawmsim uh a, amah zong Lakhish ah tai hi. Ahih hangin amaute in ama nung zui-in Lakhish ah mi sawl uh a, tua lai-ah amah that uh hi.

Isaiah 36:2

Lakhish khua panin Assiria kumpipa in Jerusalem khua a, Hezekiah Kumpipa a lut ding a gen dingin anuai-a ulian khat leh galkap honpi a sawl hi. Puansawppa’ nasepna phual zuatna lampi-a bual tungnung tui lampi gei-ah a ulianpa khawl hi.

JOB (Job) 39:10

Nangmah in khauhual tawh khih zo ding a, na lo-ah na lokhawhna leng kaisak zo ding na hi hiam?

Jeremiah 34:7

Tua laitakin Babilon kumpipa’ galkapte in Jerusalem khuapi leh Judah gama khuapi muanhuai lakah a om lai Lakhish khua leh Azekah khua tegel zong a sim laitak uh ahi hi.