Mattiu 9:4 - Tedim Bible

⁴ Zeisu in amau lungsim a theih ciangin, “Na sin sung uhah hoih lohna thu bang hangin ngaihsun na hi uh hiam?

Tedim Bible Revision 2017

⁴ Ahi zongin Jesu in amauteʼ ngaihsutna thei ahih manin, “Bang hangin a sia lamin ngaihsun na hi uh hiam?

Mattiu 9:4 Referans Kwoze

Luka 6:8

Ahih hangin Zeisu in amau’ sinsung ngaihsutna uh a theih ciangin, “Tho in la, a lai zangah ding in,” ci-in khut sipa kiangah a ci hi. Amah thoin a ding hi.

Mattiu 12:25

Zeisu in amau lungsim ngaihsutna a theih ciangin, “Gamsung mi kilem lo-a a kikhen gam khempeuh kisia ding hi. A mi kilem lo, a kikhen khua leh inn khempeuh zong a kip zo kei ding hi.

Mangmuhna 2:23

Ama tate zong ka that ding hi. Tua ahih ciangin keimah in lungsung sinsung a zong kawikawi thei Topa ka hih thu, pawlpi khempeuh in a thei ding uh hi. Note khempeuh zong na gamtatna uh tawh kituakin ka hong thukkik ding hi.

Johan 16:30

Na khempeuh na thei khin a, kuamah in nang hong dot nading thu a om kei hi ci-in tu-in ka thei uh hi. Tua ahih ciangin nangmah in Pasian’ kiang pan hong pai na hi ci-in ka um uh hi.” a ci uh hi.

Luka 11:17

Zeisu in amau lungsim ngaihsutna thei-in, “Gam sung mi kilem loin a kikhen gam khempeuh in kisia ding hi. Inn khat zong inn dang tawh kilem loin a kikhen leh, a puk ding hi.

Late 139:2

Nangmah in ka heksukna, ka hektohna khempeuh na thei hi; nangmah in ka ngaihsutnate gamlapi pek panin na thei hi.

Late 44:21

Pasian in hih thu mukhia lo ding ahi hiam? Bang hang hiam cih leh amah in lungsim thusim a thei hi.

Sawltak 5:9

Piter in, “Note in Topa’ Kha ze-et dingin bang hangin kilungtuak na hi uh hiam? En in! Na pasal vuite’ khe in kongkhak kiangah a om uh hi; nang zong a hong puakhia ding uh hi,” a ci hi.

Johan 16:19

Amaute in a dot nop uh Zeisu in a theih ciangin, “Tawlkhat khit ciangin note in kei nong mu nawn kei ding uh hi. Tawlkhat khit ciangin, note in kei nong mu kik ding uh hi ka cihna thu note na kidong tek uh hiam?

Johan 6:64

Ahih hangin note lakah a um lo mi kimkhat a om hi.

Johan 6:61

Ahih hangin Zeisu in tua thu hangin ah a nungzuite in a phunpihna thu a sin sungah a theih ciangin, “Hih thu in note hong puksak hiam?

Johan 21:17

Zeisu in, “Johan’ tapa Simon aw, kei na hong it hiam?” ci-in thumveina a dong hi. “Nang in kei na hong it hiam?” ci-in thumvei a dot man-inah Piter dah a, “Topa aw, nang in na khempeuh na thei a, ke’n nang kong it na thei hi,” a cih ciangin Zeisu in, “Ka tuute na vak in.

Luka 5:22

Zeisu in amaute ngaihsutna a theih ciangin, “Note in bang hangin na lungsim sung uh ah tua bangin ngaihsun na hi uh hiam?

Marka 12:15

Ka pia ding uh hiam, ka pia kei ding uh hiam?” ci-in a dong uh hi. Zeisu in amaute’ simtatna a theih ciangin, “Bang hangin kei hong ze-et na hi uh hiam? Denarias peek khat ka et dingin hong paipih un,” a ci hi.

Marka 2:8

Zeisu in amaute’ lungsim sung uh ah a ngaihsut uh a kha in a theih ciangin, “Note in bang hangin na lungsim sung uh ah hih thu ngaihsun na hi uh hiam?

Luka 7:40

Zeisu in zong, “Simon aw, nangma kiangah kong gen ding khat a om hi,” a cih ciangin amah in, “Sia aw, hong gen in,” a ci hi.

Ezekiel 38:10

“Topa Pasian ahi keimah in nang Gog tungah kong gen in ah: Tua hun ding hong tun’ ciangin na lungsim sungah gitloh gamtat ding ngaihsut na kipan ding hi.