Mattiu 9:34 - Tedim Bible

³⁴ Farisaite in, “Dawi mangpa suangin dawite a hawlkhia hi,” a ci uh hi.

Tedim Bible Revision 2017

³⁴ Ahi zongin Farisi mite in, “Dawimang lian pen pa min tawh hih bangin dawi a hawl khia ahi hi,” a ci uh hi.

Mattiu 9:34 Referans Kwoze

Luka 11:15

Mihonpite in lamdang a sa uh hi. Ahih hangin mi kimkhat in, “Amah in Beelzebub suangin dawite a hawlkhia hi,” a ci uh hi.

Marka 3:22

Jerusalem khuapi pan a hong paisuk laitheite in, “Hih pa in Beelzebub a nei hi. Dawimangpa suangin dawite a hawlkhia hi,” a ci uh hi.

Johan 3:20

A hoih lo-a gamta mi khempeuh in khuavak a mudah uh a; amau gamtatnate a kilat loh nadingin khuavakna-ah a pai kei uh hi.

Mattiu 10:25

A nungzuite in a siapa bangin, a silapa in a topa bangin ahih leh, a pha hi. Inn teekpa ‘Beelzebub’ a cih uh leh, a innkuanpihte tua sangin a ci nuam zaw sem ding uh hilo ahi hiam?”

Mattiu 11:18

Bang hang hiam na cih uh leh, Johan in an ne lo, tui dawn loin hong pai a, amaute in, ‘Hih pa in dawi lawm a nei hi,’ a ci uh hi.

Mattiu 12:22

Tua ciangin dawi lut a, mittaw, a pauthei lo mi khat Zeisu kiangah a paipih uh a, a damsak ciangin, tua pa in khua mu thei a, a pau thei pah hi.

Mattiu 12:27

Keimah in Beelzebub suangin dawite hawlkhia leng, na tate un kua suangin dawite hawlkhia ding ahi uh hiam? Tua ahih ciangin, amaute in note tungah thukhen dingte ahi uh hi.

Johan 7:20

Mihonpite in, “Nang dawilawm nei na hi hi. Nang thah dingin kua in hong zong ahi hiam?” a ci uh hi.