Mattiu 9:23 - Tedim Bible

²³ Zeisu in ukpa’ inn sungah a lut leh, tamngai tumte leh mihonpi gamlum a, om a muh ciangin,

Tedim Bible Revision 2017

²³ Jew mi ulian paʼ inn ah Jesu a tun ciangin tamngai tum mite le mihonpi a gamlum henhan a muh ciangin,

Mattiu 9:23 Referans Kwoze

2 KHANG TANGTHU NIHNATE 35:25

Jeremiah in zong Josiah hangin kah la phuak hi; pasal lasate leh numei lasate khempeuh in tu ni dongin amau’ kahna ah Josiah tamlawh uh hi. Amaute in Israel sungah hih thu biakna ngeina kipin bawl uh hi; en in, Kah La sungah tuate kikhum hi.

Sawltak 9:39

Piter tho a, amaute tawh paikhawm hi. A tun’ ciangin dei tungnung sungah a paipihto uh hi. Meigong khempeuh a kiangah a ding uh a, kapin, Dorkas in amaute tawh a omkhawm lai taka a bawlsa puan-akte leh puante a lak uh hi.

Luka 7:32

Sumbukah tu-a a om naupangte in khat leh khat kiko-inah, ‘Tamngai ka tum uh hangin, na laam kei uh hi. Ka thuum uh hangin na kap kei uh hi.’ A kici naupangte tawh kibang uh hi.

Mattiu 11:17

Sumbukah tu-a a om naupangte in a lawmte saminah, ‘Tamngai ka tum uh hangin na laam kei uh hi. Ka thuum uh hangin na kap kei uh hi,’ a kici naupangte tawh kibang hi.

Jeremiah 16:6

Hih gamah miliante leh mineute a si ding uh a, kivui loin, amau adingin kuamah kap loin, kuamah in a pumpi uh kui liam loin, a sam uh a met kei ding uh hi.

Ezekiel 24:17

Mite’ zak dingin zong na kidiik kei ding a, dahna limin lukhu khu lo, khedap bulh lo, cih bangin na om kei ding hi. Na mai zong na khuh kei ding a, a dahte’ annekte pawl zong na ne kei ding hi,” hong ci hi.

Sawltak 20:10

Paul in a nuai-ah kumsukin, ama tungah lum a, a kawi khit ciangin, “Gamlum kei un. Ama sungah hin’na a om lai hi!” a ci hi.

Mangmuhna 18:22

Gawsem tumte, la siamte, tamngai tumte, peengkul tumte tumna’ aw nang sungah a nung ciangin cikmah hunin kiza nawn lo ding hi. Khutsiam pilna pawlte cikmah hunin nang sungah kimu nawn lo ding hi. An gawina ging nang sungah cikmah hunin kiza nawn lo ding hi.