Mattiu 8:8 - Tedim Bible

⁸ Galkap mangpa in, “Topa aw, keima inn khum nuaiah nong lut dingin ka kilawm kei hi. Na kam bekin thupia lecin zong ka nasempa a dam ding hi.

Tedim Bible Revision 2017

⁸ Ahi zongin galkap bupa in, “Topa aw, keima inn ah nang pipi nong pai dingin kilawm lo ka hih manin a dam nadingin thu pia lel lecin zong ka nasem pa dam ding hi.

Mattiu 8:8 Referans Kwoze

Late 107:20

amah in ama’ thu vaikhakin, amaute dam sak a, siat nading panin amaute honkhia hi.

Late 33:9

Bang hang hiam cih leh amah pau a, hong piang hi; thu pia a, hong om hi.

Mattiu 8:3

Zeisu in a khut zanin lawng a, “Ka hih nuam hi, na dam ta in,” a cih leh, thakhatin a dam pah hi.

Johan 1:27

Ama khedap khau phel ding nangawnin ka kilawm kei hi,” a ci kik hi.

Luka 5:8

Simon Piter in a muh ciangin Zeisu khuk kiangah bokin, “Topa aw, mawhnei mi ka hih ciangin ka kiang pan paikhia in,” a ci hi.

Mattiu 3:11

Keimah in na mawhna na kisikkikna uh hangin tui sungah ka hong baptaiz hi. Ahih hangin ka nungah hong paipa in kei sangin a lianzaw hi. Ama khedap tawi ding nangawn ka kilawm kei hi. Amah in Kha Siangtho leh mei sungah note hong baptaiz ding hi.

Luka 15:21

A ta in, ‘Pa aw, Pasian tung leh nangma mai-ah ka khial zo hi. Tu-a kipanin na ta kicih nadingin ka kilawm kei hi,’ a ci hi.

Luka 15:19

Tu-a kipanin na ta kicih nadingin ka kilawm kei hi. Nangma nasemte khat mah bangin hong koih in, ka ci ding hi,’ a ci hi.

Mattiu 3:14

Johan in, “Nangmah in kei nong baptaiz ding kilawm zaw napi-in kei kiangah hong pai na hi hiam?” ci-in a nial hi.

Gamlak-vakna 20:8

“Ciangkhut la-in, nang leh na sanggampa Aaron in mihonte khawm un la, suangpi in amau’ muh-in tui a piak ding sawl un; tua bangin suangpi panin amau ading tui na pia ding hi; tua bangin mihonte tung leh amau’ ganhingte tungah tui na pia ding hi,” a ci hi.

Late 10:17

Topa aw, lungnemte deihna na ngai ding hi; a lungsim uh na hatsak ding a, na bil na ngat ding hi.

Piancilna 32:10

Keimah in na itna kip khempeuh lak pan a neu pen leh na nasempa' tunga nong lahsa na thumannate khempeuh tawh ka kilawm kei hi, bang hang hiam cih leh ka ciangkhut guak tawh hih Jordan ka kantan hi; tu-in pawl nih ka cing khin ta hi.

Mattiu 8:7

Zeisu in, “Hong pai-in ka damsak ding hi,” a ci hi.

Mattiu 8:9

Bang hang hiam cih leh, keimah in zong za nuai ah hong kikoih hi. Keima nuai ah zong galkapte a om hi. Tua galkapte khat, ‘Pai in,’ ka cih ciangin a pai hi, khat ‘hong pai in’ ka cih ciangin a hong pai hi. Ka nasempa, ‘Hih na sem in,’ ka cih ciangin a sem hi,” a ci hi.